Unicode
~~~~~~~
'ကျောက်ခဲ'တို့နှစ်ယောက်ဟာ
ပုဇွန်ဆီရောင် ဆည်းဆာကောင်းကင်ကိုကြည့်ရင်း
ကိုယ်စီအတွေးတွေနဲ့ ငြိမ်သက်နေခဲ့တာအချိန်အတော်တောင်ကြာမြင့်နေခဲ့ပြီဖြစ်တယ်။
"အစ်ကို ကကျုပ်ကိုမြို့ခေါ်ချင်ပေမဲ့
လူကြီးတွေကရော ခွင့်ပြုပါ့မလားဟင်။"
ကောင်ငယ်လေးရဲ့တိုးညှင်းတဲ့စကားသံက
'သိင်္ခ'ရဲ့နားစည်ကို ဖြည်းညင်းစွာရိုက်ခတ်လို့
လာတယ်။
"ကျောက်ခဲလေး က ကိုယ့်ကိုသာယုံလိုက်
ဟုတ်ပြီလား။ မင်းလေးဘက်က လက်ခံလိုက်တာနဲ့တင်ဒီခရီးစဉ်ကသေချာနေပြီမို့။"
"အစ်ကိုက တကယ်အတည်ကြီးပြောနေတာပဲ။"
'သိင်္ခ' က ရိုးပြတ်တွေရှိရာဆီကိုငေးမောရင်း 'ကျောက်ခဲ'ကိုတိုးလျစွာနဲ့ပြောလိုက်တယ်။
"မင်းနဲ့ပတ်သက်ရင် အရာအားလုံးကို
ကိုယ်ကအလေးအနက်ထားပါတယ်ကွယ်။"
အစ်ကို့ရဲ့စကားကြောင့် ကျုပ်ရင်ထဲမှာမရိုးမရွဖြစ်သွားရတယ်ဗျ။အစ်ကို့စကားအသွားအလာက
တစ်မျိုးကြီးဖြစ်နေတာမို့ ကျုပ်ကိုပြောနေတာ
ဟုတ်ရဲ့လားလို့တောင်တွေးမိသွားတဲ့အထိပဲ။
ဒါပေမဲ့လဲ အစ်ကို့ရဲ့ စကားတွေကို
တုံ့ပြန်ဖို့ ကျုပ်မှာမဝံမရဲကြီးဖြစ်လို့နေတာမို့
ငြိမ်ငြိမ်လေးပဲထိုင်နေလိုက်တော့တယ်။
"ကျောက်ခဲလေး.."
"ဗျာ..။"
"မင်းဘဝမယ် အဖြစ်ချင်ဆုံးဆန္ဒကဘာများလဲဟင်။"
'သိင်္ခ'က တဲလေးရဲ့အဖီအနေနဲ့ကာရံထားတဲ့
ဝါးတန်းလေးပေါ်ကိုမေးလေးတင်ရင်း
တစ်ဖက်လူကိုမေးလိုက်တယ်။
"ကျုပ်လား..ကျုပ်က အဘနဲ့အမကို အသက်ကြီးလာတဲ့အခါကျအိုစာမင်းစာလေးနဲ့ အေးအေးချမ်းချမ်းနေနိုင်အောင်ထားချင်တာဗျ။ အဘနဲ့အမက တစ်သက်လုံးလယ်စိုက်လာရတာပင်ပန်းလှပြီလေ။ အမှန်တိုင်းဆိုကျုပ်လဲ အဘနဲ့အမကို အနားယူစေချင်ပြီ၊ဒါပေမဲ့ အဘ နဲ့အမ အေးဆေးအနားယူရလောက်တဲ့အထိကျုပ်ကအားကိုးအားထားပြုရတဲ့
သားတစ်ယောက်မဖြစ်သေးတော့ ကိုယ့်ကိုယ်ကိုယ်
နည်းနည်းတော့စိတ်ပျက်မိတာအမှန်ပဲ။"
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
