💜 Unicode
ညနေခါတိုင်းအချိန်တိုင်းပင် မွန်ဂယူသည် ပေါင်မုန့်ဆိုင်လေးဆီရောက်လာခဲ့သည် ။
" မျက်နှာမကောင်းပါလား မွန်ဂယူ ၊ ဘာဖြစ်လာတာလဲ "
သိသိသာသာ ညိုးကျနေတဲ့ မျက်နှာလေးကြောင့် ဂျွန်းယောင်း စိတ်ပူသွားတော့သည် ။
" ဘာဖြစ်လာတာလဲ ကိုယ့်ကိုပြော "
ချော့မေးတော့မှ မျက်နှာလေးက ပိုပျက်လာကာ ဂျွန်းယောင်းလက်ကို ဖွဖွဆွဲကိုင်လာသည် ။
" ကျွန်တော်ကလေ ... ဘာစိတ်နဲ့မှမဟုတ်ပါဘူး ၊ ဒီတိုင်း ... ဒီတိုင်းပဲ လူကြီးအစား မခံနိုင်လို့ ထယ်ထယ့်ကို သွားမေးရုံ ... ဒါပေမယ့်လေ လူကြီး "
" အင်း ပြော ဘာဖြစ်လဲ "
ဂျွန်းယောင်း တော်တော်စိတ်ပူနေပြီဖြစ်သည် ။ အပျက်ပျက်ဖြစ်နေတဲ့ ကောင်လေးပုံစံက တော်တော့်ကို စိတ်ပူစရာကောင်းလှသည် ။
ဘာတွေများဖြစ်လာခဲ့တာလဲ ။
" ဂျောင်ဂုကီဟျောင်းသိသွားပြီ "
" ဘာဖြစ်တယ် ? "
ဂျွန်းယောင်း မျက်ဆံတွေ လှုပ်ခတ်သွားရသည် ။ ဘာဖြစ်မှန်း သေချာမသိရသေးပေမယ့် ထယ်ယောင်းကို စိတ်ပူနေပြီဖြစ်သည် ။
" ကျွန်တော်နဲ့ ထယ်ထယ်နဲ့ပြောနေတာတွေကို ဂျောင်ဂုကီဟျောင်းက ကြားပြီး ... "
" အဲ့တော့ သူတို့နှစ်ယောက် ဘာဖြစ်သွားလဲ "
" မသိဘူး ၊ ကျွန်တော့်ရှေ့မှာ ဂျောင်ကုကီဟျောင်းက ထယ်ထယ့်ကို ဘာမှမပြောသွားဘူး ... ဒါပေမယ့် ကျွန်တော် ထယ်ထယ့်ကို စိတ်ပူတယ် "
ဂျွန်းယောင်းလဲ တကယ်စိတ်ပူနေပြီဖြစ်သည် ။ ထယ်ယောင်း အခုအဆင်ပြေနေရဲ့လား ။ ဂျောင်ဂုနဲ့ ဘာတွေဖြစ်နေလောက်ပြီလဲ ။
" ကျွန်တော့်ကြောင့်ဖြစ်သွားတာ အဲ့တာ ... ကျွန်တော့်ကြောင့် "
ပြောရင်း ဝမ်းနည်းလာကာ ငိုစပြုချင်နေသော မွန်ဂယူကို ပွေ့ဖက်နှစ်သိမ့်လိုက်ရသည် ။
သူနဲ့ပြောရင်း သိသွားတာဆိုတော့ အပြစ်မကင်းသလို ခံစားနေရမှာပဲ ။
YOU ARE READING
Kim of Jeon ( Completed )
FanficKim of Jeon { Both Unicode & Zawgyi } Jeon Jungkook × Kim Taehyung Married-Life
