رغد: انا مش متعودة أنام وحد زعلان منى
أسفة على أى حاجة بدرت منى سواء دلوقتى او فى الماضي
مالك نظر لها ببرود ولم يرد.
رغد: طب لو مش هتسامحنى مش مشكلة بس متنامش زعلان ببسبى ارجوك، النوم مع الزعل والعصبية بيتعب جامد والله
مالك تكلم بهدوء معها وذلك كان مفاجئا لرغد: بصي ولأول مرة هقولها انا كمان غلطان او هوا انا الغلطان الوحيد
ف .... أس .. ف
لم تتكلم من صدمتها، مالك يعتذر لها!!! مالك يتكلم بهدوء!! مالك يعتذر أصلا!
مالك: لو هتفضلى تبحلقى كتير كدة ياريت تروحى على اوضتك عاوز أنام وأكيد انتى كمان عاوزة تنامى عشان
الجامعة
رغد: استنى بس قول والله انك اتأسفت احلف
والكعبة
وه
وه أيعقل .....
مالك نظر لها بغضب فصمتت قائلة: اشطا يا معلم عاوز حاجة، أعملك حاجة قبل ما أنام
مالك بتوتر: اااه ... لاء لاء شكرا
رغد: ياسطاااا عاوز إيه إخلص
مالك بسرعة: انا عاوز عصير مانجا
رغد: اشطا ثوانى هنزل طيب أجبهولك
اوعى تكون بتضحك عليا وفى الأخر تنام
شوفتك وحفظاك وهجيبك
ضحكت في آخر جملتها ونزلت وأتت له بعصير وبعض الفواكه وقطعة من الكعكة وفور دخولها هو قام فجأة فخافت ورجعت للوراء.
مالك: فيه إيه يا بنتى اتخضيتى كدة ليه انا قايم أخد منك
رغد بعبوس: مالك انت بتخوف بجد والله! ومش مضمون وعصبي جدا بجد! تحسك هتقوم تضربني.
أخذ منها الأطباق قائلا: آسف عشان خوفتك وشكرا يا شيخ... يا رغد
رغد إبتسمت: علفكرة عادى لو قلتلى شيخة انا بحب الكلمة دى وعادى بالنسبالى يعنى
المهم دلوقتى
انت خلاص كدة !!
مالك: خلاص كدة إيه
رغد: يعنى مش زعلان منى
مالك: لاء بس المفروض انا أسألك السؤال ده
رغد: لاء متخافش يا معلم انا تمام
مالك: انا أسف ان زعقت معاكى وقلتلك الكلام ده وكمان زقيتك ومسكت إيدك وأسف على أسلوبى معاكى زمان
هحاول أغيره عشانك وأعاملك حلو
رغد: علفكرة بقا أقولك حاجة انا مكنتش بدايق من طريقة كلامك معايا
وكنت بفضل بصراحة أدعيلك
لأن انت بتاخد سيئات بسبب معاملتك مع الناس
سواء معايا وسواء مع أى حد
مش أنا بس
ف بجد خدها نصيحة منى
مهما كان نوع الكره اللى انت بتكرهه للى أدامك
عامله كويس
عشان تاخد حسنات ودرجاتك فى الجنة تبقى أعلى
مش يمكن بعيد الشر تدخل النار وفجأة تلاقى يوم القيامة جبال حسنات تنقذك من النار وتدخلك الجنة
وبسبب المعاملة الحسنة اللى بتعاملها للناس
لأنهم كمان هيذكروك بالخير دايما وهيشكروا فيك وفى معاملتك الحسنة وهيحبوك طبعا
ربنا اما بتتكلم فى عرض حد او بتشتم حد او بتعامله وحش
مش بيغفرلك أبدا وأى حسنة بتعملها فى حياتك بتضيع بسبب التكلم فى عرض حد من وراه او معاملته بطريقة مش كويسة
انا عمتا مش مسامحاك على أى حاجة عملتها معايا
لأن أصلا انا مزعلتش منك عشان أسامحك ولا لاء
بس انت لازم تستغفر على أى حاجة عملتها زمان
معايا او مع غيرى يا مالك ولازم تفوق من دلوقتى
وتتوب وانا متأكدة ان أى حاجة عملتها سواء فى حقى او حق حد ربنا هيغفرهالك طالما انت واخد التوبة من قلبك
بجد
وانت أكيد مش عندك شك
ان ربنا غفور رحيم
ف هوا أكيد هيغفرلك بس انت تتوب بجد
من قلبك
وتستغفر كتير
وتصلى وتشكره على أى حاجة ادهالك
الأكل ده فيه ناس مش لاقياه
انت لازم تشكره عليه
فوق يا مالك
فوق يا معلم
المهم انا ماشية بقا ياسطا عشان انا أصلا
نومى تقيل وبصحى بالعافية
احنا طولنا جامد أصلا فى القعدة تحت
فاضل نص ساعة على الفجر
قوم صليه بقا
انا هروح أصليه وألحق انام ساعتين على ما أروح الجامعة
تصبح على خير يا أبو المماليك
أنت تقرأ
ينتقـدوننـى لـإرتدائـي الحجـاب
Teen Fictionيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
