أيهم دموعه نزلت وهوا على السرير قاعد وقام فجأة وراح حضنها وقال: رغدد
رغد بادلته الحضن وهى بطبطب عليه وبتمسد على شعره
رغد: خلاص يا حبيبى متعيطش انا أسفة عارفة ان انا مقصرة وبقالى كتير جدا مش بجيلك بس ليه مش بتاخد الجلسات
ولا العلاج
أيهم بصلها بدموع وقال: العلاج وحش أوى يا رغد
انا مش عاوزة وبعدين انا مش بخف ولازم أعمل عملية
ليه أخده بقا هه ليه هوا كدة كدة مش بيعمل حاجة فيا غير انه بيوقع شعرى بسرعة وبتعب منه نفسيا عشان مش بيدى أى نتيجة متدهوليش لاء سيبينى أموت
رغد مسكت وشه بين إيديها وقالت: بعيد الشر عليك متقولش
الكلمة ظى تانى عشان انا مزعلش منك بجد
وبعدين بقا هوا انت عاوز تسيبنى لوحدى
أيهم بدموع: لاء
رغد: خلاص متقولهاش تانى
أيهم: حاضر أسف انتى زعلتى
رغد شالت إيدها وبعدت عنه
وربعت إيدها وقالت: أيوة لسة زعلانة وانت لازم تراضينى
بالحاجة اللى انا عاوزاها
أيهم: هعملك أى حاجة
رغد: هتاخد الجلسة وهتاخد العلاج وانا هفضل جمبك ومش هسيبك غير لما تخلص جلستك متخافش انا جمبك علطول اشطا عاوزنى فى أى وقت قولهم وهما هيتصلوا بيا
أيهم دموعه زادت وقال: ما بقولهم وهما مش بيتصلوا بيكى
رغد: قلنا إيه
أيهم: إلتمس لأخيك ألف عذر بس ماما سمية مش أخويا
رغد: والله
رغد مسكته من ودانه وقالت: انت عارف لو مخدتش العلاج والجلسة هزعلك وبعدين انا مشغولة عنك بالذات الأيام دى بسبب ان انا عليا امتحانات بعد أسبوع
استنى صحيح نسيت خالص
قوم من على السرير عشان تفوق يلا قوم
أيهم قام ورغد مسكت إيده وراحت ناحية وليد اللى كان مراقب كل حاجة وقالت: يلا سلم على وليد
أيهم: بجد هوا ده وليد اللى علطول بتحكيلى عنه
رغد: أيوة
وليد أيهم
أيهم وليد
ده أخويا الكبير
وده أخويا الصغير الأوزعة اللى لسة مكملش عشر سنين
وعنده تسع سنين
وليد نزل لمستواه وإبتسم وسلم عليه
وليد: انا وليد يا عم أيهم اخو رغد عامل إيه
أنت تقرأ
ينتقـدوننـى لـإرتدائـي الحجـاب
Teen Fictionيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
