تائهون إلى أن يشاء الله

المتاهة التاسعة والعشرين - الانكشاف

المتاهة التاسعة والعشرين - الانكشاف

الله الله الله الله .. على شعور الوئام
جعل صوت ابن سبيّل بعد مليون صوت
يجعل بيوت الشياطين في عقلي .. حطام
كن صوته ينتشلني معه من بطن حوت
لاسمعته؟ يصغر الكون فعيوني .. وأنام
وأمن أنّي مؤمن أبما يقول .. إبلا .. مقوت

اخرج هاتفه ليرى اتصال أحدهم أعاد هاتفه في جيبه
بتساؤل / اللحين صدق خلاص ما عادك بدارس برا؟!
عناد بنصف نظرة / والبركة فيك
كتمت ضحكتها لتتحدث / شوف انا ما أحب اخدم في الشر
بس بخدمك
عقد حاجبيه باستغراب / شلون ما فهمت؟
لم يفهم ما الذي ترمي له اخته فهو لم يعتد على اسلوبها الى الان
لتردف / أشرائك تنتقم من الوليد
وانا بعد ودي اقهره؟
عناد برعب / لا وين أخاف يصيدني قسم با لله ان يلعن خيري
وبعدين اشوفه مدلعك ما يقولك شيء؟
ميلت شفتيها / طول اليوم كاتم على نفسي لا تسوين لا
تفعلين لا تروحين لا تجين مو ناقص الا يقول لا تنفسين؟!
أشارت على عقنها بيدها السليمة / خانقني حتى اكلي حاشر
نفسه فيه وتقليدا لصوته / لا تأكلين خرابيط اكلي شيء صحي
هو وولاعته بس أوريك فيهم
باستغراب عقد حاجبيه / من ولاعته؟!
اقتربت منه أكثر وما زالت تجهل سبب خوفه / وش مخوفك
منه قولي لي بالتفصيل
ليتحدث وهو يتلفت خوفه من ان يسمعه أحد ليبدأ بشكل تفصيلي
/ يوم كنت ادرس للحين ما تخرجت طاح على فلاح يدخن بالخش
وطايح على شلة عافانا الله حتى الصلاة تركها مع انه تخصصه
هندسة ومتفوق بس ها الشلة لعبوا فيه لعب وكل درجاته نزلت
والحمد الله ان الوليد كان واقف له بالمرصاد واستقعد له ما أنسي
ذاك اليوم كنه أمس كان يسحبه ودخله المجلس وسحب حزامه
العسكري وطاح فيه جلد انا قعدت انتفض مكاني والكاسر وابوي
يحاولون يفصلونه ويبعدونه عن فلاح وبالقوة قدروا يفصلونه
وبتهديد واضح لفلاح قال / لو أشم خبر انك رجعت تواصل معهم او درجاتك
نزلت وأهملت صلاتك ودراستك راح أرفع حجرك على غزل وبيكون
لي تصرف ثاني طبعا فلاح خاف خاصة ما حد كان يأمر وينهي غيره
بس شوفي اللحين فلاح تبارك الرحمن مهندس ومأسس له شركة
وسمعه طيبه يعني لو الوليد ما لحق عليه كان اللحين في خبر كان
بتأفف قالت / يعني سوأ فيه خير بس انت وش دخلك في فلاح؟
عناد تنهد بضيق / بعد ما تخرجت بتفوق والفضل لله أولا ثم
للمدرسين هذا داخل وهذا طالع اقنعت امي ان خاطري ادرس
محاماة برا وبعد قيل وقال وافق الوليد لان ابوي معطيه الخيط
والمخيط المهم سافرت واول سنة وبكل صراحة ما درست كنت
ادور من منطقة لمنطقة مع شلة وموسع خاطري والفضل لله
أولا ثم لأمي الى تحول لي فلوس بدون لا أحد يدري لان الوليد
محدد لي مصروف معين وهو متكفل بالشقة والمواصلات وبأول
اجازه لي نزلت هنا مستأنس وفرحان أنى بشوف امي واهلي الكل
كان ينتظرني وأول ما وصلت وسلمت وقعدت فتح شنطتة الى معه
وطلع الأوراق وتم يحذفها بوجهي قدام الكل غائب ساقط مطرود
محروم بلع ريقه بخوف وهو يكمل / ما أتذكر الا انه طاح فيني ضرب
والله زين قدرت أقوم ولا أحد فيهم فزع لي الا امي كانت تبكي ترجاه
وهو كان ثائر ومعصب وبعد الإجازة سافر معي ونقلني لجامعة ثانيه
وقعد عندي تقريبا ثلاث شهور وبعدها رجع بس على حطت يدك نجاحي
بالدز ما قدرت اندمج في الجامعات هناك يمكن إذا درست هنا راح
يكون الوضع أفضل
باستغراب / اشوفه طايح فيك وفي فلاح والكاسر ليه يتجنبه؟
ابتسم / الكاسر من يومه ملتزم بالصلاة وما عنده خرابيط وانسان سيده
بيت دراسة مسجد حتى اصدقائه ينعدون ما شاء الله عليه ربي يثبته
ضحكت بصوت مسموع / تكفي قول انه بعد ضرب لاهوب
هز راسه / على فكره لاهوب طبق الأصل الوليد بس يفرق عنه
ان الوليد خبيث لأبعد حد بس لاهوب ما وصل لخباثه الوليد
ليردف / وأنتي ما تذكرين شلون كانت دراستك؟
تمددت على العشب لتهمس بصوت واضح له / ما درست جامعة ما
عندي أحد يهتم بأمري ويسالني مثلكم ما عندي الا ام واخت وانا
الى كنت اشتغل واكد عليهم امي ضعيفة لدرجة انها ما كانت تقدر
تأخذ قرار كل شيء تخافه وأكثر ما تخاف منه الفقد وانا زدت
العقدة عندها؟ امي ما كانت كذا قبل أحس اني واجد تعبتها
لتكمل / تدري اول مره احسدك واغبطك على الوليد يا ليت كنت
بينكم وتربيت معكم؟!
تمدد بجانبها وهو يناظر السماء ليهمس / يعني مثل ما توقعت ذاكرتك
شغاله وأحسن مني بعد هههههههه
وبتساؤل / وش أكثر شيء يحبه الوليد؟
بتردد / امممم زوجته
بملل / خل ها الخبلة منك وش يحب مثلا قلم معين بوك معين؟
ضحك / لا يحب سيارته يقدسها ما يحب أحد يوسخها ولا يسوقها
لتبتسم بخبث / وصلنا خير شوف الخطة الى بقولها ونفذها
مثل ما هي إذا ما نشغله يومين في نفسه إذا ما اخليه يمرض ها
اليومين قول هبهب ما قالت
عناد بتردد / لا ما أبغي اضره تري احبه والله
لتردف / ما قلت نقتله قلت نادبه بس اسمعني وش بقولك روح
للماركت او أقرب بقالة واشتري سمك السردين المعلب الصغير
وبالليل لما الكل ينام روح للكراج واخذ سكين صغير وافتح
علبة السمك وسو شق بسيط في مقعد السائق والعبري ودخل السمك
بين الجلد والمقعد وصدقني لو ينفض سيارته نفض ما يعرف من
وين جائه الريحة يا انه راح يمرض مرض من الريحة
بتوتر / خبله انتي فيه كاميرات عادي يفتحها ويشوفني
لوت شفتيها / عادي اللبس عباءه وقفازات وانحني شوي بمشيتك
وحتى انا في واحد بنتقم منه
وبصدمة واضحة / بل ولا الشيطان يفكر ها التفكير طلعتي عقرب صدق
اهم شيء ما يصيدنا يا خبيثة ال لاهوب بس من هذا الى بتنتقمين منه؟
أطلقت ضحكتها بصوت عالي لتردف / ولاعته
فز واقفا / يا الله بروح قبل صلاة الظهر واجيب المطلوب تبغين شيء؟
هزت راسها بالنفي لتعتدل بجلستها وهي تناظر للأمام وتبتسم بهدوء