Unicode;
"Jeon မင်းသမီးလေး Park အမတ်ကြီး ရောက်နေပါတယ်"
Jimin လန့်သွားသည်။ အဖေ...?? အဖေက ဘာလို့ လာတာလဲ။ ဒီရက်ပိုင်း မမျှော်လင့်ထားတဲ့ ဧည့်သည်တွေလာပါ့..။ လှဲလျောင်းနေရာမှ အမြန်ထလိုက်ပြီး Jiyeon နဲ့ တူအောင် အဝတ်စတွေ ထိုးသွင်းပြီး ဆံပင် နည်းနည်းပါးပါး ဖီးလိုက်သည်။ မှန်ကို ကြည့်ပြီး စိတ်တိုင်းကျမှ
"ဝင်ခွင့်ပေးလိုက်ပါ"
Jimin စကား အဆုံးမှာ Park အမတ်ကြီး နန်းဆောင်ထဲ ဝင်လာသည်။ Jimin ဂါရဝ ထပြုလိုက်သည်။ Park အမတ်က ညှိုးနေတဲ့ မျက်နှာနဲ့
"သမီးလေး အဆင်ပြေရဲ့လား"
"ဟုတ် ဖေဖေ သမီးက အဆင်မပြေစရာ ဘာရှိလဲ အိမ်ရှေ့စံက ဒီလောက် ဂရုစိုက်တာကို"
Jimin စကားကြောင့် Park အမတ်ကြီး ခေါင်းငုံသွားတာ Jimin သတိထားမိလိုက်သည်။ တိတ်ဆိတ်သွားတဲ့ အခိုက်အတန့်မှာ ငိုသံတိုးတိုးလေးကို ကြားလိုက်ရတာကြောင့် Jimin လန့်သွားသည်။
"အဖေ ဘာလို့လဲ.. ဘာကိစ္စတွေ ရှိနေခဲ့လို့လဲ"
"အဖေက တောင်းပန်ပါတယ်.. အဖေဖြစ်သူက မကောင်းလို့ တောင်းပန်ပါတယ်"
ပြောပြီး ရှိုက်ကြီးတငင် ငိုချလိုက်တာကြောင့် Jimin ပို စိုးရိမ်လာသည်။
"ဘာဖြစ်လို့လဲ အဖေ ဘာလို့လဲ ပြောပါဦး"
"အဖေ တောင်းပန်ပါတယ် သမီးရယ်.. ဘုရင့် ယောက္ခမဖြစ်ချင်တာနဲ့ သမီးကို ဒီငရဲတွင်းထဲ ဆွဲပို့ခဲ့မိတာ တောင်းပန်ပါတယ်"
"အဖေရယ်.. မဟုတ်တာကို"
"Jeon အိမ်ရှေ့စံ Haeyeon မင်းသမီးနဲ့ လက်ဆက်မယ် သတင်းကြားကတည်းက သမီးအပေါ် အားနာမိတယ်.. လာတွေ့ဖို့လည်း မဝံ့ရဲဘူး ထီးနန်းကြောင့် ငါ့သမီးကို အသုံးချတဲ့ လူလက်ထဲ အဖေကိုယ်တိုင် အတင်းအကြပ် ထည့်ပေးမိလို့ နောင်တရနေပါပြီ သမီးရယ်"
ငိုရင်း ပြောနေတဲ့ အဖေဖြစ်သူကို Jimin ပွေ့ဖက်ထားမိရင်း မျက်ရည်ပါဝိုင်းမိသည်။
"သမီး နန်းတော်ထဲ နေခဲ့တဲ့ အချိန်ကစပြီး သမီးအမေလည်း အိမ်ပေါ်ကဆင်းသွားပြီ Jimin လည်း အိမ်ပြန်မလာတော့ဘူး.."
ကိုယ်တိုင်က Jimin ဖြစ်နေတာမို့ နောက်စကားကို မစိုးရိမ်မိပေမယ့် အမေအိမ်ပေါ်က ဆင်းသွားတယ် ဆိုတာကို အံ့ဩသွားသည်။
YOU ARE READING
The Imperial Fake
Fanfiction(Unicode + Zawgyi) Unicode ; ပန်းအတုက ပန်းအစစ်နဲ့ တူရင် လူတွေဆီက လှတယ်လို့ ချီးကျူးခံရတတ်တယ်... ပန်းအစစ်က ပန်းအတုနဲ့ တူရင်လည်း လူတွေက လှတယ်ဆို ချီးကျူးကြပြန်တယ်... ဒါဆို အလှစစ်ကို ပိုင်ဆိုင်ထားတာ အစစ်ကလား အတုကလား...။ Zawgyi; န္းအတုက ပန္းအစစ္နဲ႔ တူရင...
