الجزء الثاني من البارت(48)🌹بنت 18🌹#بقلمى_برنسسN
رحيم بابتسامه ماكره : هاخدك و نطلع الاوضه و اعملك تحديد أقامه جوا الاوضه ممنوع الخروج حتي التراس مش هيتفتح و هنفضل انا و انتي و بس لا بحر و لا ترعه و بصراحه انا بتلكك
نظرت له آيه بغموض و هو قلق : مالك بتبصيلي كده ليه
آيه بتوتر : أصل انت بجيت چرئ جوي و چرئتك دي بتخوفني و توترني
ضحك رحيم : تخافي مني انا اخص عليكي يا قتطي دانا رحيم حبيبك و أمانك مش ده كلامك إيه اللي غير رايك؟
ابتسمت آيه : متغيرش و لا حاچه انت فعلاً حبيبي و أماني و سندي و كل دنيتي
رفع يدها إلى فمها و قبلها ثم استأنف المشي نحو ذالك المدعوا( سالم بيه السيوفي)
وقف العامل و هم أيضاً وقفوا التفته لهم : اللي قاعد هناك ده هو سالم بيه و اللي معه دي المدام حنان مراته
رحيم : تمام اتفضل انت و شكراً
العامل : العفو يا بيه أنا تحت أمر حضرتك
غادر العامل و هم ذهبوا نحو المدعو سالم و زوجته
وقفوا أمامهم
رحيم : حضرتك سالم بيه السيوفي
ابتسم سالم و وقف : ايوه انا..انت اكيد رحيم ابن يونس ابن عمي الحاج مجاهد صح
حرك رحيم راسه ب نعم : أيوه انا
مده له سالم يده و سلم عليه : أهلاً يا بني شرفتني و نورت الاوتيل انت و عروستك انا فرحت جداً لما عمك ساجد كلمني و قالي انك موجود هنا... اعرفك حنان مراتي
مده رحيم يده و سلم عليها : اتشرفت بحضرتك يا فندم
ضحك سالم : فندم إيه و حضرتك إيه يا رحيم دي في مقام مرات عمك قولها يا طنط أو يا مرات عمي زي ما بيقولوا عندنا في البلد
رحيم : حاضر اتشرفت بحضرتك يا طنط
حنان بابتسامه بشوشه و حنونه ك عادتها
(آسفه لازم اعلق و اقولها وحشتيني يا اجمل حنان و أجمل حما و أم في الدنيا كلها 😘😘😘😘😘)
حنان : الله يسلمك يا حبيبي اتفضل اقعد و قعد عروستك أصل شكلها مكسوفه دي حتي مسلمتش
رحيم بابتسامه : هي فعلاً بتكسف شويه سلمي يا آيه
تقدمت آيه و مدت يدها ل حنان التي وقفت و ضمتها
حنان : السلام بالايد ده للغرب انا مرات عمك زي ما انا مرات عمه مش انتي بنت عمه برود يعني سيوفيه
ابتسمت آيه : ايوه بنت عمه
ابتسم سالم : بنت مين في السيوفيه يا آيه عشان معرفتش استفسر من ساجد
أنت تقرأ
بنت 18 بقلم/نرمين السعيد (برنسيس N)
Lãng mạn"وجئتُ أسألها عما يكدّرها تردّ آلامها عني وتخفيها ألقتْ عليّ كلامًا لستُ أفهمهُ لكن قرأتُ بدمع العين مافيها أنا الذي لو أرى يومًا مدامعها أُقيمُ من أجلها الدنيا...
