Seokjin တစ်ယောက် အတွေးပေါင်းများစွာနှင့် မှန်တစ်ထပ်ခြားထားသော အိမ်ရှေ့မြင်ကွင်းကို ငေးနေမိပြန်သည်။ အရင်ကလည်း ဒီလိုငေးဖူးပေမယ့် အခုတစ်ခါကတော့ စိတ်ထဲပိုမို တင်းကြပ်စွာ၊ တိတ်ဆိတ်နေသော အခြေအနေက ခဏအကြာ...
" Hyung!! ဘယ်ရောက်နေတာလဲ!? "
တိတ်ဆိတ်မှုကို ဖြိုခွင်းလျက် သူ့ကို တစာစာခေါ်ကာ လိုက်ရှာနေပါသော Hybrid လေး၊ သူ့ကို တွေ့သည်နှင့် နားရွက်ထောင်ထောင်လေး နှစ်ဖက်က လှုပ်ကာ အမြီးရှည်လေး တယမ်းတယမ်းနှင့် ပြေးလာတာများ လုံးလို့...
" Hyung က ဒီရောက်နေတာကိုး၊ ကျွန်တော်က မီးဖိုချောင်မှာ သွားရှာတာဗျ "
အနားရောက်သည်နှင့် ခေါင်းလေးသာ နောက်လှည့်ထားသော Seokjin ၏ ခန္ဓာကိုယ်အား အနောက်ကနေ အင့်ခနဲနေအောင် ဖက်ကာ Joon မှာ လည်ပင်းသို့ တိုးဝှေ့သည်။ ဒါဟာ ဒီတလော Joon လုပ်လာတဲ့ အကျင့်တစ်ခု...
" ဘာလို့ ရှာတာလဲ? "
လည်ပင်းသို့ တိုးဝှေ့နေတာကို ကျင့်သားရနေစွာ လေသံ အေးအေးလေးနှင့် Seokjin ပြန်မေးတော့ Joon က ပြူးကြောင်ကြောင်လေးနှင့် မော့ကြည့်လာသည်။ Hyung က ဘာလို့ ဆွေးနေသလို ခံစားချက်ကြီးနဲ့...?
" ဟမ်!? Hyung ကို ကိစ္စရှိမှ ရှာရမှာလား? ဒီတိုင်း တွေ့ချင်လို့လေ... ရှင်းအောင်ပြောရရင် လွမ်းလို့! "
အတွေးနဲ့အတူ မျက်လုံးထဲ ဝင်လာသော ပါးဖြူဖြူလေးအား Namjoon မှာ အားရအောင် ဖိကပ်ပြီး နမ်းလိုက်သည်။ ပါးမှတစ်ဆင့် အရှေ့သို့ နည်းနည်းတိုးကာ နှုတ်ခမ်းထူထူလေးအား ဖိကပ်ပြန်တော့ Hyung က ဟွန့်ခနဲ နှာမှုတ်သည်။
" ဘာလို့ ငါ့ကို လာချွဲနေတာလဲ Joon? "
" ချစ်လို့ ချွဲတာလေဗျာ... မရဘူးလား? "
နှုတ်ခမ်းဆူကာ ပြောရင်းနှင့် Joon က Seokjin ၏ ခန္ဓာကိုယ်လေးကို မျက်နှာချင်းဆိုင် ဖြစ်အောင် ဆွဲလှည့်လိုက်သည်။ အရပ်က သိပ်မကွာသည်မို့ အကြည့်ချင်းဆုံနေသည်မှာ အချိန်အတော်ကြာ၊ ထို့နောက် သြရှသည့် အသံကြီးနှင့် Joon က...
" ကျွန်တော် Hyung ကို နမ်းချင်တယ် "
တော်တော်ကြာကြာမှ ထွက်လာသည့် ခွင့်တောင်းခြင်း မဟုတ်သော အသိပေးစကားကြောင့် Seokjin မှာ ရဲတင်းနေသော Joon ကို အံသြလွန်း၍ မျက်လုံးဝိုင်းကြီးတွေနှင့် ပါးစပ်လေးဟကာ ကြောင်ကြည့်နေမိသည်။
YOU ARE READING
Hybrid But Demon
FanfictionU+Z (Complete) Gangstar လောက က Gang Leader တစ်ယောက်နဲ့ အင်အားကြီး Hybrid တစ်ကောင်၏ ဇာတ်လမ်းပေမို့ Sweet ဖြစ်ဖို့က မသေချာပါ... Gangstar ေလာက က Gang Leader တစ္ေယာက္နဲ႕ အင္အားႀကီး Hybrid တစ္ေကာင္၏ ဇာတ္လမ္းေပမို႔ Sweet ျဖစ္ဖို႔က မေသခ်ာပါ...
