Unicode;
"Jungkook အကြိုက်ဆုံး အရောင်က ဘာလဲ"
အမိန့်စာတွေလိပ်သိမ်းနေတဲ့ Jungkook ပေါင်ပေါ် Jimin ခေါင်းအုံးအိပ်နေရင်း မေးလိုက်သည်။ Jungkook ကတော့ လုပ်လတ်စ အလုပ်ကိုဆက်လုပ်နေရင်း
"အနက်ရောင်.. ကလေးရော"
"အင်း... အပြာရောင်.. Jungkook အကြိုက်ဆုံး စားစရာက ဘာလဲ ပြီးတော့ မကြိုက်တာကရော ဘာလဲ"
Jungkook က အမိန့်စာတွေ လိပ်နေရင်းရပ်တန့် လိုက်ပြီး မျက်ခုံးတွန့်လျက်
"ဘာလို့ အဲ့လောက် အမေးအမြန်း ထူနေတာလဲ"
"ကျွန်တော့် ခင်ပွန်းအကြောင်း ကျွန်တော်သိချင်လို့ပေါ့"
"လိုလို့လား"
ပေါင်ပေါ် ခေါင်းအုံးကာ လှဲအိပ်နေတဲ့ Jimin ရုတ်တရပ်ထထိုင်လိုက်တာကြောင့် စိတ်ဆိုးသွားမှန်း Jungkook သိလိုက်သည်။ မျက်နှာလေး ကြည့်လိုက်တော့ ထင်တဲ့အတိုင်း နှုတ်ခမ်းစူနေလေပြီ ဖြစ်သည်။
"ဘာလို့ ဟော့ဒီ့ ပန်းလေးက အဲ့လောက် စူချိတ်နေရတာလဲ ပြော"
Jimin နှာခေါင်းလေးကို ဖွဖွလေး ဆွဲလိုက်ပြီး မေးလိုက်သည်။ Jimin က မျက်စောင်းထိုးလျက်
"ကျွန်တော့် သူငယ်ချင်း Taehyung ဆို သူ့ချစ်သူ သမာတော်လေး Jung အကြောင်း အကုန်သိတယ် ဘာကြိုက်တတ်လဲ ဘာနဲ့ မတည့်ဘူးလဲ အကုန် အကုန်.. သူက ပြောပြနေတော့ ကျွန်တော်လည်း အားကျတာပေါ့ ကျွန်တော်လည်း Jungkook အကြောင်းတွေ သူ့ကို ရေပက်မဝင် ပြောပြချင်တာ"
Jungkook က ခပ်သဲ့သဲ့လေး ရယ်ရင်း နှုတ်ခမ်းစူထားတဲ့ ပိစိလေးကို ရင်ခွင်ထဲ ဆွဲသွင်းလိုက်သည်။
"ကလေးက ကိုယ့်ကို ချစ်မှ မချစ်သေးတာ တကယ်ချစ်ရင် သူ့အလိုလို သိသွားမှာပေါ့"
"ဟွန်း.. မဟုတ်တာ ကျွန်တော်က Jungkook ကို အရမ်း အများကြီး ချစ်တာကို"
"ဟား.. ကလေးက များတယ်ထင်ပေမယ့် နည်းနေသေးလို့ နေမှာပေါ့"
Jimin က Jungkook ရင်ခွင်ထဲမှ ရုန်းထွက်လိုက်ပြီး မျက်စောင်းထိုးရင်း
"ကျွန်တော်က တကယ် အများကြီး ချစ်တာပါနော် ဟွန်း"
"ဟား.. အတင်းပါလားဗျာ နေပါဦး အများကြီး ချစ်တယ်ဆိုတာ ခင်ဗျားလေးက ဘယ်လိုလုပ်သိလဲ"
YOU ARE READING
The Imperial Fake
Fanfiction(Unicode + Zawgyi) Unicode ; ပန်းအတုက ပန်းအစစ်နဲ့ တူရင် လူတွေဆီက လှတယ်လို့ ချီးကျူးခံရတတ်တယ်... ပန်းအစစ်က ပန်းအတုနဲ့ တူရင်လည်း လူတွေက လှတယ်ဆို ချီးကျူးကြပြန်တယ်... ဒါဆို အလှစစ်ကို ပိုင်ဆိုင်ထားတာ အစစ်ကလား အတုကလား...။ Zawgyi; န္းအတုက ပန္းအစစ္နဲ႔ တူရင...
