မောင့် မူပိုင်ရှင်
အပိုင်း(27)
"ဒီနေ့တော့ စောစောစီးစီး ဝင်အိပ်လို့ပါလား "
၉နာရီသာရှိသေးသည့် ညအချိန်တွင်ဇိမ်း မွေ့ယာပေါ်၌နေရာယူပြီးနေပြီမို့ မူပိုင် နောက်လိုက်သည်။
"အင်း မနက်တိုင် မတ်မတ် ကိုရုံးလိုက်ပို့ချင်လို့ သေချာ အစောကြီး အိပ်တာ "
"ဟုတ်ပါပြီရှင် ကောင်းတာပေါ့ ဒါပေမဲ့ ရုပ်ရှင် မကြည့်ရတာ ငါ့ကြောင့်လို့တော့ မပြောနဲ့နော် မင်းဟာမင်း အစောကြီး အိပ်တာ"
"မတ်မတ်ပြောမှ သတိရတယ် ဒီရုံးပိတ်ရက် ဖြစ်ဖြစ် တစ်ညနေ ဖြစ်ဖြစ် ရုပ်ရှင်သွားကြည့်ရအောင် "
မူပိုင် သူ့ဘေးနားမှာ ဝင်လှဲ ရင်း
"ရုပ်ရှင်?"
"အင်း မတ်မတ် နဲ့ မကြည့်ဖူးသေးဘူး"
"မကြည့်ချင်ပါဘူး "
"ဘာလို့လဲ မောင် နဲ့မကြည့်ချင်လို့လား "
သူမဘက်သို့ချက်ချင်းလှည့်လာပြီး ကျောပေးထားသော သူမအား အနောက်မှ ပွေ့ဖက်ပြီး
"ကြည့်ရအောင်ပါ"
"ဘာကားမို့လို့လဲ"
"မသိဘူးလေ မောင် လည်းရုပ်ရှင်ရုံမရောက်တာကြာပြီ ဘာလဲ လိုက်ကြည့်မလို့လား "
"မပြောပါဘူး ကြည့်မယ်လို့"
"မရတော့ဘူး ကြည့်ဖို့စိတ်ပါရဲ့သားနဲ့ မလိမ်နဲ့ မနက်ဖြန်ညနေသွားကြည့်မယ် နော် "
မူပိုင် လည်း ခေါင်းညိတ်ကာ
"အင်း အင်း ငါလည်း တစ်နေ့တခြား ကလေးထိန်း နဲ့ပိုတူလာသလိုပဲ "
"ပြောထားပေါ့ သူများကို ကလေးကလေးနဲ့
သူကဖြင့် ရုပ်ရှင် တောင်မကြည့်ဘူးပဲ "
"ပြီးတော့ စကားကိုလည်း တစ်ခွန်းမကျန်ပြန်ပြန်ပြောတယ် "
"အဲ့ဒီတော့ ဒေါ်မူပိုင်ရှင် ကဇိမ်းကိုချစ်သွားရောတဲ့လား "
"ဟယ် မဆီမဆိုင် တော်ပြီ လေပေါလိုက်တာ အိပ်တော့ "
မူပိုင့်စကားအဆုံးမှာ သူအသံလည်းမကြားရတော့သလို မလှုပ်မယှက်နှင့် အိပ်ပျော်သွားသည်ထင်ပါရဲ့။
YOU ARE READING
မောင့် မူပိုင်ရှင် (Completed) OC
Romance" ခင်ဗျားကို ကျွန်တော် မယူရင် ဘယ်သူက ယူမှာလဲ " " မင်း မိုက်ရိုင်းလှချည်လား " ပါးပေါ်သို့စပ်ဖျင်းဖျင်းနဲ့ ကျရောက်လာတဲ့ သူမ လက်ဝါးနဲ့က မစိမ်းသက်တော့ပါဘူး "မာနတွေသိပ်ကြီးမပြနဲ့ ဒေါ်မူပိုင်ရှင် ခင်ဗျားကို အစ်ကို့ မိန်းမမို့လို့ အလျော့ပေးနေတာ နောက်ဆိုရ...
