Unicode
~~~~~~~
ကျုပ်လဲ မိုးအတော်ချုပ်မှ အခန်းထဲကိုပြန်ဝင်လာခဲ့တယ်။ အစ်ကိုကတော့ ကုတင်ရဲ့ညာဘက်ထောင့်မှာကွေးကွေးလေးအိပ်ပျော်လို့နေရဲ့။ ကြည့်လိုက်တာနဲ့ကျုပ်အိပ်ဖို့အတွက် နေရာဖယ်ထားပေးမှန်းသိပေမဲ့လဲ ကျုပ်ကုတင်ပေါ်တက်မအိပ်ရဲဘူး။ကိုယ့်ကိုယ်ကိုယ်လိပ်ပြာမလုံဘူးလေ။ ဒါကြောင့် ကျုပ်လဲကြမ်းပြင်မှာပုဆိုးလေးခင်းပြီး၊ကိုယ့်လက်မောင်းကိုယ်ခေါင်းအုံးလို့ အိပ်ပျော်အောင်ကြိုးစားလိုက်ရပါတော့တယ်။
အရာအားလုံးငြိမ်သက်သွားပြီးတဲ့နောက် ကုတင်ပေါ်မှ'သိင်္ခ'ဟာနိုးထလာခဲ့ပြီး သူ့ကိုကျောပေးလို့အိပ်နေ
တဲ့ကောင်လေးကိုနက်မှောင်နေတဲ့မျက်ဝန်းတွေနဲ့
စိုက်ကြည့်လို့နေခဲ့တယ်။ အဲ့ဒီနောက်မှာတော့ သူဟာကုတင်ပေါ်ကဆင်းလိုက်ကာ တစ်ဖက်လူကိုစောင်ခြုံပေးလိုက်ပြီးနောက် ညာဘက်မျက်ခုံးပေါ်ကအမာရွတ်လေးကို နှုးညံ့စွာနဲ့နမ်းရှိုက်လိုက်
လေတယ်။
ဒီအမာရွတ်လေး ဘယ်လိုရလာသလဲ သူသိချင်ခဲ့သေးတာ။'ကျောက်ခဲလေး'ကသူ့ကို
အခုလိုတုန့်ပြန်လာလိမ့်မယ်လို့မတွေးမိခဲ့တာ
ကြောင့်ထင်တယ် ပိုလို့လဲနာကျင်နေရတယ်။
ဒီလိုအခြေအနေကြားမှာတောင်နှစ်ချိုက်စွာအိပ်ပျော်လို့နေတဲ့ကောင်ငယ်လေးက သူ့ကိုရွံကြောက်သွားတာကလွဲဘာခံစားချက်မှာရှိမနေခဲ့ဘူးထင်ပါရဲ့လေ။
'ကျောက်ခဲ'ရဲ့အမြင်မှာသူဟာညစ်ညမ်းတဲ့သူတစ်ယောက်ဖြစ်နေခဲ့ပြီ။ဒီတစ်ခါတော့ သူ့ရဲ့ဖြစ်တည်မှုနဲ့ ပတ်သက်လို့ စိတ်အပျက်မိဆုံးပဲ။သူသာမိန်းကလေးတစ်ယောက်ဆို...'ကျောက်ခဲ'လေးကသေချာပေါက်သဘောကျမှာမဟုတ်လား။
"ကိုယ်တို့က မှားယွင်းတဲ့ဆုံစည်းမှုတွေဖြစ်ခဲ့ကြပေမဲ့
မင်းကိုချစ်မိတာကတော့ မှန်ကန်တဲ့ကိုယ့်ခံစားချက်ပဲ။အဲ့ဒါက ဘယ်တော့မှပြောင်းလဲမှာမဟုတ်ဘူး ကျောက်ခဲ။"
'သိင်္ခ'ဟာ ကောင်ငယ်လေးကိုကြည့်ကာ
တီးတိုးရေရွတ်လိုက်ပြီးနောက် ကုတင်ပေါ်ပြန်တက်လာခဲ့တယ်။ထိုညမှာ သူဟာလမ်းပျောက်နေဆဲပါပဲ။
ESTÁS LEYENDO
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
