အိပ်ယာထနောက်ကျသွားလို့ အလုပ်သွားဖို့
အချိန်နောက်ကျနေပြီဖြစ်တဲ့ Jimin သည် အလောတကြီး ရေချိုးခန်းထဲဝင်သွားပြီး
မျက်နှာသစ် ၊ သွားတိုက် ၊ ရေမြန်မြန်ချိုး
လိုက်သည် ။
ရေချိုးခန်းထဲကနေခါးအောက်ပိုင်းကိုသပတ်
ပတ်ပြီးပြန်ထွက်လာတော့ ဗီဒိုထဲက Shirt အဖြူရောင်နဲ့ဂျင်းဘောင်းဘီရှည်အနက်ကို
ထုတ်လိုက်ပြီး ၀တ်ဆင်လိုက်သည် ။
ရွှေအိုရောင်ရှိတဲ့ဆံပင်လေးကိုတစ်ချက်ဖွလိုက်
ကာခေါင်းကိုသပ်သပ်ရပ်ရပ်ဖြီးလိုက်သည် ။
ထို့နောက်ဘေးလွယ်အိတ် အပြာရောင်လေး
ကိုလွယ်လိုက်ပြီး ခြေလှမ်းကျဲစွာဖြင့် အောက်
ထပ်ဆင်းမလို့ လှေကားထစ်နားမှာခြေတစ်
လှမ်းလှမ်းရုံပဲရှိသေး ... အနောက်က Sona
ကလှမ်းခေါ်နေတာကြောင့်ရပ်လိုက်သည် ။
" Jimin ... ဒေါ်လေးအခန်းထဲကမီးချောင်း
ပျက်သွားလို့ အသစ်ပြန်လဲပေးပါလား "
" သားအလုပ်ကပြန်လာမှမီးချောင်းအသစ်
၀ယ်လာပြီး အသစ်လဲပေးမယ်လေ ။
သားအခုအလုပ်နောက်ကျနေလို့ပါ "
" မရဘူး အခုလဲပေး .. ။ မီးချောင်းက
ကျွမ်းသွားတာနေမှာ ။ ငါအခုမှနင့်ကို
ဒါလေးခိုင်းတာပါဟယ် တစ်ခါမှလည်း
မခိုင်းဖူးပါဘူး ။ အခုမှတစ်ခါလေးခိုင်း
တာကိုအလုပ်နောက်ကျနေပြီဆိုတဲ့
အကြောင်းပြချက်လာပေးနေတယ် "
ထိုစကားကြောင့် Jimin သည်စိတ်ထဲမှာ
တစ်မျိုးဖြစ်သွားသည် ။ တစ်ခါမှမခိုင်းဖူး
တာသိပေမယ့်အခုကတကယ်အလုပ်နောက်
ကျနေပြီမို့ အခုချက်ချင်းမလုပ်ပေးဖြစ်ခြင်း ။
ပြီးတော့အခန်းထဲကမီးချောင်းက ညမှအသစ်
လဲလည်းရတာပဲ ။ အခန်းမီးကညမှဖွင့်ရမှာလေ ။
" သားအကြောင်းပြချက်ပေးတာမဟုတ်ရပါ
ဘူး ။ သားတကယ်အလုပ်နောက်ကျနေလို့ပါ ။
ဒီနေ့ company မှာအရေးကြီးလုပ်စရာတွေ
အများကြီးရှိနေလို့ "
" ရပြီ .. သွားတော့ ။ နောက်တစ်ခါငါနင့်ကို
ဘယ်တော့မှမခိုင်းတော့ဘူး ။ ငါ့ဘာသာအလုပ်
သမားကိုခေါ်ပြီး မီးချောင်းအသစ်လဲခိုင်း
လိုက်တော့မယ် "
YOU ARE READING
အဖြူရောင်နှလုံးသား
Fanfictionဖြူစင်တဲ့အချစ်လေးနဲ့ သက်ဆုံးတိုင် မင်းနဲ့အတူ ... 🤍 Complete
