" විශිෂ්ඨයි.තම ප්‍රධානියා කෙරෙහි විශ්වාසය සහ ගෞරවය ,එයයි මග පෙන්වන්නේ සාර්ථකත්වයට.."
ඒ ගැඹුරු හඩ නැවතත් ..
නමුත් මෙවර ඒ හඩෙහි හිමිකරු අදුරෙන් පිටතට පැමිණීය.
උස තේජස්වී සිරුර, උල් වූ නාසය, රතු කෙස් කලඹ, පුලුල් නළල් තලය සහ උකුසු දෑස්..තරුණ නිලධාරියා තම ප්‍රධානියා දෙස පුදුම සහගත බැල්මක් හෙලීය..
ප්‍රධානියා තරුණයාගේ අතින් ඇදගෙන බිම දිගාවිය." උතුමාණෙනු, ඔහුගේ නොදැනුවත්කමට සමා වුව මැනවි" ප්‍රධානියා මිමිණීය.."
උතුමාණන්...මේ..??" තරුණයා තමා ඉදිරිපිට සිටින නාදුනන්නා දෙස විපරම්කාරී බැල්මක් හෙලීය.
" නිසැකවම තරුණයා..ඔබ ඉදිරිපිට සිටින්නේ ගොඩබිම් දෙකෙහි රජු , රා - බොගොට්- හිම්.."
අමුත්තාගේ පිලිතුර තරුණයාගේ හිස සිට දෙපතුල දක්වා පැතිර ගිය තිගැස්මකට හේතු විය.
" ඔබතුමා , මහා රැම්සිස් ,ආලෝකයේ පුත්‍රයා, කාඩේශ්හිදී තනිව සතුරු සේනා පරාජය කල.." තරුණයාගේ මුවින් නොනවත්වා ගලායාමට පටන් ගත් වදන් පෙල නතර කරමින් රැම්සිස් සිනහවක් නැගීය.
රැම්සිස්ගේ සිනහව සතුරන්ට නම් මරණය පැමිනෙන බවට සලකුණකි ..
නමුදු වැසියන්ට එය අගනා ත්‍යාගයකි.ඒ නිසාම ප්‍රධානියා නිහඬවම සන්සුන් සුසුමක් හෙලීය.
" උතුමාණන් මෙහි පැමිණියේ? " ප්‍රධානියා තම සගයා දෙස උමතු බැල්මක් හෙලීය.කවුරුන්ද නිර්භීත පාරාවෝගෙන් ප්‍රශ්න කරන්නට..එයත් ඔහුගේම භූමියේදී..
" මා පැමිණියා අත්‍යාවශ්‍ය කාර්‍යයකට..හැකිද ඔබට මට සහය වීමට"..
මහා රැම්සිස්ගේ බැල්ම තරුණයා මත පතිත විය."මම...ඔබ තුමාට සහය වීමට.."තරුණයා පුදුමයෙන් තම පාරාවෝ දෙස බලා සිටියේය.
"ඔව් ඔබ තමයි තරුණයා ..කුමක්ද ඔබේ නාමය"
"හේරු..උතුමාණනි" තරුණයා චකිතයෙන් පිලිතුරු දුන්නේය..
"ඕහ්..හේරු.. හෝරස් නොහොත් හර්, බලය ,ශක්තියේ ,රාජ්‍යයත්වයේ සහ සුවකිරීමේ දෙවියන් නමිනුයි ඔබ නම් තබා ඇත්තේ".
YOU ARE READING
-නිසල රැයේ ආලෝකය-
Historical Fictionහේරු...දහහත් හැවිරිදි එඩිතර තරුණයෙක්.. ඔහුගේ ජීවිතය වෙනස් කල රාත්‍රියක්.. අබුසිම්බල් වෙත ආ අමුත්තෙක්.. රාත්‍රිය නිහඩය. නිශාචරයන් නගන හඩ හැරුනු විට කිසිදු මිනිස් හඩක සලකුනක් හෝ නොමැත. නමුත් එහි අමුත්තක් ඇත්තේද නැත. මන්ද ඊජිප්තුවන් අදුරෙහි වෙසෙන ආත්...
