" Jung Hoseok! မျက်နှာကြော သတ်စမ်း! "
Namjoon တစ်ယောက် သူ့ရှေ့က Sofa ပေါ်တွင် တစ်တီးတူးနေသော Hoseok တို့ အတွဲအား အမြင်ကပ်ကပ်ဖြင့် လှမ်းငေါက်သည်။ မင်လေးက သူ့ရှေ့မှာမို့ ငြိမ်ငြိမ်လေး ထိုင်နေသလောက် ထိုသကောင့်သားမှာတော့ မဟုတ်...
" ဟေ့ကောင်! မကျေနပ်ရင် Jin Hyung နဲ့ တူတူ ပန်းကန်သွားဆေး၊ သူများကို လာမနှောင့်ယှက်နဲ့! "
Lei ၏ လက်လေးကို ခပ်ဖွဖွလေး အုပ်ထားရင်းမှ Hoseok မှာ Kim Namjoon အား မဲ့ရွဲ့ကာ ပြန်ပြောလိုက်သည်။ မေ့မျောနေတုန်းက ဂရုစိုက်ထားတဲ့ ကျေးဇူးတွေမှ မထောက်၊ ယောက်ဖဆိုပြီး ရိုသေချင်စရာကို မကောင်းတာ...
" Hyung က ပေးမဆေးလို့ကွ! မဟုတ်ရင် မင်းရှေ့မှာ ငုတ်တုတ်ထိုင်ပြီး အကုသိုလ် ပွားမနေဘူး! "
" အရှေ့မှာ ငုတ်တုတ်မထိုင်ချင်ရင် ဝမ်းလျာမှောက်နေလေ... ဘယ်သူတားလို့လဲ!? "
တစ်ယောက်တစ်ခွန်းနဲ့ စကားနိုင်လုနေကြပါသော နှစ်ယောက်အား ပစ်ထားလိုက်ကာ Jimin တစ်ယောက် Seokjin ဆီသာ ထွက်လာလိုက်သည်။ အားလပ်ရက်လေး ထမင်းတူတူစားပါတယ် သူတို့ နှစ်ယောက် သတ်နေတာချည်း...
" အဲ မင်လေး... အရှေ့မှာ သွားနေပါဆိုတာကို ဘာလာလုပ်တာလဲ? ဟိုနှစ်ယောက်ရော... "
ဆူပုတ်ပုတ်နှင့် သူ့နားလျှောက်လာကာ ဆေးပြီးသား ပန်းကန်တွေကို အဝတ်ခြောက်နှင့် သုတ်နေသော Jimin အား Seokjin မေးလိုက်သည်။ Jimin မှာ သူ့အမေးကို ပြန်မဖြေခင် ဧည့်ခန်းဘက်ကို မျက်မှောင်ကုပ်ကာ ကြည့်လိုက်ပြီး...
" ဘယ်ဘဝက အကြွေးတွေကို အခုမှ လာတောင်းနေသလဲ မသိပါဘူးဗျာ... ဖြစ်နေကြပြန်ပြီ "
Jimin ဆီမှ စိတ်ပျက်တဲ့ လေသံကြောင့် Seokjin ခပ်ဟဟ ရီလိုက်မိသည်။ စတွေ့ကတည်းက သူ့ကြောင့် အလွဲလေးတွေနဲ့ ဆုံထားတဲ့ နှစ်ယောက်ဟာ အခုထက်ထိ မတည့်နိုင်သေး၊ တွေ့တိုင်း တကျက်ကျက် ရန်ဖြစ်တုန်းပင်...
သေလုမျောပါး ကိစ္စကြီးတစ်ခု ကြုံခဲ့ရတယ် ဆိုပေမယ့်လည်း သူတို့အကုန်လုံးက ယောကျာ်းလေးတွေကြီး ဖြစ်တာကြောင့် တနုံ့နုံ့နှင့် ခံစားမနေဘဲ အခြေအနေတွေကို လွယ်လွယ်ကူကူ မဟုတ်တောင် အဆင်ပြေပြေ ကျော်လွှားခဲ့ကြသည်။
ANDA SEDANG MEMBACA
Hybrid But Demon
Fiksyen PeminatU+Z (Complete) Gangstar လောက က Gang Leader တစ်ယောက်နဲ့ အင်အားကြီး Hybrid တစ်ကောင်၏ ဇာတ်လမ်းပေမို့ Sweet ဖြစ်ဖို့က မသေချာပါ... Gangstar ေလာက က Gang Leader တစ္ေယာက္နဲ႕ အင္အားႀကီး Hybrid တစ္ေကာင္၏ ဇာတ္လမ္းေပမို႔ Sweet ျဖစ္ဖို႔က မေသခ်ာပါ...
