بنت 18 بقلم/نرمين السعيد (برنسيس N)

البارت الثامن

البارت الثامن🌹بنت 18🌹#بقلم_برنسسN

رحيم : انا هنزل اجيب عصير حد عايز

نظرت ليلي الي آيه ثم إليه : بدل نازل هات للكل

رحيم : اوكي

تركهم و نزل دقائق و عاد بالعصير اخذته هاله و قدمت لهم
جلس رحيم شارداً و آيه كانت تتابعه بصمت و هاله و ليلي يتحدثون لاحظت ليلي عدم مشاركة آيه لهم في الحديث فنظرت لها وجدت نظرها معلق ب رحيم ابتسمت بسعاده و نظرت الي إبنها كانت تتأمل ان تراه ينظر إلى آيه و لكن للأسف كان شارداً و ملامحه حزينه

ليلي بقلق : رحيم... رحيم مالك يا قلب ماما

نظره لها رحيم : مافيش يا حبيبتي مرهق شويه

آيه : طيب ما تروح تنام

ابتسم رحيم : قعدتي مضيقاكي و عايزني اخرج

آيه : لاه و الله ما جصدي اجده انا بس بجول(بقول) بدل تعبان روح ارتاح و لو زعلت اني اسفه و خاليك جاعد

وقف رحيم : لا مش زعلان انا بهزار معاكي و فعلاً هروح انام تصبحوا علي خير

ليلي : و انت من اهله يا حبيبي

هاله : تصبح علي فرح و سعاده

رحيم : مين فرح و سعاده دول ناس قريبنا و انا معرفش

ضحكوا جميعاً سار رحيم الي الباب ثم نظره اليهم

رحيم : يويو هو انتي اخدتي ادويتك

آيه بسعادة بسبب اهتمامه : آه اخدتهم متجلجش(متقلقش)

رحيم : اوكي تصبحي علي خير

آيه : و انت من اهل الخير

خرج و هي ظلت تنظر الي الباب بسعاده لاحظت ليلي و كانت سعيده أيضاً

ليلي : إيه رأيكم تناموا معيا هنا الليله

هاله : اني موفجه بس مش هنضيقك

ليلي بابتسامه : ابداً اصلاً السرير كبير

آيه : بس اني بنام في النور

ليلي بعدم فهم : ازاي مش فاهمه

آيه : يعني معرفش انام الا اذا كان في نور في الاوضه زي نور الابجوره اجده

ليلي : اوكي و انا كمان بس ليه بتقولي كده هي هاله بتنام في الضلمه

هاله : اني ليه هو اني مچنونه و لا ملبوسه علشان انام في الضلمه

ليلي : هههه بعيد الشر عليكي من الجنان انتي هبله بس

هاله بضحك : هههه لا دي جاچه معروفه بس صحيح يا بت يا آيه ليه جولتي اجده

آيه بتوتر : اصل يعني لما روحت ل رحيم كان مضلم الاوضه و لما ساجلته (سألته) ليه اجده جالي مش بعرف انام غير في الضلمه ففكرت حضرتك زيه