لارا: هنيجى نظبطك انهاردة يوم خطوبتك
هيا: ونحميكى وماسكات بقا وكدة
رناد: يلا بينا
رغد: إيييه بس اهدو بس هنا لحظة يلا بينا فين
انتو التلاتة تحمونى وبعدين انتو شايفنى عيلة صغيرة يعنى مش هعرف أستحمى
رناد: انا هدخل أجهز الحمام وانتو اعملوا الماسكات
لارا: حاضر
رناد دخلت ولارا راحت عند رغد وقعدتها على السرير
هيا: بشرتك نوعها إيه
رغد: حساسة
هيا: طب يلا يا لارا انتى الشعر وانا الوش
رغد: لحوظة إياكى تلمسي حواجبى خلصانة
هيا: انتى عاملاها أصلا
رغد: لاء انا حواجبى مرسومة بس طبعا فيه شوية شعر ده بصبغه أصفر حرام تعمليها
لارا بسخرية: وتبقى شبه الولد عادى
رغد: أكيد عمرك ما هتجيبى حواجب وليد شبه حواجبى
لارا مردتش لأنها فعلا بتتكلم صح
لارا عملت ماسك لشعر رغد وهيا فضلت تعمل ماسكات كتير
لوشها
ورناد خرجت وقالت: هتقعدى بقا بشعرك ده يعنى نص ساعة كمان قصدى بالماسك يعنى وبعدين نشوف جسمك
رغد: أستغفر الله العظيم يارب شرفى هيتاخد من اختى
رناد بضحك: كل شوية تقوليلى نفس الكلمة دى
رغد بضحك: مانتى بتقولى نشوف جسمك إيه جلة الجدب دى يا متولى
رناد بضحك: انا أختك هه أختك مش أخوكى انا مش وليد انا رناد
رغد بضحك: شرفى برضو
عدا حوالى ساعة ولسة هيا بتعملها ماسكات
رغد: هى الماسكات مش بتخلص يا ستى انا زهقت سيبينى بخلقتى منا قمر أهو ده انتى لحد الأن عملتيلى حوالى 13 ماسك
هيا مسكتها من ودانها وقالت: ما ياختى هوا انتى بتهتمى ببشرتك طب المسي كدة بشرتك شوفى بقت عاملة ازاى
بدل ما هى جلد تمساح كدة انتى مش بتهتمى بيها ليه
رغد: متقولش كدة يا متولى ده انا جلدى ولا شيرين عبد الوهاب
رناد بضحك: علفكرة هى جلدها حلو وبشرة أطفال بس هى تقريبا بتكسل تغسل وشها حتى
رغد: يا ستى بستحمى كل يوم انتو بتقولو إيه
وبعدين اخلصو بقا انا عاوزة أصلى الضهر
الساعة بقت واحدة ونص
أنت تقرأ
ينتقـدوننـى لـإرتدائـي الحجـاب
Teen Fictionيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
