(Zawgyi)
နောက်ကျမှနိုးတာကြောင့် စွဲမက်ဟင်းချက်ဖို့အချိန်နည်းနည်းသာရှိတော့သည်။
ရေပြင်ပြန်လာရင်စားဖို့အတွက် အခန်းထဲကထွက်ပြီးအေပရွန်လေးကိုဝတ်ရင်း စတင်ချက်ပြုတ်တော့၏။
အချိန်က ညနေ၄နာရီထိုးနေပြီ။ ခဏနေရေပြင်ပြန်လာမှာမို့ ခပ်သွက်သွက်လေးသာ ဂရုတစိုက်ချက်ပြုတ်နေရင်း တံခါးဖွင့်သံကြောင့်ကျောကမက်ခနဲ့။
ရေပြင်ပြန်လာပြီ။
လက်ထဲက ယောက်မကိုချပြီး Kitchen ထဲကထွက်လာခဲ့တော့ အိမ်ထဲဝင်လာသည့်ရေပြင်။
ကုတ်ကိုကိုင်ထားပြီး လက်တစ်ဖက်မှာ သားရေအိတ်ကလေးနဲ့။
"ပြန်လာပြီလား"
"အင်း ဟင်းချက်နေတာလား"
"ဟုတ်တယ် ၊ မင်းခဏနားဦးလေ"
သူပြောသော်လည်းရေပြင်ကဂရုမစိုက်ပါ။ ကုတ်နှင့် အိတ်ကိုဆိုဖာပေါ်တင်ပြီး စွဲမက်နောက်ကိုတကောက်ကောက်လိုက်လာ၏။
နှာခေါင်းလေးတရှုံ့ရှုံ့လုပ်ပြီး ဟင်းတွေကိုကြည့်နေသည့်ရေပြင်ကြောင့် စွဲမက်ရယ်ရသေးသည်။ ကလေးလဲမဟုတ်ဘဲ ဘယ်လိုတွေဖြစ်နေတာလဲမသိ။
"နည်းနည်းချက်ရင်ရတာကို"
"များများချက်တော့များများစားရတာပေါ့"
"ဟုတ်တော့ဟုတ်ပေမဲ့ မင်းပင်ပန်းပါတယ် ၊ အာ ဆေးရုံသွားသေးလား ဘာတဲ့လဲ"
ရေပြင့်မေးခွန်းကြောင့် လုပ်လက်စတွေရပ်တန့်သွားမိသည့်အထိ။ လက်ထဲက ယောက်မကိုဂရုတစိုက်ကိုင်ရင်း ဆက်လက်ချက်ပြုတ်နေလိုက်၏။
မျက်နှာတွင်လည်းအပြုံးတစ်ခုကိုဆင်မြန်းလျက်။
"ခဏနေမှအေးအေးဆေးဆေးပြေကြတာပေါ့ ၊ အခုမင်းအရင်ရေချိုးဦး"
ဆက်ခနဲ့ လက်မောင်းကိုလာဆုပ်ကိုင်သည့်ရေပြင်ကြောင့်စွဲမက်ရပ်တန့်လိုက်မိ၏။ ရေပြင့်ကိုလှည့်မကြည့်မိဘဲ ဟင်းအိုးကိုသာစိုက်ကြည့်နေဆဲ။
"စွဲမက် ငါ့ကိုပြော"
"ပြောမယ် အခုရေသွားချိုး ဟုတ်ပြီလား"
