Unicode
~~~~~~~
'သိင်္ခ'ရဲ့ တဲ့တိုးဆန်လှတဲ့စကားကြောင့် 'အမာကြည်'
တစ်ယောက်မူးမေ့လဲသွားတော့မယောင်ခံစားလိုက်ရတယ်။ဘယ်လိုဖြစ်ပြီး နှာခေါင်းထဲကသွေးတွေကျလာရမှန်းမသိ၊ ရင်တွေအရမ်းတုန်နေလို့များလား၊
ဒါမှမဟုတ် သူ(မ)ကပဲအကြည့်လွန်သွားလို့များလားလေ။ ဘယ်လိုပဲဖြစ်ပါစေ သေချာတာကတော့ သူ(မ)အနေနဲ့ 'မောင်ကျောက်ခဲ'ကို
နောက်တစ်ခါ ခြောက်လှန့်ကျီစယ်တာမျိုး
မလုပ်တော့ဖို့ပဲဖြစ်တယ်။
လေဆာမျက်လုံးပိုင်ရှင် 'အမာကြည်'ထွက်သွားကာ
မှ 'သိင်္ခ'လဲစိတ်လျှော့ပြီးအိမ်ထဲကိုဝင်လာခဲ့လိုက်ရတယ်။နာရီပိုင်းလေး အပြင်ထွက်မိတာတောင် ပြဿနာကအိမ်ထဲပါမက သူ့အသက်နားပါရောက်နေပြီလေတကယ်ကိုဆိုးဝါးလိုက်တာ။
"ကဲ...ကိုယ်တော်လေး တံခါးနားမှာ
ပုန်းမနေဘဲကိုယ့်ဆီလာခဲ့ပါအုံး။"
'သိင်္ခ'ကအိမ်ရှေ့ကဖိနပ်စင်လေးမှာ သူ့ရဲ့
ကတ္တီပါဖိနပ်လေးကိုလှမ်းတင်ရင်းပြောလိုက်တယ်။
တံခါးကြားကနေ ချောင်းကြည့်လို့နေရှာတဲ့ မျက်ဝန်း
ဝိုင်းဝိုင်းတွေက စိုးရိမ်မှုတွေနဲ့ပြည့်နှက်နေမှန်း သူကလည်းမြင်ဖြစ်အောင်မြင်လိုက်ရသေးတာမို့
သဝန်တိုမိတာကအမှန်။
"သူက ဒီကိုဘယ်လိုလုပ်ရောက်နေရသလဲ..ဟမ်။"
သူ့စကားကိုနာခံစွာနဲ့ တံခါးကြားကနေထွက်လာ
ရှာတဲ့ကောင်ငယ်လေးကို 'သိင်္ခ'လှည့်ကြည့်ပြီး
မေးလိုက်တယ်။ဆံပင်တွေကလဲရေတွေစီးကျလို့၊
ပုခုံးတဝိုက်မှာတောင်စိုရွှဲနေတာကြောင့် သူဘာကိုအလိုမကျမှန်းမသိဖြစ်လာရတယ်။
"ဟော...ရေတွေကလဲစိုရွှဲလို့ပါလား
ဘာတွေဖြစ်ထားတာလဲ...ခေါင်းကိုသေချာသုတ်မှာပေါ့။"
အေးငြိမ်းမှုတို့ကင်းမဲ့နေတဲ့စိတ်အစုံနဲ့
မြိုသိပ်ထားရတဲ့ဝန်တိုမှုတိုကြောင့် 'သိင်္ခ'ရဲ့အသံက အနည်းငယ်မာထန်သွားရတယ်။ဒါပေမဲ့ သူကိုယ်တိုင်ကလဲလေသံကိုပြင်လိုက်ဖို့ဆန္ဒရှိမနေ၊ တစ်ခါတစ်လေကျဒီလိုခပ်မာမာပြောပြီး အရာအားလုံးကို
ကိုယ့်ခြေကိုယ်လက်နဲ့ သေချာလုပ်ပေးရတာကို ကြိုက်တယ်လေ။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
