Unicode
~~~~~~~
ဒီရက်တွေမှာ ကျုပ်နဲ့အစ်ကိုလဲ အလှူအတွက်
ဝိုင်းကူနေရင်းနဲ့ အချိန်တွေကုန်သွားလိုက်တာ
မြို့တက်ရမဲ့ရက်ကို ရောက်လာခဲ့တယ်။
ထုံးစံအတိုင်း မနက်အစောသွားရမှာမို့ ကျုပ်လဲပြင်ဆင်စရာရှိတာတွေပြင်ပြီး လှည်းတပ်လို့
သူကြီးအိမ်ဘက်ကိုမောင်းလာခဲ့လိုက်တယ်။
"အောက်အီးအီးအွတ်...အောက်အီးအီအွတ်!။"
မနက်ဝေလီဝေလင်းအချိန်၊ အလင်းရောင်ကလဲ
မရတရနဲ့ အရှေ့ဘက်ကခေါင်းပြူနေတဲ့
နေမင်းကိုသာ'သိင်္ခ'စိုက်ကြည့်နေမိတယ်။
အခုချိန်ရန်ကုန်မှာဆို အိပ်လို့ကောင်းနေတုန်း
အခုတော့ဖြင့်အိပ်ဖို့မပြောလေနဲ့ နာရီပြန်
လေးချက်ထိုးလောက်ကတည်းက နိုးနေတာ။ အဝတ်အစားသုံးစုံရယ်၊ငွေတွေရယ်၊ ချောကလိတ် တောင့်တွေရယ်ကိုမမေ့မလျော့နဲ့ အိတ်ထဲထည့်ပြီးတော့၊ သပ်သပ်ရပ်ရပ်ဖြစ်အောင်ပြင်ဆင်ပြီး ခြံထဲမှာထိုင်စောင့်နေခြင်း။'ကျောက်ခဲလေး'နဲ့တူအောင်
ချည်တိုက်ပုံကိုဝတ်ထားပြီး၊ ဖျင်တဘက်လေးနဲ့
ခေါင်းကိုလဲပေါင်းထားသေးတယ်။
ခြံထဲက ကွပ်ပျစ်ပေါ်မှာရေနွေကြမ်းလေး
ထိုင်သောက်နေလိုက်ရင်းက ရွာလမ်းမဆီကကြားလိုက်ရတဲ့ ခလောက်သံသဲ့သဲ့ကြောင့်
သူထိုင်ရာကနေထပြီးခြံဝကိုအမြန်သွားကြည့်မိတယ်။
သပ်သပ်ရပ်ရပ်ဝတ်စားထားပြီး ကျော့ရှင်းနေတဲ့မျက်နှာလေးနဲ့ နွားလှည်းကိုမောင်းလာတဲ့
'ကျောက်ခဲလေး'ကိုမြင်တော့ 'သိင်္ခ' လက်လှမ်း
ပြလိုက်တယ်။
"အစ်ကိုက တယ်ဟုတ်ပါလား
အစောကြီးနိုးနေတာပဲ။"
'ကျောက်ခဲ'က နွားလှည်းကိုခြံပြင်မှာ
ရပ်ရင်းနဲ့သူ့ကိုမေးလာတယ်။
"ဟုတ်တယ် ကိုယ်စိတ်တွေလှုပ်ရှားနေတာ။"
"အစ်ကိုကတော့ နောက်ရော့မယ်
မြို့ပေါ်မှာ အဲ့လောက်စိတ်ဝင်စားစရာမရှိပေါင်ဗျာ။
အစ်ကိုတို့ ရန်ကုန် နဲ့အကွာကြီးပါ။"
"ဘယ်လိုပဲဖြစ်ဖြစ်လေ ဒါကမင်းနဲ့ကိုယ်
နှစ်ယောက်တည်းသွားရမဲ့ ပထမဆုံးခရီးမလား။"
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
