رغد جهزت نفسها ولبست جيبة بلسيه باللون البيچ
وعليها كول أبيض (اللى هوا بيبقى صوف خفيف شوية وبرقبة) وجاكيت جينز أسمر
والخمار نفس لون الجيبة ودخلت الخمار جوا الجاكيت والجاكيت كانت فاتحاه ولبست كوتشي باللون الأبيض عالى
ولبست ساعتها ولبست شنطة كروس جلد باللون الإسود
ونزلت وبعتتله انها جاهزة
وهوا قال انه جاى فى الطريق
وليد شافها وراح عندها وقال: إيه القمر ده
انتى هتروحى تقابليه دلوقتى اوف
إياكى تلمسي إيده ولا تلمسيه أصلا
هوا انتى لازم تروحى أصلا
رغد ضحكت على غيرته وقالت: متخافش انا معايا الجاوندى كدة كدة وهوا عارف ان انا مش بلمس إيده او حتى بسلم
وليد: وقولى الدعاء وخلى بالك من نفسك وتلفونك معاكى لو حصل اى حاجة تتصلى بيا علطول اشطا
رغد باسته فى خده وقالت: اشطات يا حبيبى عاوز حاجة
وليد: لاء سلامتك يا روحى
وليد طلع
ورغد خرجت برة على الجنينة وفتحت باب الڤلة لقته واقف وساند على العربية
وكان لابس طقم كاجوال عبارة عن بنطلون جينز أسمر
وقميص أسمر وجاكيت جينز أبيض
وكوتش أبيض
مؤمن بصلها بإبتسامة وقال: مساء الخير يا رغد عاملة إيه
رغد بإبتسامة هادئة: الحمد يا دكت ... مؤمن وانت
مؤمن بضحك: اركبى يا رغد اركبى كنت هتقولى دكتور برضو
رغد بعبوس وهى بتركب العربية: منا بنسي وبعدين انا مش متعودة أناديك ب إسمك لأنك الدكتور بتاعى فى الجامعة
مؤمن بضحك وهوا بيسوق: هتتعودى هتتعودى
المهم عاوزة تروحى فين بقا
رغد: اللى يريحك شوف انت عاوز تروح فين
مؤمن: طب عاوزة حاجة معينة بجد والله مهما كان المكان اللى عاوزة تروحيه عادى نروحه
رغد: بصراحة
مؤمن: ايوة انا عاوز الصراحة م عارف انتى خايفة منى ليه
رغد: انت بتخوف بصراحة أصلا
مؤمن بضحك: بخوف إيه يا مجنونة
رغد: والله بتخوف كفاية صوتك العالى علطول فى المحاضرة وأنا بخاف أصلا من الصوت العالى ف حصل خير يعنى
مؤمن: بصراحة بكون متعصب من ناس بتفضل تتكلم وانا مبحبش كلام فى وقت الشرح ف بتعصب بس خلاص دلوقتى مفيش جامعة تانى ومفيش صوت عالى
رغد بضحك: ايوة الحمد لله افراج
مؤمن ضحك وقال: ايوة عاوزة بقا تروحى فين
أنت تقرأ
ينتقـدوننـى لـإرتدائـي الحجـاب
Teen Fictionيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
