البارت(67) 🌹بنت 18🌹#بقلمى_برنسسN
طرق أحدهم الباب وقفت زينات و فتحت وجدت فتاه جميله تقف مبتسمه برتباك
الفتاه : السلام عليكم ورحمة الله وبركاته
زينات : و عليكم السلام ورحمة الله وبركاته اامري يا حبيبتي عايزه مين؟
الفتاه : عايزه الحج مختار أو البشمهندس توفيق مش ده بيت كبير الزعتره و لا انا غلطانه
زينات : لاه مش غلطانه اتفضلي الحچ مختار چوه
داخلت الفتاه أغلقت زينات الباب و سارت أمامها و هي تدلها على مكان الحج مختار
زينات : في ضيفه بتسأل عليك أنت و توفيج يا چد
داخلت زينات و خلفها الفتاه
الحج مختار بهدوء : اتفضلي يا بنتي.. انتي مين و عايزني اني و توفيج في إيه؟ ... اتفضلي اجعد
جلست الفتاه و نظرت له بعيونه باكيه : ا انا مروه مرات غانم حفيدك و ام ابنه اللي في بطني
مررت يدها على بطنها لتظهر لهم بطنها المنتفخه تحت العبائه الفضفاضه التي ترتديها
نظره الجميع إلى بعضهم بصدمه و عدم استيعاب
زهره بتوتر و عصبيه : مرات والدي كييف لاه اكيد انتي بتتبلي عليه ولدي ميتچوزش من ورانا و من غير موفجة چده
بكت مروه : هو ده اللي حصل انا مراته و حامل منه و كمان ده مش أول حمل انا حملت منه قبل كده و هو اجبرني انزله (وقفت سريعاً و ذهبت إلى الجد مختار و انحنت و قبلت يده و هي تبكي) ارجوك يا حج أقف جمبي انا يتيمه الأب و امي متجوزه واحد تاني و جوزها طردني من البيت و مليش حد الظروف وقعتني في طريق غانم انا حبيته بس هو للأسف استغل ضعفي و انا ماليش حد انا هحكيلك كل حاجه بصراحه و معيا العقد العرفي اللي متجوزين بيه و اللي ولاد عمه حسين و خلف شاهدين عليه و عارفين بعلاقتنا بس ارجوك تحميني منه و تمنعه انه يخاليني أموت ابني انا حامل في ولد و خلاص بقيت في الشهر الرابع و قربت ادخل على الخامس و مينفعش انزله انا عارفه انك راجل طيب و تعرف ربنا و ميرضكش تظلم بنت يتيمه و ضعيفه زي و تتحمل ذنب موت طفل من صلب العيله اللي انت كبيرها و ده مش اي طفل ده ابن حفيدك
شعر الحج مختار بدور تكلم بتعب : اجفي يا بنتي و اجعدي مكانك.. جومي يا زينات اعملي كوبيه حاچه مسكره حاسس بدوخه و جلبي وچعني
ركضت زينات سريعاً نحو المطبخ اقتربت زهره من حماها بقلق : مالك يا عمي حاسس ب إيه اكلم توفيج يچيب الدكتور
أشار لها مختار ب لا : لاه مش عايز دكاتره كلمي توفيج يچيب اخوه من تحت الارض و يچي هنا فوراً
أنت تقرأ
بنت 18 بقلم/نرمين السعيد (برنسيس N)
Romance"وجئتُ أسألها عما يكدّرها تردّ آلامها عني وتخفيها ألقتْ عليّ كلامًا لستُ أفهمهُ لكن قرأتُ بدمع العين مافيها أنا الذي لو أرى يومًا مدامعها أُقيمُ من أجلها الدنيا...
