Unicode
~~~~~~~
ဧည့်ခန်းထဲမှာထိုင်ပြီး သတင်းစာဖတ်နေတဲ့
'ဒေါ်ရွှေဇင်ညိမ်း' တစ်ယောက် ခြံထဲကိုဖြေးညှင်းစွာမောင်းဝင်လာတဲ့ ခိုပြာရောင်ကားလေးရဲ့စက်သတ်သံကို ကြားလိုက်တာမို့ သတင်းစာကိုဘေးချပြီး
မှန်ပြတင်းပေါက်ဘက်ကိုအကြည့်ပို့လိုက်မိတယ်။
"ဆင်းနှင့်တော့နော် ကိုယ်သွားစရာလေးရှိသေးလို့။"
အစ်ကိုက ကျုပ်ကိုအပြုံးလေးတစ်ပွင့်နဲ့ပြောလာတယ်ဗျ ။ဒါပေမဲ့ အဲ့ဒီအပြုံးလေးက
ခပ်နွမ်းနွမ်းလေးဖြစ်နေတာမို့
အစ်ကိုဝမ်းနည်းနေမှန်း ကျုပ်သိလိုက်ပါတယ်။
"ဆင်းတော့လေ ကျောက်ခဲလေးရဲ့
ဘာလဲ ကိုယ်နဲ့မခွဲနိုင်လို့လား။ "
အစ်ကိုက သူ့ရဲ့အစွယ်ဖြူလေးတွေပေါ်လာတဲ့အထိ
ရယ်ရင်းကျုပ်ကိုထပ်ပြောလာပေမဲ့ရွှေရောင်ကိုင်း
မျက်မှန်အောက်က အစ်ကို့ရဲ့မျက်ဝန်းတွေကတော့
မှုန်မှိုင်းနေခဲ့တယ်။
"အစ်ကို ကားကိုဂရုစိုက်မောင်းပါ။"
နူးညံ့တဲ့အပြုံးတွေနဲ့ ကျုပ်ကိုနှင်ထုတ်လို့နေတဲ့
အစ်ကို့ကိုထပ်ပြီး စိတ်အနှောင့်အယှက်မပေးချင်
တော့တာမို့ ကျုပ်လဲအစ်ကို့ကိုသတိပေးပြီးတာနဲ့ ကားပေါ်ကဆင်းလာလိုက်တယ်။
ချက်ချင်းဆိုသလို ကားကိုအလျင်စလိုနဲ့ မောင်းထွက်သွားတဲ့ အစ်ကို့ရဲ့ကျောပြင်လေးကိုကြည့်ပြီး
ကျုပ်ရဲ့ရင်ဘက်တွေတင်းကျပ်လာရပါတယ်။
အစ်ကို ဝမ်းနည်းနေတယ် ဒါပေမဲ့ သူအဆင်ပြေသလိုဟန်ဆောင်ထားတယ်။အစ်ကိုဘာလို့ အဲ့လိုလုပ်ရတာလဲ ကျွန်တော်မသိဘူး။ဘာကြောင့်ကျုပ်ဆီမှာသူခံစားနေရတာတွေကို ရင်မဖွင့်ရတာလဲ။
"မောင်ကျောက်ခဲ..!။"
"ဗျာ....ပြောပါဒေါ်ဒေါ်။"
အနောက်ကနေရောက်ချလာပြီး
ကျုပ်နာမည်ကိုခပ်တိုးတိုးခေါ်လာတဲ့ဒေါ်ဒေါ်ကြောင့်
ကျုပ်ရဲ့အတွေးတွေလဲကတ်ကြေးနဲ့ဖြတ်တောက်ခံလိုက်ရသလိုပြတ်တောက်သွားရတယ်။
"အထဲကိုလိုက်ခဲ့အုံး
ဒေါ်ဒေါ်မင်းကို မေးစရာလေးရှိလို့။"
BINABASA MO ANG
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
