Unicode;
"Haeyeon မင်းသမီး ကြွလာပါတယ် မယ်မယ်"
အထိန်းတော်ရဲ့ စကားကြောင့် Jeon မိဖုရား သက်ပြင်းချမိသည်။ Jungkook နဲ့ Park အမတ်ကြီး သမီးနဲ့ ထိမ်းမြားတော့မယ်ဆိုတာ နန်းတော်ထဲ သတင်းဖြန့်လိုက်တာနဲ့ Haeyeon မင်းသမီး ရောက်လာမယ်ဆိုတာ ကြိုသိပြီးသားဖြစ်သည်။ Haeyeon မင်းသမီးဆိုတာ ဘုရင်ကြီးရဲ့ ဆွေတော်မျိုးတော်ထဲက တစ်ယောက်။ ငယ်ကတည်းက Jungkook အပေါ် ချစ်နေတာကို Jeon မိဖုရားရော မင်းကြီးရော သိခဲ့သည်။ Haeyeon ရဲ့ အဖေဖြစ်သူကလည်း တိုင်းပြည်ရဲ့ အရေးကြီးကဏ္ဠမှာ ပါတာမို့ ကြီးလာလျှင် ထိမ်းမြားပေးမည် ပြောခဲ့ခြင်း ကြောင့် ဖြစ်သည်။
"ဝင်ခွင့်ပေးလိုက်ပါ"
Jeon မိဖုရား စကားဆုံးတာနဲ့ အထိန်းတော်ရဲ့ တံခါးဖွင့်သံ ကြားလိုက်ရသည်။ နှုတ်ခမ်းစူကာ ခြေစောင့်ဝင်လာတဲ့ Haeyeon မင်းသမီးကို ဟန်ဆောင်ပြုံးရင်း
"ဘယ်လို ဖြစ်လာတာလဲ တို့ မင်းသမီးလေးက"
"အဲ့သတင်းက အမှန်လား Jungkook Oppa က ဘယ်ကမှန်း မသိတဲ့ အမျိုးသမီးနဲ့ လက်ထပ်ရမယ် ဆိုတာ တကယ်လား"
Jeon မိဖုရားက ပြုံးရင်း လက်ဖက်ရည်ကြမ်း တစ်ခွက် ငှဲ့နေလေသည်။ Haeyeon က စိတ်မရှည်တဲ့ ပုံဖြင့်
"ဖြေပါဦး မယ်မယ် ပြောတော့ သမီးကို Oppa နဲ့ လက်ဆက်ပေးမှာဆို"
"ထိုင်ပါဦး မင်းသမီးလေးရယ် မယ်မယ် ရှင်းပြပါရစေဦး"
Jeon မိဖုရားက ချော့မော့ရင်းပြောကာ ထိုင်ခိုင်မှ Haeyeon ထိုင်လိုက်သည်။ Jeon မိဖုရားက Haeyeon ရှေ့က အကြမ်းရည်ခွက်ထဲ လက်ဖက်ရည်ကြမ်း ငှဲ့ပေးပြီး
"အခု Jeon မင်းသားနဲ့ လက်ထပ်မယ့်သူက Jeon မင်းသား ဘုရင်ဖြစ်ဖို့ လက်ထပ်ပေးရတာပါကွယ် Jungkook ဘုရင် ဖြစ်တဲ့အခါမှ မင်းသမီးလေးနဲ့ လက်ထပ်ပေးပြီး မင်းသမီးလေးကို မိဖုရားခေါင် နေရာမှာ တင်မှာပေါ့"
Jeon မိဖုရား စကားကြားမှ Haeyeon က စိတ်နည်းနည်း ချသွားသလိုပင်။ ဒါတောင် မယုံသင်္ကာဖြင့်
"Oppa က အဲ့မိန်းကလေးကို ကြိုက်သွားရင်ရော"
"Jungkook အကြောင်းကို မယ်မယ် အသိဆုံးပါ လုံးဝ မကြိုက်စေရဘူး အာမခံပါတယ်"
"မယ်မယ့်ကိုပဲ ယုံကြည်ပါတယ်နော် သမီး အချစ် သမီး ဘဝက Oppa ပဲ ဆိုတာ သိတယ်မလား"
"သိတာပေါ့"
YOU ARE READING
The Imperial Fake
Fanfiction(Unicode + Zawgyi) Unicode ; ပန်းအတုက ပန်းအစစ်နဲ့ တူရင် လူတွေဆီက လှတယ်လို့ ချီးကျူးခံရတတ်တယ်... ပန်းအစစ်က ပန်းအတုနဲ့ တူရင်လည်း လူတွေက လှတယ်ဆို ချီးကျူးကြပြန်တယ်... ဒါဆို အလှစစ်ကို ပိုင်ဆိုင်ထားတာ အစစ်ကလား အတုကလား...။ Zawgyi; န္းအတုက ပန္းအစစ္နဲ႔ တူရင...
