أيهم: سألتها مالك قالتلى مفيش وحاولت تضحك ادامى بس كنت عارف انها على أخرها وفيه حاجة حصلت بجد
بس هى مش راضية تتكلم ولقيتها راحت اتوضت
وصلت وعيطت تانى فى الصلاة وهى بتدعى
كتير دعاوى مختلفة وكتير
كان صوتها واضح وعالى شوية ف سمعته
وأصلا احنا بالليل والكل نايم
ف صوتها واضح
ولقيتها بتشتكى لربنا فى الأول
وبعدين دعت وقالت ربنا يسامحهم لأن أنا مستحيل أعمل كدة
ويسامحه اللى عمل كدة لأن أنا عارفة مين
والله أعلم برضو
وفضلت تدعى تانى كدة كتير
واه صحيح ذكراك انت كمان بالإسم
وقالت يارب وليد يصدقنى مليش غيره دلوقتى
وبعدين نهت صلاتها بكلام فهمت معظمه انها
بتحكى عن حلم شافته ونفس اللى حصل فى الحلم حصل فى الحقيقة انهاردة اللى هوا اليوم اللى هى جت فيه يعنى
وبتقول يارب انا عارفة انه هوا قضاء من عندك بس هوا صعب أوى أبويا يتبرأ منى وأطلق وكلهم يكرهونى
وأتصل بيه ميردش كدة كتير أوى
" اللهم لا أسألك رد القضاء ولكن أسالك اللطف فيه"
بس وسلمت وقامت
وطبعا عياط طول الليل ومنمتش وتانى يوم الصبح اما أنا نمت هى مشيت وخدت كام طقم ليها من هنا انت عارفها بتبقى سايبة ليها هدوم هنا لو حد محتاجها فى الملجأ ف خدت منهم وسألت عليها ماما سمية ومشيت
ومشوفتهاش لحد الأن حتى مجتش يوم العملية بتاعتى وأنا زعلان منها انت كدة كدة كنت مسافر ف غذرك لكن هى عذرها إيه بقا بس هى واحشانى أوى بصراحة هى ليه مجتش
وليد بإستغراب: تتصل ب مين ومش بيرد إيه ده لحظة
هوا انت عملت العملية
أيهم: ايوة عملتها من أسبوع يا وليد
وبقيت كويس
وليد بفرحة: بجد طب كويس اجمد بقا لحد ما رغد تيجى وهتعتذرلك
أيهم: هى فين
وليد بشرود: مشوار غريب حبتين بس جاية يعنى بإذن الله
أيهم: صحيح انا نسيت أقولك أول ما جت مسكت تلفونى تتصل منه استأذنت منى واتصلت بيك
وليد: بيا
أيهم: اه ما هى قصدها فى الصلاة عليك
وليد مسك تلفونه فجأة وجاب سجل المكالمات بتاعت اليوم ده
ولقا رقم غريب متصل بس لقا اتنين مش واحد
واحد الصبح والتانى قبله بالليل
وليد: هوا ده
أيهم مسك تلفونه ووراه سجل المكالمات برضو
وليد: هوا أحييه هوا انا ليه مردتشش
أيهم: طب رقم مين التانى ده
وليد: مش عارف يمكن حد تانى من هنا او حاولت تتصل من حد
طب عاوز حاجة يا أيهم
أيهم: انت هتمشي بسرعة كدة يا وليد
وليد: معلش هبقى أجيلك تانى والله
أيهم: بس تيجى بجد
وليد: حاضر
وليد باس دماغه وخرج ووراه بقيت العيلة اللى مصدومة
أنت تقرأ
ينتقـدوننـى لـإرتدائـي الحجـاب
Novela Juvenilيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
