မောင့် မူပိုင်ရှင်
အပိုင်း(16)
"နောက်တစ်ခါ အရမ်းလှအောင် မပြင်ပါနဲ့ အခုလိုသူများနဲ့လည်းပြန်မလာနဲ့ ကျွန်တော် စိတ်မချတော့ဘူး "
မူပိုင် မျက်နှာလေးငုံ့ကျသွားကာ အတင်းလိုက်ကြည့်နေတဲ့ သူ့အကြည့်စူးစူးတွေကို ရှောင်ဖယ်ရင်း
"အ၀တ်အစားလဲ လိုက်ဦးမယ် အပြင်ခဏထွက်ပေး"
ဇိမ်းက ပြုံးလိုက်၍ ရင်ခွင်ထဲသို့ သူမခန္ဓာကိုယ်တစ်ခုလုံးကိုဆွဲသွင်းလိုက်သည်။
"ဟင်!"
အတင်းကြပ်နေအောင်ဖက်ထားပြီး
"အသည်းယားလိုက်တာ မတ်မတ်ရယ်"
မူပိုင် သူ့ရင်ခွင်ထဲကနေမရုန်းထွက် ပြန်ဖက်ထားခြင်းမရှိပေမဲ့ သူ့အပြောလေးတွေနဲ့ ဖက်ထားတာကို သဘောကျမိ၏။
"လွှတ်တော့ အပြင်ခဏထွက်ပေး ငါ အ၀တ်လဲရဦးမယ် "
ဇိမ်းကလွှတ်ပေးလိုက်ပေမဲ့ အပြင်မထွက်ပဲ မွေ့ယာပေါ်မှာ လက်ပြန်ထောက်ကာထိုင်နေသည်။
မူပိုင်ကအင်္ကျီကြယ်သီးဖြုတ်ရင်း မထွက်သေးတဲ့သူ့ကြောင့်
"ဘာလုပ်နေတာလဲ ထွက်လေ"
ဇိမ်းက ခေါင်းခါသည်။
"ထွက်ချင်ဘူး"
"ထွက်လို့"
"လင်မယားပဲဘာဖြစ်လဲ ဒီတိုင်း"
"ဇိမ်း မင်းနော် ကပ်တီးကပ်တတ်နဲ့ မထွက်ချင်လည်းနေ "
မူပိုင် အင်္ကျီယူကာ ရေချိုးခန်းထဲ၀င်သွားလေ၏။ ဇိမ်းကသွားစွယ်လေးပေါ်အောင်ရယ်လိုက်ပြီး မွေ့ယာပေါ်သို့ပစ်လှဲလိုက်ပါသည်။
ဒီနေ့ သူမွေ့ယာပေါ်မှာအိပ်ရမယ့်နေ့မဟုတ်လား။
မူပိုင် ပြန်ထွက်လာလျှင် သူက စောင်ခြုံကာ ၀မ်းလျှားမှောက်လျက်မူပိုင် စောင်ကိုလဲ ဆွဲမခွာရဲ။ သူစောင်ခြုံရင် အင်္ကျီချွတ်ထားမှာကြောက်နေရသည်။
"ဟဲ့ မင်း ထမင်းမစားဘူးလား"
"အင်း ဗိုက်မဆာတော့ဘူး "
"အဲ့တာဆိုလည်း ဟိုဘက်တိုး"
ရုတ်တရက်ဇိမ်း ထထိုင်လိုက်ပြီး မူပိုင်ကို ခပ်ပြူးပြူးကြည့်ကာ မချိုမချဉ်ပြုံးလိုက်သဖြင့် မူပိုင်လည်း မျက်ခုံးများတွန့်ချိုးသွားရသည်။
YOU ARE READING
မောင့် မူပိုင်ရှင် (Completed) OC
Romance" ခင်ဗျားကို ကျွန်တော် မယူရင် ဘယ်သူက ယူမှာလဲ " " မင်း မိုက်ရိုင်းလှချည်လား " ပါးပေါ်သို့စပ်ဖျင်းဖျင်းနဲ့ ကျရောက်လာတဲ့ သူမ လက်ဝါးနဲ့က မစိမ်းသက်တော့ပါဘူး "မာနတွေသိပ်ကြီးမပြနဲ့ ဒေါ်မူပိုင်ရှင် ခင်ဗျားကို အစ်ကို့ မိန်းမမို့လို့ အလျော့ပေးနေတာ နောက်ဆိုရ...
