البارت(22)🌹بنت 18🌹#بقلمى_برنسسN
نظره رحيم الي آيه : عامله إيه النهارده
آيه : الحمد لله كويسه (مسكت رأسها) بس مصدعه جوي
رحيم : ما لازم تصدعي هو انتي عيطي شويه
أقترب منها و رفع يده و بدأ يدلك لها رأسها برفق
رحيم : هنفطر و بعدها هبعت حد يجبلك مسكن
رجعت آيه للخلف و هي خجله منه... ابتسم علي خجلها و نظره لها نظره طويله دون كلام
قطع الصمت صوت مها : و الله عال يا ست آيه إيه اللي وجفه تهببيه ده يا جليلات الحياء
نظره لها كل من رحيم و آيه جات آيه لترد عليها قطعها صوت رحيم
رحيم بحده : هي مين اللي قليلات الحياء
مها بصوت مرتفع : اللي وجفه معاك وسط الدار و عمال تحسسلها علي رأسها
رحيم بنفعال : إيه تحسسلها دي ما تختاري الفاظك عدل و بعدين دي مراتي
مها : هي علشان مراتك تجف اجده و تلمسها لاه و بايته اهني من إمبارح و ياعالم إيه اللي حصل بيناتكم
آيه بغضب : لا مسماحلكيش لحد اجده و اني اللي مش هسكتلك انتي إيه سكتناله داخل بحماره
مها : و ليكي عين كمان يا بجحتك يا شيخه
رحيم : الزمي حدودك بدل ما اتصرف معاكي تصرف يزعلك مش رحيم السيوفي اللي مراته تتهان قدامه و يسكت
مها : نعم تتصرف تصرف يزعلني و ده من إيه لاه الزم حدودك لو كنت انت رحيم السيوفي انا مها السيوفي و اختها الكبيره الموضوع ده برا عنك خالص
اقتربت و أمسكت يد إيه و همت بسحبها لتاخذها خارج المنزل و لكن يد رحيم منعتها و سحب يد آيه منها و وقف بينهم
كان رحيم في قمه غضبه لدرجه ان عروق وجهه برزت و انفاسه علت و هو يحول التحكم بغضبه فهي بالأخير فتاه و لن يستطيع أن يخرج غضبه عليها
رحيم : انتي فكره نفسك ايه واخدها علي فين
مها : علي دار ابوها خاليها يربيها
اقتربت هانم التي خرجت من المطبخ و خلفها باقي النسوه
هانم : في إيه يا مها صوتك عالي كده ليه و بتزعجي مع ابن عمك
مها : تعالي شوفي ياما المسخره و جلت الحياء اللي بتحصل عيني عينك
ساجد : هو في إيه (نظره إلى رحيم) چرا ايه يا رحيم
قبل ان يتكلم رحيم ردت مها : اجولك اني يا عمي في جلت حياء في ان خايتي متربتش بس احنا فيها و الله لاخلي ابويا يكسر عظمها الفچره دي
أنت تقرأ
بنت 18 بقلم/نرمين السعيد (برنسيس N)
Romance"وجئتُ أسألها عما يكدّرها تردّ آلامها عني وتخفيها ألقتْ عليّ كلامًا لستُ أفهمهُ لكن قرأتُ بدمع العين مافيها أنا الذي لو أرى يومًا مدامعها أُقيمُ من أجلها الدنيا...