مؤمن: رغد متنصحنيش بحاجة انتى مش بتعمليها
رغد فضلت ساكتة شوية وبصت فى الأرض وعيونها دمعت
وقالت وهى مش راضية تبص فى عينه: انا متعودة على كدة من صغرى
وبعدين ده بقا طبع فيا
انا لو طلعت اللى جوايا كلهم هيزعلوا منى جامد
وانا مش عاوزة أزعل حد منى ف بسكت
دموعها نزلت وكملت بهدوء: انا يهون على أزعل حد أنا بحبه
او أى حد عمتا ف عشان كدة بفضل ساكتة
دايما بفضل ساكتة
انا عارفة ان انا بتعب
بس انا هتعب أكتر لو خسرت
الناس اللى بحبها
مؤمن: نفسي أديكى قلم يفوقك بس مينفعش
بطلى تعيطى واهدى وبعدين مش يمكن اللى بتحبيهم دول مش عاوزينك أصلا انتى ليه كدة هه ليه
رغد مسحت دموعها بمنديل وقالت: خلاص أربوك يا مؤمن
انا مش عاوزة أتكلم فى الموضوع ده
المهم دلوقتى انت قلت فى أول كلامك ان ده
ابتلاء صعب
والله بإمكانك تصلى وتسجد لربنا
وتدعى الدعوة دى "اللهم انى لا أسألك رد القضاء ولكن أسألك اللطف فيه"
بس مهما كان ربنا برضو عارف انك هتعدى ف اصبر وان شاء الله خير
وبعدين من ناحية مامتك هى جت اعتذرت منك سامحها
مفهاش حاجة لو سامحتها وكلامك معاها يبقى قليل بس سامحها وإسأل عليها دى لما تموت هتحتاج دعوتك ليها
هى دلوقتى محتاجة إبنها يحبها
اوعى تفتكر ان احنا بس اللى بنتأثر وبنكون محتاجينهم
يممن هنا أكتر هما أصلا بيقوو بينا احنا
احنا بنكون مصدر قوتهم اما يشوفونا كويسين وقادرين نقوم ونتحرك ونقاوم مشاكلنا وان احنا قدرنا نعتمد على نفسنا بيفرحوا
انت محتاج حضنهم عشان تقوى بيهم وهما محتاجين حضننا يدونا قوتهم دى أمك
مهما كان
ومهما عملت
ومهما كان فيه زعل
هى أمك
انت أكيد عمرك ما هتفرح
انها تموت وانت كنت غضبان عليها ومش مسامحها
وهى كانت زعلانة منك
أكيد مش عاوز مامتك تكون زعلانة منك
وتموت وهى زعلانة منك
حرام عليك والله روح سامحها
ومتقولش ليها بعد كدة أى كلام يجرحها
انت متعرفش أد إيه هوا بيوجعها
لأن أكيد طالما بتكرها
يبقى أكيد بتشتمها وبتقول كلام وحش ليها
بجد يا مؤمن خلاص
كفاية
حرام عليك
مهما عملت انت مش هتغير كون انها أمك
أربوك فكر فى كلامى عشان انت أكيد هتزعل لو خسرتها
مؤمن: مش هزعل
رغد: كداب هتزعل باين فى عنيك اهو بيقولوا اللى بيتعلم بيبان في عينيه واهو باين فى عين ... إيه ده
إيه اللى انا بقوله ده تعليم إيه
مؤمن بضحك: ايوة انا اتعلمت ان انا مش هكلمك فى حاجة جد تانى لأنى هتجوز بنتى الصغيرة مش مراتى لاء
رغد ضيقت عينيها وقالت: انت بتهينى
مؤمن ضيق عينه زيها وقال: اه
رغد بنفس الحركة: اممممم ماااشي
مؤمن: ليه هتعملى حاجة
رغد: لاء طبعا
أنت تقرأ
ينتقـدوننـى لـإرتدائـي الحجـاب
Teen Fictionيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
