" အဟားးးဟားးးး ဒါဆို မင်းက အိမ်ခွဲနေရဖို့အတွက် ကတိတွေ ထပ်ပေးခဲ့ရတာပေါ့...? "
ကိုယ့်ပေါင်ကိုယ် လက်နှစ်ဖက်နှင့် တဖြန်းဖြန်း ရိုက်လျက် သူ့ကိုကြည့်ကာ အားရပါးရ ရီနေပါသော Seokjin Hyung ကြောင့် Hoseok မှာ ရီရခက် ငိုရခက်၊ ထပ်ပြောမည့် စကားတွေတောင် လည်ချောင်းထဲ ပြန်ဝင်သွားသလို...
" Hyung ကဗျာ... ကျွန်တော့်အဖြစ်က ရီရမှန်း သိပါတယ်၊ အဲ့လောက်တော့လည်း မရီနဲ့လေ... ရှက်တယ်ဗျ! "
Hoseok က ခေါင်းလေးကုပ်ကာ ရှက်ရှက်နဲ့ ပြောတာတောင် Seokjin မှာ အရီမရပ်နိုင်သေး၊ ပေါင်တွေကို ရိုက်ပြီးရီတာ အားမရလို့ ခေါင်းတွေပါ ချာချာလည်နေကာ တစ်ကိုယ်လုံးလည်း လေထဲမှာ ယမ်းခါနေသည်။
ထိုအချိန် Seokjin ၏ ရီကြောကို ဖြတ်လိုက်သည်က မတိုးမကျယ် တံခါးခေါက်သံလေးနှင့် တံခါးကြားမှ ခေါင်းလေးပြူကာ ထွက်လာသော Bin ၏ အသံ၊ Seokjin မှာ အရီရပ်သွားကာ Bin ၏ စကားအား နားစိုက်ထောင်သည်။
" Boss! Jack က အရေးတကြီး ပြောစရာ ရှိလို့တဲ့ "
အားနာဟန်နှင့် Hoseok ကို ကြည့်ကာ အသံလေးနှိမ့်ပြီး ပြောလာသော Bin...
" ငါ့မှာ ဧည့်သည်ရှိနေတယ်လေ Bin! ပြောလိုက် မအားသေးဘူးလို့...! "
ကလေးဆန်သည်ဘဲ ပြောပြော မနေ့က Joon' ကိစ္စနဲ့ပတ်သက်ပြီး ထိုကောင်လေး Jack ကို Seokjin ဘယ်လိုမှ မကြည်နိုင်သေးပါ။ ထို့ကြောင့် ဆင်ခြေပေးပြီးသာ ငြင်းလိုက်မိသည်။ သို့သော် ဘာမှမသိရှာသော Hoseok ကတော့...
" ရပါတယ် Jin Hyung... သူအရေးကြီးလို့ နေမှာပေါ့ ကျွန်တော်လည်း အဖော်နဲ့လာတာ၊ ပြန်တော့မယ်... "
ပြောပြီးသည်နှင့် ခုံပေါ်က ထကာ Jin Hyung ကို နှုတ်ဆက်ပြီး Hoseok ထွက်လာလိုက်သည်။ ဒါတောင် အခန်းပြင်ရောက်တော့ ကြားလိုက်မိသည်က Jin Hyung ၏ ဝင်လာခိုင်းလိုက် ဟူသော ဆူအောင့်အောင့် အသံလေး...
Hoseok တစ်ယောက် Jin Hyung ၏ ရုံးခန်းထဲမှ ထွက်လာသည်နှင့် လျှောက်လမ်းလေး တစ်ခုကို ဖြတ်ကာ ကြည့်တော့ တွေ့လိုက်ရသည်က မီးရောင်စုံကြားထဲက လူပေါင်းစုံ၊ စိတ်လွတ်ကိုယ်လွတ် ကနေလိုက်ကြတာများ ကွေးလို့...
YOU ARE READING
Hybrid But Demon
FanfictionU+Z (Complete) Gangstar လောက က Gang Leader တစ်ယောက်နဲ့ အင်အားကြီး Hybrid တစ်ကောင်၏ ဇာတ်လမ်းပေမို့ Sweet ဖြစ်ဖို့က မသေချာပါ... Gangstar ေလာက က Gang Leader တစ္ေယာက္နဲ႕ အင္အားႀကီး Hybrid တစ္ေကာင္၏ ဇာတ္လမ္းေပမို႔ Sweet ျဖစ္ဖို႔က မေသခ်ာပါ...
