هيا طبطبت عليها ورغد بصت ليها ومسحت دموعها
وقالت: هيا انتى عاوزة حاجة أعملك حاجة
هيا بصتلها بحزن وبقهر على حالتها وقالت بهدوء وبصوت واطى شوية: ينفع تحضنينى
رغد استغربت وفضلت ساكتة مش عارفة تقول إيه
هيا: رغد ينفع تحضنينى انا عاوزة أحضنك
رغد: ده بجد
هيا: اه
رغد فتحت إيدها بهدوء وهيا حضنتها
وهيا فضلت فى حضنها ورغد بطبطب على راسها
هيا: أنا أسفة على كل حاجة أسفة بجد
رغد دموعها نزلت وهى لسة بطبطب عليها
هيا: انا عارفة انك مش لاقية كلام تقوليه وانك حتى لو عندك كلام مش عاوزة تقوليه ولا تطلعيه انا عارفة
بس سامحينى طريقتى كانت دايما وحشة معاكى
دايما كنت بهينك كأنك عدوتى
انا أسفة يا رغد أربوكى سامحينى
انا عارفة ان انا غلطانة أوى
بس سامحينى أنا أسفة
رغد وهى لسة بتعيط: متخافيش يا هيا انا مسامحاكى
بس ...
هيا رفعت راسها ليها وقالت بدموع تتكون بيعينيها: انتى بتعيطى ليه
رغد وهى لسة بتعيط: هيا انا بجد على أخرى وتعبانة أوى
تعبانة أوى فعلا
كتمت كتير أوى جوايا ومش قادرة أكتم تانى
متعاملنيش المعاملة دى تانى انا بتأثر منها
الطريقة والمعاملة دى بتوجعنى أوى والله
بس انا بحاول مش أزعلك لا إنتى ولا لارا ولا ريناد
وبحاول مش أرد بس معاملتك بتوجعنى أوى بجد اربوكى كونى صادقة معايا مش مجرد كلام
ومش تعاملينى كدة تانى
والله أنا موجوعة من جوايا بسبب المعاملة دى
وتعبانة جدا بسببها
والله انا تعبت فعلا
رغد حطت إيدها على بقها وعيطت أكتر وشهقاتها زادت
هيا دموعها نزلت
وبدأت تأنب نفسها
"ألهذه الدرجة كان قلبى كالحجر لكى أءذى أختى
ألهذه الدرجة لم أشعر بها ولم أهتم بها يوما
من المفترض أن أكون بمثابة الأم لها والأخت الأكبر لها
ولكن لم أكن لها بمثابة أى شيء لم أكن سوى العدوة لها
ومن الممكن أن تكون العدوة لها أرءف منى فى معاملتها
أنا أسفة صغيرتى أنا حقا أسفة"
هيا وهى بتعيط: خلاص أنا أسفة أسفة والله هعاملك حلو انا اللى غلطانة وانا أسفة على ده
أسفة
هيا حضنتها وهى بتعيط فى حضنها
رغد بعياط: هوا انا وحشة صح ومتحبش
انا بقيت بسأل نفسي كل دقيقة هل أنا فعلا متحبش
ولا أنا اتحب ولا انا بضحك على نفسي
انتو وصلتونى لدرجة ان انا فعلا بسأل نفسي السؤال ده
طب هوا انا لو مكنتش اختكوا مش كنتوا هترتاحوا
هيا انتى تعرفى ان انا خدت عينة من بابا
وروحت عملت تحاليل عشان اتأكد انا بنته ولا لاء
من كتر العقدة اللى وصلتوها ليا
ما هوا أكيد العيب مش فيكوا ... العيب فيا أنا
لأن أنا فعلا متحبش
أنت تقرأ
ينتقـدوننـى لـإرتدائـي الحجـاب
Novela Juvenilيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
