هيا: يبقى هوا صح !!
انتى كنتى بتحبيه
رغد حركت رأسها بمعنى نعم
هيا: طب ايه رأيك تكلمينى وتشكيلى انا مش همانع علفكرة
رغد فضلت ساكتة شوية وراحت وطت راسها
وسندت على رجل هيا مخبية وشها
وعيطت تانى
هيا طبطبت على راسها وقالت: عيطى وإشكيلى يا رغد متخافيش
رغد: انا كنت بحبه جدا جدا يا هيا انا زعلانة منكو كلكو عشان شكيتوا فيا زعلانة منو ومنكو انا عمرى ما أعمل كدة
هوا شك فيا وطلقنى
انا زى أى بنت فى الكون أما هتشوفه هتعجب بيه
شكل وحلو اللهم بارك ومال واللهم بارك معاه وشغل والحمد لله بيشتغل ف أى بنت كانت هتحبه بسبب المواصفات دى
بس أنا كنت بحس بحاجات تانية خالص
يعنى انا محبتوش عشان الحاجات دى
انا فيه حاجة كانت بتجذبنى من ناحيته
فى حاجات كتيرة أوى أنا فعلا حبيتها فيه وجذبتنى
اما بشوف أى ولد من الجامعة بطنى بتوجعنى ومش بحس بالأمان وبحس بخوف فظيع
لكن هوا كان بيجذبنى رغم انه عصبى بس انا حبيته
رغم ان هوا غيور جدا جدا
وغيرته صعبة وشديدة بس بحبه
ببقى مطمنة وأنا معاه يا هيا
رغم ان احنا مبداناش نتعبف على بعض غير من حوالى أربع شهور طبعا غير الشهرين ونص اللى انا هاجرتهم دول
بس انا فعلا اتعودت على وجوده فى يومى
كان بيبعتلى يوماتى يا هيا
كنت بصحى الصبح ألاقى رسالة منه
او يتصل يصحينى بما انى نومى تقيل
وعشان الجامعة
كان ليه تصرفات اللى يشوفها يقول مجرد تصرفات وتفاصيل صغيرة يعنى ملهاش لازمة لكن هى بالنسبالى كانت حاجة كبيرة أوى
حاجة حلوة جدا بالنسبالى بجد
انا فعلا يا هيا بحبه أوى بكل تفاصيله
صغيرة وكبيرة حرفيا
كل حاجة كنت بعملها معاه
صورنا وخروجتنا
كلهم فى عقلى وفى مخى ومش عارفة أنساهم
كل ما أحاول أنسي أفتكره بسبب حاجات هوا كان بيعملها معايا مثلا أى حاجة المهم ان كل حاجة بعملها فى يومى كان دايما بيعملها معايا ف أنا دايما فاكراه
انا وحياتك عندى مؤمنة بقضاء ربنا وصابرة
بس انا مش قادرة أنسي
ايوة صابرة بس مش ناسية
أعمل إيه عشان أنسي
والله وربى وما أعبد انا ربنا وحده عالم ان انا صابرة
ومؤمنه بقضاءه بس انا بفتكره وبفضل أعيط
وبفتكره دايما ومش ناسياه
رغد سكتت وفضلت تعيط
وهيا بطبطب عليها
هيا: طب اهدى يا روحى رغد
رغد بصيلى
رغد رفعت راسها بصتلها
وهيا مسكت وشها بين إيديها
مش انتى قلتى ان ربنا عالم انك صابرة
بس انتى كون انك فاكراه ومش ناسياه وزعلانة وبتعيطى يا روحى ده عادى جدا
مثلا انتى قلتى ان ساعات بتحلمى بالحاجة قبل ما نحصل
وقلتى ان دى ساعات بتبقى رؤيا يا إما مبشرة يا إما منذرة صح
مبشرة وعارفينها لكن منذرة فى إنه بيبشرك بحاجة هتحصل قبل ما تحصل عشان تبقى مستعدة ليها
لطفا بيكى عرفك بالحاجة دى قبل ما تحصل
ف ده معناه ان ربنا عارف انك هتزعلى
مع انك صابرة وهوا وحده عارف ده
بس برضو عارف انك هتكونى زعلانة
وده عشان انتى بتحبى بجد
ف دى حاجة طبيعية هتحسي بيها فى الأول طالما انتى
بتحبى مؤمن بجد
أنت تقرأ
ينتقـدوننـى لـإرتدائـي الحجـاب
Teen Fictionيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
