Seokjin တစ်ယောက် လက်လေးပိုက်လျက် အိမ်အရှေ့ဘက်က မြင်ကွင်းကို ငေးနေမိသည်။ ဆယ်ရက်ကျော်မျှ ကြာလာပါသော်လည်း Joon ကတော့ ဒဏ်ရာတွေ တဖြည်းဖြည်း ပျောက်လာတာက လွဲရင် ယခုထက်ထိ အရင်အတိုင်း...
သတိမလည်လာသေးသည့် Joon မှာ လှဲလျက်သား၊ ကြာလာတော့ Seokjin အိမ်ပြောင်းချင်စိတ်ပါ ပေါက်လာသည်။ ဝေခွဲမရတိုင်း ငေးနေမိသည့် အိမ်ရှေ့ဘက်က မြင်ကွင်းကြီးကို သူတော်တော် စိတ်ကုန်နေပြီ။
သို့ပေမယ့်လည်း သူဒီနေရာမှာ စိတ်အဆင်မပြေစွာ ရပ်မိတိုင်း အနောက်ကနေ ပွေ့ဖက်တတ်တဲ့ Joon ကြောင့် ဒီနေရာလေးကို မြတ်နိုးမိပါသေးသည်။ ထို့အပြင် Joon နှင့်အတူ များလှစွာသော အမှတ်တရတွေကိုလည်း အလွယ်တကူ မမေ့ပစ်နိုင်၊
" ပြန်နိုးလာရင်တော့ မင်းအပေါ် အများကြီး ဂရုစိုက်ပါ့မယ် "
ကုတင်ပေါ်က ငြိမ်သက်နေသော ကောင်လေးကို ခေါင်းလေးသာ စောင်းပြီး လည်ပြန်ကြည့်ကာ ပြောလိုက်မိသော စကား၊ ထိုကောင်လေး ကြားသည်၊ မကြားသည်ထက် သူ့ကိုယ်သူ ကတိပေးသော စကားမို့ Joon မကြားလည်း ရသည်။
အရှေ့ဘက်ကို ပြန်၍ မျက်နှာမူမိတော့ ခေါင်းထဲ ဝင်လာသည်က Jimin အကြောင်း၊ ခါတိုင်း ဒီအချိန်ဆို ခဏခဏ ရောက်လာနေကျပေမယ့် ဒီနေ့တော့ Hobi က ဖွင့်ပြောမယ်ဟုဆိုကာ လာခေါ်သွားတာကြောင့် ရှိမနေ...
လောကကြီး ပြောင်းလဲသွားပုံများ ဘာလိုလိုနဲ့ Mama Boy လေး Hoseok တောင် ချစ်ရမည့်လူ ရှိနေပြီ၊ Appa က သေချာပေါက် ယောကျာ်းတစ်ယောက်နဲ့ သဘောမတူဘူး ဆိုပေမယ့် ဒေါ်လေးကတော့ Hobi ကို ခွင့်ပြုပေးမှာ...
" Omma? "
ပါးစပ်ကနေ လွှတ်ခနဲ ထွက်သွားသည့် နာမ်စား၊ Appa ကလည်း သူ့ကို ယောကျာ်းတစ်ယောက်နဲ့ သေချာပေါက် သဘောမတူဘူးဆိုပေမယ့် သူ့ကို အမြဲတမ်းလိုလို အလိုလိုက်တတ်သည့် Omma ကရော သဘောတူလေလောက်မလား?
" ရူးနေပြီဘဲ Kim Seokjin! တစ်ယောက်တည်း ဖြစ်နေတာနဲ့ တွေးချင်ရာတွေ လျှောက်တွေးနေတော့တာဘဲ... "
" Hyung ကို တစ်ယောက်တည်းလို့ ဘယ်သူက ပြောလဲ...? "
" ဟင်! "
DU LIEST GERADE
Hybrid But Demon
FanfictionU+Z (Complete) Gangstar လောက က Gang Leader တစ်ယောက်နဲ့ အင်အားကြီး Hybrid တစ်ကောင်၏ ဇာတ်လမ်းပေမို့ Sweet ဖြစ်ဖို့က မသေချာပါ... Gangstar ေလာက က Gang Leader တစ္ေယာက္နဲ႕ အင္အားႀကီး Hybrid တစ္ေကာင္၏ ဇာတ္လမ္းေပမို႔ Sweet ျဖစ္ဖို႔က မေသခ်ာပါ...
