الدكتور: شيلها بسرعة وحطها هنا
بعد حوالى خمس دقايق الدكتور خرج
عبد الرحمن: عاملة إيه البنت دى يا محمد
محمد: هى كويسة وقعت من الخضة بس
ده الراجل جه عليها وكان هيضربها
وهى خافت وانا لحقتها قبل ما تضرب
وأغمى عليها
عبد الرحمن: هتضرب ليه
محمد: ما هى كانت بتعدى الطريق والراجل وقف العربية فجأة وكانت هتتخبط وهى فضلت واقفة فى مكانها من الخضة والراجل بقا طلع من العربية وفضل يزعقلها وباين على خوفها انها فوبيا لأن حتى لو بنت يعنى مش هتخاف كدة بس يمكن من خضتها برضو
وكمان مش بتاكل تقريبا خالص
انا علقتلها محاليل
اما تصحى نطمن عليها يابنى
بعد حوالى نص ساعة رغد بدأت تصحى
وبصت حواليها لقت انها فى مستشفى
وفى محاليل متوصلة فى إيدها
استغربت وقامت قعدت ولسة هتقوم
لقت ممرضة دخلت
ولقتها صحيت فخرجت تانى وجت هى والدكتور
ورغد كانت واقفة جمب السرير وبتشيل المحلول من إيدها
محمد: لاء لاء متشيليهاش وأقعدى إرتاحى مكانك تانى يا أنسة يلا
رغد: انت !! شكرا جدا لأنك جيت دافعت عنى ادام الراجل ده بجد شكرا
محمد: الأول أقعدى ارتاحى يا أنسة
رغد بتوتر: ح...اضر
رغد قعدت والممرضة عدلت المحلول
وجت تديها حقنة فى إيدها
رغد قاطعتها وقالت: لاء سيبيها وانا هديها لنفسي
رغد خدت الحقنة منها وخدتها بكل هدوء وبكل سهولة أبهرت الإتنين اللى واقفين
الممرضة: بتعرفى صح
رغد: اه متخافيش شكرا ليكى ولتعبك
الممرضة: انا متعبتش انتى اللى تعبتى
رغد: شكرا ليكى بردو ولتعبك
وشكرا لحضرتك جدا بجد
الممرضة خرجت
وهوا سألها وقال: هوا انتى عندك فوبيا
رغد: ليه حضرتك بتسأل
محمد: أصلا انتى خوفك كان غريب شوية
رغد: فى الحقيقة اه عندى فوبيا من الصوت العالى حضرتك
محمد: ايوة فهمت عشان كدة
تمام اتفضلى ارتاحى انتى كويسة دلوقتى صح
رغد: اه الحمد لله بخير بفضلك بعد ربنا طبعا
محمد: طب تمام ارتاحى بقا دلوقتى شوية لحد بس ما المحلول يخلص اشطا
رغد: اها تمام شكرا طب ينفع .. يعنى ....
محمد: مالك يا أستاذة
رغد: هوا ينفع أشتغل هنا أى حاجة انهاردة
أعمل أى حاجة جتى لو هكنس أو أمسح
عشان انا مش معايا فلوس أنا أسفة
ف عشان أدفع لحضرتك فلوس لأنك جبتنى هنا
وعالجتنى شكرا مرة تانية
أنت تقرأ
ينتقـدوننـى لـإرتدائـي الحجـاب
Teen Fictionيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
