Unicode
~~~~~~~
"မြနွယ်...အစ်ကိုတို့စကားလေး
ခဏလောက်ပြောကြမလား။"
ကျုပ် ဘေးနားမှာထိုင်နေတဲ့ ' မြနွယ်'ကို
တိုးတိုးလေးကပ်ပြီးပြောလိုက်တယ်။
"အင်း သွားမယ်လေအစ်ကို။"
'မြနွယ်'ကလဲသဘောတူတာကြောင့် ကျုပ်
'အဘ' တို့ 'အမ'တို့ကို တစ်ချက်ခွင့်တောင်းပြီး
မိန်းကလေးနဲ့အတူ ဝိုင်းထဲကိုဆင်းလာခဲ့လိုက်ကြတယ်။အဘတို့အမတို့ကတော့နေ့လည်စာစားပြီးကတည်းက 'မြနွယ်'ရဲ့မိဘတွေနဲ့စကားကောင်းနေတာဗျ ။ စေ့စပ်မဲ့ရက်ကိုလဲမကြာခင်သတ်မှတ်မယ်ပြောနေကြတာမို့ ကျုပ်တစ်ကယ်ကို စိတ်ရှုပ်လာရတယ်။
"အစ်ကို ဘာပြောမလို့လဲဟင်။"
'မြနွယ်'က ခြံထဲကဝါးကွက်ပျစ်လေးပေါ်မှာထိုင်ရင်း
မေးလာတယ်။သူကျုပ်နဲ့က
သုံးလလောက်ပဲကွာတာ ဒါပေမဲ့ 'မြနွယ်'က
အစ်ကိုလို့ပဲအမြဲခေါ်ပါတယ်။
ပဒုမ္မာအင်္ကျီအဖြူလက်တိုလေးကို မှ
လက်လုပ်ရက်ကန်းထည် ကန့်လန့်စင်းလုံချည်လေးနဲ့တွဲဖက်ဝတ်ဆင်ထားတဲ့ 'မြနွယ်'ကတကယ်ကိုမိန်းမချောလေး။ဖြူဝင်းတဲ့အသားအရည်က ပါးပြင်ပေါ်က ခပ်ဝါဝါသနပ်ခါးကွက်လေးနှစ်ကွက်နဲ့ ရှင်းသန့်လို့နေတယ်။နက်မှောင်ပြီးအုံလုံးကောင်းတဲ့ဆံနွယ်တွေကို တစ်ပတ်လျှိုဆံထုံးထုံးထားပြီး စံပါယ်ကုန်းလေး
သီထားတာကလဲ ကျက်သရေရှိလွန်းပါတယ်။
ရွာရဲ့အချောအလှ ကွမ်းတောင်ကိုင်မဟုတ်ပါလား။ ဒါပေမဲ့လဲ ကျုပ်'မြနွယ်'ကိုနှမငယ်လေးတစ်ယောက်အပြင်ပိုပြီးခံစားလို့မရတာအမှန်ပဲ။
"ဟို...မြနွယ် အစ်ကို့ကို ဘယ်လိုသဘောရလဲ
ဒီစေ့စပ်ပွဲကမြနွယ်ရဲ့ ဆန္ဒကောပါသလား။"
"အစ်ကို ကရောမြနွယ်ကို
ဘယ်လိုသဘောထားလဲဟင်။"
ပယင်းရောင်မျက်လုံးရွဲကြီးတွေနဲ့မေးလာတဲ့ 'မြနွယ်'
ကြောင့် 'ကျောက်ခဲ'ခမျာသူရဲ့အဖြေအတွက်
တွန့်ဆုတ်သွားရတယ်။
"......"
'မြနွယ်' က ကျုပ်ကိုနားလည်ရခက်တဲ့မျက်ဝန်းတွေနဲ့ကြည့်လာတယ်ဗျ။ကျုပ်တွန့်ဆုတ်နေမိတာတော့အမှန်ပဲ။ တစ်ဖက်ကမိန်းကလေးမဟုတ်လား။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
