رغد: إييه يا مالك انت بتزعقلها ليه
وبعدين انا اللى مقعداها مش هى
وهى طلبت منى ان هى اللى تعمل بس انا رفضت
وبعدين إيه مشغلين سيادتك دى
احترم نفسك دى فى مقام والدتك وأكبر منها كمان
مالك: مبكلمكيش انتى وبعدين متدخليش
وكمان إيه انا اللى مقعداها
والفلوس اللى بندفعهالها دى تبقى إيه
تخدهم ع الجاهز من غير ما تشتغل
مش انتى يا شيخة رغد بتقولى
انك لازم تتعب عشان تاخد الفلوس دى وتستحقيها
وتبقى جزات تعبك
رغد بحزم: وانا فعلا مرجعتش فى كلامى
اللى بيشتغل وبيتعب ربنا بيجازيه برزقه ليه
وهى ربنا بيجازيها وبعدين مش لازم الرزق يبقى فلوس
الرزق ساعات فى الراحة
ربنا بعتنى ليها عشان أريحها
وعادى لو انا ريحتها هى علطول شغالة
وبعدين بقا انت ملكش دعوة بيها
وبعدين لو مش عجبك شغلها
اطردها أحسن ما تزلها انها شغالة عندك
ده حتى الطرد أهون من الإهانة اللى انت بتقولها فى حقها
دادة سجدة بدموع وترجى: لاء يا بنتى انا محتاجة الشغل محتاجاه ابوس إيدك يا بنتى
أبوس إيدك يا إبنى أنا أسفة
رغد: لاء يا دادة متخافيش انتى معملتيش حاجة غلط عشان تطردى ومعملتيش برضو حاجة غلط عشان تتأسفى
مالك نظر لها بغضب ولم يستطع الرد عليها وخرج من المطبخ.
***
مالك عزت محمد رضوان محمود
ابن عم رغد المتوفى
شخص مغرور بشدة ودائما ما يسخر من رغد حجابها
شاب يبلغ من العمر 25 عاما
ذا كتفان عريضان وصدر عريض وجسم رياضي
وبشرة خمرية وعينان واسعة
***
دادة سجدة: شكرا يا بنتى ربنا يباركلك
معلش أسفة لو حصلت مشاكل ما بينكوا بسببى
رغد: لاء ولا يهمك هى المشاكل من أساسه موجودة أصلا ما بينا
وانتى ملكيش ذنب ومتخافيش مش هيعملك حاجة
سجدة: شكرا يا بنتى
رغد: الشكر لله اقعدى ارتاحى بقا
سجدة: لاء يا بنتى انا هساعدك
رغد: لاء يا دادة وبعدين انا خلاص خلصت هما هيستوو هما الإتنين وخلاص متخافيش
انتهت رغد ووضعت الكعك في أطباق وأعدت عصير مانجا، وقطعت بطيخ وتفاح.
رغد: يا برنس انت، يعنى انت تطلب الحاجة وكمان مش عاوز تيجى تاخدها
يزن: ليه ياختى انشليتى وبعدين ده حتى المسافة ما بين المطبخ والريسيبشن مش كبيرة
يعنى حوالى خمسة متر ولا عشرة متر مش كتير أوى يعنى
جرا إيه يا مدلعة
رغد: عشرة متر ومش كتير!!!! ولااا ولااا هزعلكك
يزن ضيق عيناه ونظر لها بتحدي: متقدريش
أنت تقرأ
ينتقـدوننـى لـإرتدائـي الحجـاب
Teen Fictionيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
