البارت(11)🌹بنت 18🌹# بقلمى_برنسسN
(ملاحظه في الصور المفروض تنزل مع البارت بس النت ضعيف و كنت هاجل البارت بس قولت لا انزله و لما اشحن الباقه أبقى أعمل تعديل و انزلكم الصور... اتمنا البارت يعجبكم #برنسسN)
مرت ساعات و جاء موعد ذهاب رحيم و أسرته إلى منزل سعد السيوفي نزل الجميع و صعدو إلى السيارات
داخل منزل سعد السيوفي كان الجميع يجلسون بالصالون الا آيه و هاله
تكلم جابر زوج مها : إلا انتم مستعجلين كده ليه يا عم سعد مش كنت بتجول آيه لستها صغيره
سعد بضيق : ايوه صغيره بس چاها نصبها و هي موفجه
جابر : و هو كل اللي چوها مكنوش نصبها... و بعدين اشمعنا ده اللي وفجت عليه
محمد بهدوء : علشان ده المناسب و اللي حاست إنها هتكون مبسوطه معه
جابر بتهكم : حاست هي لحجت تحس كمان و الله عال
مها بغيظ : چابر خاليك في حالك و بعدين أنت شاغل رأسك ليه
جابر : ازاي مشغلهاش يا مها مش خايتك دي اللي رفضت أخويا و لا إني بتهيجلي
زاهر : هي الخسرانه يا چابر... زنهم اخوك راچل و لا كل الرچاله بس هنجول إيه
محمد : هنقول كل شئ نصيب و خايتي مخسرتش حد لأن ربنا بعتها زين الرچاله... و بعدين يا چابر عيب حديتك ده انت چاي تهني و تبارك و لا تلوم و تعاتب ليه خايتي رافضت اخوك و وافجت علي الدكتور رحيم واد عمي مع ان مفيش مجارنة بناتهم
جابر بغضب : تجصد إيه بمافيش مجارنه دي أنا اخويا راچل مافيش منيه و موظف في بنك و معه كليه تچاره و انت چاي تجولي واد عمك احسن منيه في إيه
محمد : لا احسن و لا اوحش بس يكفي أنه سيوفي و حفيد الچد مچاهد ها عنديك أعترض
سعد بابتسامه ماكره : يعترض كييف هو يجدر و لا إيه يا چابر
جابر بغيظ مكتوم : إني مش معترض بس كلمه محمد زعلتني إزاي مافيش مجارنه بينهم
نجاة : متخدهاش بحسسيه يا چابر هو بس جصدو ان اخوك بكالريوس تچاره علي العين و الراس بس ده بردوا دكتور غير أنه متعلم تعليم اچانب مش تعليم كييف اللي حدانا أهني و بعدين متخدش الأمور على جلبك يا چابر في الاول و الآخر كل شئ نصيب و بكره ربنا يبعت ل زينهم نصيبه كييف ما بعت ل آيه
محمد بابتسامه : يسلم خشمك يا مرات اخوي
نجاة : تسلم يا عم عيالي إني هجوم اشجر علي البنات و أشوف لو العروسه محتاچه حاچه
وقفت نجاة و نظرت الي مها : ما تيچي معيا يا مها
مها بتكشيره : لاه إني هجوم ادث التوجن في الفرن اللي فوق علشان تفضل سخنه
أنت تقرأ
بنت 18 بقلم/نرمين السعيد (برنسيس N)
Romance"وجئتُ أسألها عما يكدّرها تردّ آلامها عني وتخفيها ألقتْ عليّ كلامًا لستُ أفهمهُ لكن قرأتُ بدمع العين مافيها أنا الذي لو أرى يومًا مدامعها أُقيمُ من أجلها الدنيا...