رغد فضلت ساكتة ومردتش من الصدمة
مش عارفة ترد تقول إيه أصلا
إبراهيم: ساكتة ليه!
رغد: يا بابا انا مش عاوزة
إبراهيم: ليه بس
رغد بصتله والدموع فى عينيها
وقالت: عشان انا متأكدة كويس انه انا هتهان
إبراهيم: طب خايفة من إيه بس مش هتتهانى متخافيش
وبعدين إيه تتهانى دى
طب بصي شوفى الشاب ده ولو مش ارتاحتى ليه قوليلى وانا هرفضه وانا معاكى ومش هجبرك على حاجة
إبراهبم قال حلامه ومسد على راسها وقام ولسة هيخرج
رغد دموعها نزلت وقالت: يا بابا
إبراهيم لف وشه وبص ليها واتصدم لما لقاها بتعيط
وقال: يا حبيبتى والله ما هجبرك على حاجة طب انتى دلوقتى بتعيطى ليه
رغد بعياط: عشان الشاب اللى هيجى ده هيبقى حاجة
من اتنين
يا إما راجل كويس وميترفضش وساعتها أول ما يشوفنى مش هشوف وشه تانى وهيسخر منى أكيد
والتانى انه هيكون شاب هايف ومش يعتمد عليه فى حاجة
وبالنسباله دى هتبقى جوازة يراضي بيها أهله بقا
انا معرفش
بس هيبقى شاب هايف وهيقول جوازة والسلام وبس
انت بقا ترضهالى
انا عاوزة شاب يراضي ربنا يخاف على زعل ربنا مش الناس
يتقى الله فيا نصلى انا وهوا سوا لكن ميبقاش عارف دينه
لاء
طب بص عشان انت مش تزعل
انت اتفقت معاه يجى انهاردة صح
خلاص هقابله وهصلى صلاه استخارة
وهشوف لو قبلاه هقولك ولو مش قبلاه هقولك
بس يا بابا أربوك مش تجبرنى
انا اهو مش هزعلك وهقابله
لكن لو مش قبلاه ومش عاوزاه متجبرنيش عليه
إبراهيم قرب منها ومسك وشها بين إيديه وقال: وانا قلتلك
مش هجبرك والله
خلاص بقا بطلى عياط يا حبيبتى والله مش هجبرك على حاجة وانتى براحتك اشطا
إبراهيم حضنها وهى مسحت دموعها وقالت: طب هوا هيجى انهاردة امتا
إبراهيم: على المغرب كدة ان شاء الله
رغد: خلاص حاضر أجهز يعنى دلوقتى فاضل ساعة على المغرب
إبراهيم بإبتسامة: انتى شكلك حلو كدة والدريس ده شكله حلو أوى عليكى يا حبيبتى بس روحى غيرى الطرحة وإلبسي الخمار
رغد: حاضر انا كنت هروح أغيرها
رغد باست خده وقالت: متزعلش لو موافقتش عليه يا بابا
إبراهيم إبتسم وقال: ان شاء الله خير يا حبيبتى اللى خير وراحة ليكى هيجيلك وانا هكون مرتاح طالما انتى مبسوطة ومرتاحة
وطى عليها باس راسها وهى راحت على اوضتها
اتوضت وصلت ركعتين لله ودعت كتير وقامت
غيرت الطرحة ولبست خمار كافيه على الدريس السماوى
وقعدت تدعى تانى شوية والمغرب أذن فصلته ونزلت
أنت تقرأ
ينتقـدوننـى لـإرتدائـي الحجـاب
Teen Fictionيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
