" တောက်ခ်! ချီးထဲမှကွာ! ဘာမှ အသုံးမကျဘူး "
ညနက် 10 နာရီကျော် အလင်းရောင် သိပ်မရှိသော အခန်းထဲ သူတစ်ကိုယ်တည်း သောင်းကျန်းနေမိသည်။ မျက်နှာကလည်း ခက်ထန်ကာ ဒေါသကြောင့် နီရဲနေသည်။ အခန်းတစ်ခုလုံးလည်း သူဖွထားတာကြောင့် ခြေချစရာ နေရာပင် မရှိ...
ထိုစဥ် တံခါးခေါက်သံနှင့် အတူ မရှေးမနှောင်းတွင် ထွက်ပေါ်လာသော တံခါးရှေ့မှ အသံတစ်ခု...။
" Boss ယူခိုင်းထားတဲ့ Whiskey ရပါပြီ "
" အေး ထားခဲ့လိုက်! "
အရက်လာပို့သော သူ့လက်အောက်ငယ်သားကို သူလေသံမာမာဖြင့် ပြောလိုက်မိသည်။ ဒါ လူတိုင်းကို သူဆက်ဆံနေကျ ပုံစံမဟုတ်သော်လည်း ယခု ဒေါသထွက်နေ၍ အကြည့်စူးစူးကပါ ဒေါင်ခနဲ၊ ဒါကို ထိုကောင်လေးကလည်း သိ၍ မျက်နှာမပျက်..
ရှုပ်ပွနေသော စားပွဲကို အနည်းငယ်ရှင်းကာ ဗန်းလေးချပြီး ထိုကောင်လေး ထွက်သွားတော့မှ ရေခဲထည့်ထားသော ခွက်ထဲသို့ Whiskey တွေလောင်းထည့်ကာ တစ်မော့တည်း မော့ချလိုက်တော့သည်။
" ဟက်! မင်းတို့ကောင်တွေက ငါ့ကို နိုင်မယ် ထင်တယ်ပေါ့...? 10 ဘဝကြိုးစားလည်း အပိုဘဲ ဆိုတာ မသိလို့လား? "
ပူဆင်းသွားသော လည်ချောင်းတစ်လျှောက်နှင့် ခါးသက်သက် အရသာတွေကြားမှ အံကြိတ်ကာ ပြောမိသော စကား...
" ဒါတွေအားလုံး Appa ကြောင့် ဖြစ်ရတာ၊ Appa သာ ပိုက်ဆံကို အချိန်မှီပေးမယ်ဆိုရင် ဒီလိုဖြစ်လာစရာ အကြောင်းမရှိဘူး! "
သူနှင့် ပြိုင်ဘက်ဖြစ်သော လူတွေကို ဒေါသထွက်နေရာမှ ဒေါသတွေက နဂိုကတည်းက မကြည်သော အဖေဖြစ်သူထံသို့ မြားဦးလှည့်လာတော့သည်။
" အာကွာ!!!! " ^ ခွမ်းးးး ^
တွေးရင်းတွေးရင်း ဒေါသတွေက ပိုပိုထွက်လာသောကြောင့် လက်ထဲက အပြစ်မရှိသော ဖန်ခွက်လေးက ကြမ်းပြင်ပေါ်တွင် တစ်စစီ ဖြစ်လျက်....
သူ ထိုင်နေရာမှ ထကာ ဝတ်ထားသော Coat အမဲရောင် အရှည်ကို တစ်ချက် ခါလိုက်ပြီး အခန်းအပြင်သို့ ထွက်ရန်ပြင်လိုက်သည်။ ဒီအချိန်မှာ ဒီလိုထိုင်နေလို့ ရတာမှ မဟုတ်တာ၊ ပြသာနာကို ဖြေရှင်းရမည်လေ...
YOU ARE READING
Hybrid But Demon
FanfictionU+Z (Complete) Gangstar လောက က Gang Leader တစ်ယောက်နဲ့ အင်အားကြီး Hybrid တစ်ကောင်၏ ဇာတ်လမ်းပေမို့ Sweet ဖြစ်ဖို့က မသေချာပါ... Gangstar ေလာက က Gang Leader တစ္ေယာက္နဲ႕ အင္အားႀကီး Hybrid တစ္ေကာင္၏ ဇာတ္လမ္းေပမို႔ Sweet ျဖစ္ဖို႔က မေသခ်ာပါ...
