رغد: بصراحة عاوزة أعرف أصلا لدرجة تقاطع أمك
ومامتك شكلها بتحبك أصلا يعنى انا أمى كانت بتكرهنى وأكيد مكنتش هقاطعها
بس يلا احكى انا مش هحكم غير لما أسمع
مؤمن: انتى متأكدة ان مامتك كانت بتكرهك
رغد: متحاولش تتوه فى الموضوع بس اشطا هجاوبك
بص هوا ماما ميتة وانا عندى حوالى أربع سنين ولا تلت سنين
هتقولى عرفت ازاى ان هى بتكرهنى فهرد بكل بساطة وهقولك ان بالذات السن ده فيه حاجات بتحصل بتفتكرها ومش بتنساها خالص وفيه حاجات مش بتفتكرها أصلا
بس بصراحة انا معرفش ده كان كره ولا مجرد تفضيل
يعنى هى كانت علطول بتفضل إخواتى عنى
بابا هوا اللى علطول كان معايا حتى انا بحب بابا بطريقة غبية من صغرى وأنا بحبه لأنى اتعودت عليه
وكان كل الوقت معاه وماما كانت علطول مع إخواتى
سواء وليد او اخواتى البنات
وكانت كاتبة فى وصية بلفظ صريح خلى بالك
من وليد ولارا ورناد وهيا
وانا مكنتش مذكورة أصلا فى الجملة
بس انا مش عاوزة أظن حاجة وحشة
الله أعلم هى بتحبنى ولا لاء
وبعدين خلاص دى ميتة بقالها سبعاتشر سنة يمكن أكتر
ف ربنا يرحمها يارب ويغفر لها ويسكنها فسيح جناته
ف ... اهو ماشي الحال
بقيت العيلة معوضانى
مؤمن: بس هى كاتبة بلفظ صريح فعلا ومش ذكراكى فى الموضوع يبقى أكيد مش بتحبك
رغد: مؤمن الله أعلى وأعلم انا مش عاوزة أظن شر فيها عشان لا هى تتحاسب ولا أنا أخد ذنب كلام انا معرفش
أصله إيه ولا حتى فرعه إيه مش يمكن مجرد تفضيل
مش تكرهنى مع إنى عارفة ان فعلا هى بتكرهنى ومن أعماق قلبى مصدقة ده بس مهما كان ربنا أعلى وأعلم
مؤمن إبتسم وقال: انتى عارفة بجد انك كل يوم بتبهرينى ب حاجة جديدة
رغد: انت بتتريق صح
مؤمن وهوا بيبصلها بإبتسامة: لاء والله بتكلم بجد
انتى حرفيا بتبهرينى سواء معلومات سواء أخلاق فيكى
انتى خلاص بقيتى ملاكى بجد
رغد وشها إحمر وبصت أدامها وسكتت شوية وقالت: مش هتكلمنى عنك
مؤمن بضحك: بتتهربى يا طماطم
ما علينا بصي ماما مطلقة من بابا من تلت سنين
بس الأصح من عشر سنين
واللى يوضح ده سن إخواتى هما إخواتى من الأم بس
رغد: ايوة ده يفسر سنهم فعلا انا كنت برضو مستغربة بس ازاى تلت سنين
مؤمن بهدوء: من عشر سنين انا كنت صغير ومش فاهم حاجة فى الطلاق ف عشان كدة مش قالولى بس انا كنت ملاحظ ان ماما مش علطول موجودة
ومبقتش تقعد معايا خالص
وانا بابا كان نفس نظام باباكى هوا علطول معايا لحد كا اتعودت عليه جامد ويعتبر صاحبى مش بابا فاهمة قصدى صح
أنت تقرأ
ينتقـدوننـى لـإرتدائـي الحجـاب
Ficção Adolescenteيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
