Unicode;
"Jeon မင်းသား.. မင်းကြီးက ဆင့်ခေါ်ခိုင်းလိုက်ပါတယ်"
နန်းဆောင် အပြင်က က အသံကြောင့် အိပ်ပျော်နေတဲ့ Jimin ခန္ဓာကိုယ်လေး လှုပ်လှုပ်ရွရွ ဖြစ်လာသည်။ Jungkook လည်း ကြိုးဖြည်ရန် ကြိုးစားနေတဲ့ လက်ကို ရပ်တန့်လိုက်ပြီး ချက်ခြင်း ထလိုက်သည်။ Jimin နန်းဆောင်ထဲက ထွက်ခွါခဲ့ပြီး မင်းကြီး နန်းဆောင်ဆီ သွားရန် ပြင်ဆင်ရတော့သည်။ Jimin အိပ်ရာနိူးတော့ အနားမှာ ဘယ်သူမှ ရှိမနေ။
"ဟို နှာဗူးအရူးကြီး ပြန်သွားပြီ ထင်တယ်"
အိပ်ရာထက်မှ ထလိုက်ပြီး အကြောဆန့်လိုက်သည်။ တညလုံး ဖိအိပ်ခံထားရတဲ့ ဒဏ်ကြောင့်လားမသိ တစ်ကိုယ်လုံး ညောင်းကိုက်နေသလို ခံစားရသည်။
"Park မိန်းကလေး.. မင်းကြီးက ဆင့်ခေါ်ခိုင်းလိုက်ပါတယ်"
"ဟုတ်ကဲ့ လာခဲ့ပါ့မယ်"
အကြောဆန့်ရင်း တန်းလန်းတောင် ရပ်တန့်သွားသည်။ မင်းကြီးက ခေါ်ခိုင်းလိုက်တာတဲ့.. ယောကျ်ားလေးမှန်း မရိပ်မိစေရန် ကြိုးစားရဦးမည်။ အဝတ်စကို ရင်သားပုံစံလိုဖြစ်အောင် တစ်နေရာထဲ ခပ်ထူထူခေါက်ထည့်လိုက်သည်။ ကိုယ့်ပုံစံကိုယ် မှန်သားပြင်ပေါ် ကြည့်လိုက်မိသည်။
"ငါသာ မိန်းကလေးဆို ငါ့ကိုယ်ငါ ပြန်ကြိုက်မိမယ် ထင်တယ်.. အား... လှလိုက်တာ Park Jimin မင်းမိန်းကလေးလို ဝတ်လိုက်ရင် တကယ် မိန်းကလေးအတိုင်းပဲ ဘယ်သူမှ ရိပ်မိမှာ မဟုတ်ဘူး.. ဒီလိုပုံစံနဲ့ တစ်သက်လုံးတောင် နေသွားလို့ ရတယ်"
ကိုယ့်ကိုကိုယ် အားပေးပြီး နန်းဆောင်ထဲက ထွက်လာခဲ့သည်။ အထိန်းတော် တစ်ယောက်နောက် လိုက်ရင်း မင်းကြီး နန်းဆောင်ဆီ ဦးတည်လာခဲ့သည်။ တစ်လမ်းလုံး ဟိုကြည့် ဒီကြည့်နဲ့ Jimin နန်းတွင်းထဲ အကဲဖြတ်မိသည်။ တစ်ခါမှ မရောက်ဖူးတဲ့ ရွှေနန်းတော်ကြီးက ဒီလောက်တောင် ခမ်းနားလား။ မနေ့ကလည်း ပုဝါအုပ်ထားတာမို့ ဘာမှ မမြင်ခဲ့။ ဟိုငေး ဒီငေးရင်း အထိန်းတော်နောက် လိုက်လာတာ မင်းကြီး နန်းဆောင်ကိုတောင် ဘယ်လိုရောက်သွားမှန်း မသိ။
"ဝင်သွားလိုက်ပါ Park မိန်းကလေး"
Jimin အသက်ဝဝရူပြီး မင်းကြီး နန်းဆောင်ထဲ ဝင်သွားလိုက်သည်။ နန်းဆောင်ထဲ မင်းကြီးဘေးဘက် လက်ဖက်ရည်ကြမ်း သောက်နေတဲ့ Jeon မင်းသားကို တွေ့တာကြောင့် လန့်သွားသည်။ သူက ဘာလို့ ဒီရောက်နေတာလဲ... မဟုတ်မှ လွဲရော.. ငါက ယောကျ်ားလေးဆိုတာ သိသွားလို့ မင်းကြီးကို ပြောလိုက်တာလား.. ငါ့ကို မင်းကြီးက အပြစ်ပေးဖို့ ခေါ်လိုက်တာလား.. ငါ့ကို သေဒဏ်ချတော့မှာလား.. ငါသေရတော့မှာလား.. ဟင့်အင်း ငါ့အသက်က ခုမှ ငယ်ငယ်လေးရှိသေးတယ် မသေချင်သေးဘူး.. ငါဘယ်လိုလုပ်ရမလဲ.. ဘယ်လိုလုပ်ရင် ကောင်းမလဲ..။ တုံ့ဆိုင်း တုံ့ဆိုင်းဖြစ်နေတဲ့ Park မိန်းကလေးကို ကြည့်ရင်း မင်းကြီး ပြုံးမိသည်။ အော်.. ငါက ဘုရင်ဆိုတော့ သူ ကြောက်နေလို့နေမှာ တွေ့လိုက်ကာ..။
YOU ARE READING
The Imperial Fake
Fanfiction(Unicode + Zawgyi) Unicode ; ပန်းအတုက ပန်းအစစ်နဲ့ တူရင် လူတွေဆီက လှတယ်လို့ ချီးကျူးခံရတတ်တယ်... ပန်းအစစ်က ပန်းအတုနဲ့ တူရင်လည်း လူတွေက လှတယ်ဆို ချီးကျူးကြပြန်တယ်... ဒါဆို အလှစစ်ကို ပိုင်ဆိုင်ထားတာ အစစ်ကလား အတုကလား...။ Zawgyi; န္းအတုက ပန္းအစစ္နဲ႔ တူရင...
