Unicode;
"Jiyeon ဘယ်လိုလုပ်ပြီး ဒီချိန်ကြီး"
ညအမှောင်ကြီး ကိုယ်ပိုင် တဲအိမ်လေးရှေ့ရောက်နေတဲ့ ချစ်ရသူ မိန်းကလေးကြောင့် Yoongi အံ့ဩသွားသည်။ ထိုမိန်းကလေးက Yoongi ရင်ခွင်ထဲ ပြေးဝင်ရင်း
"အိမ်က ထွက်ပြေးခဲ့ပြီ.."
"ဘယ်လို"
"နန်းတော်ရဲ့ နတ်ဆရာမက စစ်မှန်တဲ့ ဘုရင် အစစ်ကသာ ကျွန်မနဲ့ လက်ဆက်ရမယ်ဆိုလို့ မင်းသားလေး တစ်ယောက်နဲ့ လက်ဆက်ပေးဖို့ အိမ်က လုပ်နေပြီ အမေ့အကူအညီနဲ့ အိမ်က ထွက်လာခဲ့ပြီ အကိုနဲ့ မခွဲနိုင်လို့"
မျက်ဝိုင်းလေးနဲ့ ပြောပြနေတဲ့ Jiyeon ကို ကြည့်ပြီး Yoongi အံ့ဩနေမိသည်။ Jiyeon ကို အရင် အိမ်ထဲ ဝင်ခိုင်းလိုက်ပြီး အေးဆေး နားနေခိုင်းလိုက်သည်။ Jiyeon စိတ်ငြိမ်သွားလောက်တဲ့ အချိန်မှ
"နတ်ဆရာမပြောတာ မမှားဘူးဆိုရင် ကိုယ် ကြိုးစားတော့မယ် Jiyeon"
"ဘာကို"
နားမလည် သလို အကြည့်လေးနဲ့ မေးလိုက်တဲ့ Jiyeon အမေးကို Yoongi ချက်ခြင်း မဖြေပဲ Jiyeon လက်ကိုဆုပ်ကိုင်လိုက်သည်။ ကံကြမ္မာက မျက်နှာသာပေးချင်လို့ ဒီမိန်းကလေးနဲ့ ဖူးစာစုံစေခဲ့သလား မသိ။ဒီမိန်းကလေးက တိုင်းပြည်ရဲ့ မိခင် မဟုတ်ပါလေသလား။
"တကယ်တော့ ကိုယ်က ဘုရင့်သားတော် တစ်ယောက်ပါ"
"ဘယ်လို.. ဘုရင့်သားတော်"
"ကိုယ့်အမေက ဆောင်ကြာမြိုင်က ကချေသည် တစ်ယောက်လေ ဘုရင် အိမ်ရှေ့စံ ဘဝက လာရင်း ချစ်ကျွမ်းဝင်ပြီး ကိုယ့်ကို ရခဲ့တာ.. အမေက ပြောပြဖူးတယ် ဒါပေမယ့် တနေ့ကျ အမေ ပြင်းပြင်းထန်ထန် နေမကောင်းဖြစ်တော့ သူ့သူငယ်ချင်းကချေသည် တစ်ယောက်အိမ် ကိုယ်တို့ သွားအိပ်ခဲ့ကြတယ် ကဲ့ကချေသည်ဆီမှာလည်း ကိုယ်နဲ့ အသက်သိပ်မကွာတဲ့ သားတစ်ယောက်ရှိတယ် တကယ်တော့ အဲ့နေ့မတိုင်ခင်ကတည်းက အဖေက လာခေါ်မှာ အဖေက ဘုရင်ဆိုတာ အမေက မှာထားပြီးသား.. ဒါပေမယ့် အဖေလာခေါ်မယ့် နေ့မှာ အမေဆုံးသွားတယ် အဖေလာခေါ်မယ့်နေ့မှာ အမေ့သူငယ်ချင်း ကချေသည်က ကိုယ့်ကို တခြားကချေသည်အိမ် ပို့ခဲ့တယ်.. ကိုယ်ခိုးပြီး ပြန်လာတော့ အဲ့အိမ်မှာ ကိုယ့်အဖေ ဘုရင် ရောက်နေခဲ့ပြီ အမေ့သူငယ်ချင်း ကချေသည်နဲ့ သူ့သားကို ခေါ်သွားတာ ကိုယ်မြင်ခဲ့တယ် ဟိုကောင်လေးကို အဖေက ကိုယ်လို့ ထင်သွားတဲ့ပုံပဲ.. အဲ့တုန်းက အရမ်းလည်း ငယ်သေးတာမို့ ချောင်းကြည့်နေရုံက လွဲပြီး ကိုယ်ဘာမှ မတတ်နိုင်ခဲ့ဘူး"
YOU ARE READING
The Imperial Fake
Fanfiction(Unicode + Zawgyi) Unicode ; ပန်းအတုက ပန်းအစစ်နဲ့ တူရင် လူတွေဆီက လှတယ်လို့ ချီးကျူးခံရတတ်တယ်... ပန်းအစစ်က ပန်းအတုနဲ့ တူရင်လည်း လူတွေက လှတယ်ဆို ချီးကျူးကြပြန်တယ်... ဒါဆို အလှစစ်ကို ပိုင်ဆိုင်ထားတာ အစစ်ကလား အတုကလား...။ Zawgyi; န္းအတုက ပန္းအစစ္နဲ႔ တူရင...
