Unicode
~~~~~~~
"ဆက်မသောက်နဲ့တော့...တော်သင့်ပြီ။ "
'သိင်္ခ'သူ့အရှေ့မှာနှစ်ခွက်သောက်ပြီး ခေါင်းစိုက်နေတဲ့ကောင်ငယ်လေးဆီက ထန်းရည်ခွက်ကို လှမ်းယူပြီးပြောလိုက်တယ်။ဒါတောင် ထန်းရည်အိုးကို
အချို နဲ့အခါးလဲပေးထားလိုက်လို့၊ စလာချင်းနှစ်ခွက်သောက်ပြီးကတည်းက ခေါင်းစိုက်နေတာ။
"ပြန်ပေးပါ~~~ကျုပ်သောက်နိုင်ပါသေးဒယ်။"
"မရဘူး ပြန်ကြမယ်။"
မျက်နှာငယ်လေးနဲ့ပြောလာတဲ့အမူးသမားလေးအား
သူခက်ခက်ခဲခဲလျစ်လျူရှုလိုက်ရပြီး ကောင်ငယ်လေးကိုဆွဲထူဖို့လုပ်လိုက်တယ်။
"အစ်ကို~~။"
သူ့ရဲ့ပုဆိုးစကိုဆွဲပြီး မျက်လုံးရွဲကြီးတွေနဲ့ခေါ်လာတဲ့ကောင်ငယ်လေးကြောင့်'သိင်္ခ'နားထင်ကြောတစ်ခုလုံးကိုသွေးတို့ပင်ဆောင့်တက်သွားရတယ်။
ညိုအိအိပါးလေးနှစ်ဖက်နဲ့ နှာခေါင်းထိပ်လေးက
စတော်ဘယ်ရီသီးလေးလိုရဲနေတဲ့ ကောင်ငယ်လေးရဲ့
ချစ်စရာကောင်းမှုကြီးက သူယောင်ယမ်းပြီးမျက်လုံးတွေမှိတ်ပစ်လိုက်ရတဲ့အထိစွမ်းအားကြီးလွန်းတယ်။ဒီကောင်လေးဟာ သူ့ကိုရူးသွပ်သွားစေဖို့ ရည်ရွယ်ချက်ရှိရှိနဲ့လုပ်နေလေသလား။
"ကျုပ်မမူးသေးပါဘူး~~~အစ်ကိုပြန်ထိုင်လေ
ဆက်သောက်ရအောင်။"
သူ့ရဲ့ခြေထောက်ကိုဖက်ပြီး လက်ကလဲ
အငြိမ်မနေပွတ်သပ်နေတဲ့'ကျောက်ခဲ'ကြောင့်
'သိင်္ခ'မျက်နှာကြီးရဲတက်လာရတယ်။
"မောင်ရင်...ကျောက်ခဲလေးကမူးနေတာလား။"
ထန်းရည်ဆိုင်ပိုင်ရှင်ဦးလေးကြီးက မေးလာတာမို့
'သိင်္ခ'လဲခေါင်းညိတ်ပြလိုက်တယ်။ဦးကြီးက
သူ့စကားကိုကြားတာနဲ့ ထန်းရည်အိုးတွေကိုချပြီး
သူ့တို့ဆီလျှောက်လာကာ 'ကျောက်ခဲလေး'ကိုတွဲ
လိုက်တာမို့သူလျင်မြန်စွာနဲ့ပဲကောင်ငယ်လေးကို
သူ့ဘက်ပြန်ဆွဲလိုက်ရတယ်။
"ရ....ရပါတယ်။ကျွန်တော်ပဲသူ့ကို
ပြန်ပို့ပေးလိုက်ပါ့မယ်။"
သူကအရူးမို့လို့ ဒီကလေးကိုသူများလက်ထဲကို
ထည့်ပေးလိုက်ရမှာလား အိမ်မက်မက်နေလိုက်
ဦးလေးကြီး။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
