رغد غمضت عينيها ودموعها نزلت وقالت: انا بكرهكوا ...
وعمرى ما قلت الكلمة دى لحد أبدا
بس الجزء الحلو من الكره ده
انه يمكن كرهى ليكو مش أد كرهكوا ليا
كرهكوا أكتر بكتير
لأن يمكن او أصلا مش يمكن أنا فعلا بكدب على نفسي
لأن انا مش بكرهكوا وعمرها ما هتحصل
انتو اخواتى
انا مجرد زعلانة
زهقانة
من كلامكوا ليا
لأنكوا المفروض اخواتى الكبار البنات
تبقو زى ماما وأكتر كمان
الإخوات سند لبعض مش هدم لبعض
احساس انك بتشوف كل يوم فى عيون الناس اللى بتحبها
الكره بيخرج منها وبيشع منها
والإهانة اللى بتخدها منهم
ده احساس وحش أوى
والمفروض الناس دى تبقى انتو
اللى هوا المفروض تبقو جمبى مش عليا
تشيلونى وتسندونى فى وقت أنا مكسورة فيه
ومحتاجة حاجة أتسند عليها
بجد بجد شكرا لأنكوا اخواتى
وشكرا لأنكوا وصلتونى لدرجة ان أتمنى
ان أموت ومتولدش أصلا
لدرجة ان اتمنى أن أكون فى عيلة تانية
يمكن يحبونى أكتر منكوا
حرام عليكوا كلمة بكرهك منكوا بتتعبنى
انتو المفروض اخواتى حتى لو بتكرهونى
بس مش تقولوها ادامى كدة عينى عينك كدة
حرام عليكوا انا بعيط كل يوم قبل ما أنام بسبب اهانتكوا وتعاملكوا معايا
ليه بتكرهونى كدة
بدأت أشك ان انا مش أختكوا من المعاملة
هوا انتو بتعاملوا أعدائكو كدة أشك انكوا بتعاملوهم
أحسن
ليه بتعملوا كدة
انا عملت إيه طيب عشان أخد المعاملة دى
من أقرب ناس ليا
طب أنا أسفة لو عملت أى حاجة أنا أسفة بجد
بس مش تعاملونى كدة
انا مبحبش المعاملة دى
وطت راسها وإيدها على وشها وبتعيط
وهوا دموعه نزلت من كلامها
حضنها وهى فضلت تعيط فى حضنه
لحد ما هديت شوية
بس هوا كان بيزيد فى العياط كل ما بيشفوها بالشكل ده
حاول يتكلم بهدةء عشان مش يحسسها
قائلا: يااااه يا رغد انت..ى جواكى كل ده
بجد حر..ام عليكى نفس..ك انا أس...ف لو أنا سبب فى حزنك ده وعيا...طك
رغد قامت من حضنه وقالت ودموعها نزلت تانى
بسبب انها شافته بيعيط: انا مش زعلانة منك وعمرى ما هزعل منك والله انا أسفة ان زعلتك
أسفة ان خليتك زعلان كدة خلاص بطل عياط
إبراهيم دخل فجأة ولقاهم هما الإتنين بيعيطوا بالشكل ده
رغد على طرف السرير ووليد على الأرض فى مستواها
إبراهيم راح عليهم بقلق قائلا: إيه مالكوا فيه إيه بتعيطوا ليه طيب
رغد مسحت دموعها بضهر إيدها وقالت: لاء متخافش متخافش احنا كويسين الحمد لله
وليد مسح دموعه وقال: انا تمام الحمد لله
إبراهيم: انتو هتجننونى انتو الإتنين فيه إيه مالكو
مالكوا طيب احكولى
إبراهيم قعد على الأرض وحط إيده على كتف وليد والإيد التانية على إيد رغد
إبراهيم: بفكركوا ان انا أبوكو والله مالكوا طيبببب
أنت تقرأ
ينتقـدوننـى لـإرتدائـي الحجـاب
Teen Fictionيا عزيزى القارئ هى فقط فتاة محجبة او بالمعنى الأصح مختمرة ولكن فى زمانها كل الفتيات لا ترتدين الحجاب وان إرتدت إحداهن الحجاب لا ترتديه بغرض رضا الله بل خوفا من عائلتها او ضغط منهم لترتديه او لأسباب أخرى وأيضا لا ترتديه بالشكل الصحيح ولكن هى ا...
