البارت(56)🌹بنت 18🌹#بقلمى_برنسسN
طرق رحيم الباب... لحظات و فتحت رحاب ابتسمت حين رأته
رحيم بابتسامه : ازيك يا رحاب عامله إيه؟
رحاب : الحمد لله بخير ( حمحمت بحرج) احمم آسفه مش جدره اجولك اتفضل أصل أمي مش هنا
رحيم : لا عادي انا اصلاً مستعجل و كنت جاي اجبلك دول ل سما و ماشي علي طول
رحاب : إيه دول؟
رحيم : طب خديهم و بعدين اسالي انتي مالك بتعمليني كأني جيبلك موصيبه
ضحكت رحاب : لا و الله مش جصدي
أخذت منه الأغراض و هو قال : ده لبن و سريلاك ل سما
رحاب بحرج : طب ليه تكلف نفسك اني چيبلها
رحيم : مش تكلفه و لا حاجه و بعدين انا خالها و الخال والد يعني هي مسؤله مني زي ما انتي مسؤله مني بصفتي اخوكي و لا ليكي رأي تاني؟
رحاب بلطف : بچد شكراً تعبيناك معانا حتي سما مش سيباك في حالك
رحيم : اخرجي منها انتي و اي حاجه هي تعوزها انا تحت أمرها
رحاب : تسلم عجبال ما نچيب ل عيالك
رحيم : يا رب و وقتها لا هقولك شكراً و لا متجبيش عشان انتي عمتهم و ليهم حق عليكي شوفتي انا بفهم ازاي مش زيك يا بتاعت شكراً
ضحكت رحاب : خلاص حجك عليا انت حر مع سما مش هدخل و لا هجولك شكراً تاني علي رأي المثل يا داخل بين البت و خالها ما ينوب المخلص اللي تقطيع هدومه
ضحك رحيم : طب ما انتي عسل و بتهزري اهو ليه بقي ضربه البوز و شيله الهم فكي و ان شاء الله خير و اللي جاي أحلى بكتير
تنهدت رحاب : يسمع منك ربنا أحسن اني تعبت و بجيت ضعيفه جوي
رحيم بابتسامه : متقوليش كده انتي عمرك ما تضعفي انتي بنت السيوفي يعني ارفعي رأسك فوق ما عاش و لا كان اللي يخاليكي تضعفي و توطي راسك
امتلأت عيونها بدموع : لاه عاش و كان و مرمط بكرمتي الأرض و حصلت أنه اتجرا و اتهمني في شرفي
رحيم بثبات : حقك هيجي تالت و متلت و اطمني انتي مش لواحدك العيله كلها جمبك و انا أولهم و مش هقولهالك تاني انا اخوكي و في اي وقت هتلقيني سند ليكي و مستحيل أسمح لحد يجي عليكي
أبتسمت رحاب و شعرت بالأمان من حديثه
علي الجانب الآخر عند ضياء كان يجلس امام شاشه التلفزيون يتابع نشرت الأخبار
داخل حسن و هو يلهث بارهاق لأنه أخذ الطريق ركضاً
حسن : جوم جوم بسرعه عندها جوم
أنت تقرأ
بنت 18 بقلم/نرمين السعيد (برنسيس N)
Romansa"وجئتُ أسألها عما يكدّرها تردّ آلامها عني وتخفيها ألقتْ عليّ كلامًا لستُ أفهمهُ لكن قرأتُ بدمع العين مافيها أنا الذي لو أرى يومًا مدامعها أُقيمُ من أجلها الدنيا...
