Unicode
~~~~~~~
ကျုပ်နဲ့အစ်ကိုလဲ နှစ်ယောက်သားလိုအပ်တဲ့ပစ္စည်းတွေလိုက်ဝယ်နေလိုက်တာ နေ့လယ်လောက်မှပဲပစ္စည်းအားလုံးစုံသွားတယ်ဗျ ။ပြီးစီးတာနဲ့
ပစ္စည်းတွေကို ကူလီထမ်းတဲ့ကလေးတွေနဲ့
မြင်းလှည်းပေါ်ထားခိုင်းလိုက်ပြီး၊တရုတ်စားသောက်ဆိုင်တစ်ဆိုင်ဆီကို နှစ်ယောက်အတူတူ
လျှောက်လာခဲ့လိုက်ကြတယ်။
အစားအသောက်တွေထဲမှာ တရုတ်အစားအသောက်တွေကလဲ လူကြိုက်များတဲ့အထဲမှာပါတယ်။
ကျုပ်ဆိုလဲခေါက်ဆွဲကို ဝက်သားနဲ့ကြော်ထားတာလေးများမြင်ရင် ထမင်းဘယ်လောက်ပဲစားထားထား ဗိုက်ကအလိုလိုဆာလာတာ။အခုလိုအစ်ကိုကကျုပ်ကိုတရုတ်စားသောက်ဆိုင်ခေါ်လာတော့
ကျုပ်လဲကံကောင်းသွားတာပေါ့ဗျာ။
အစ်ကိုက ခေါက်ဆွဲကြော်ရယ်၊ အခေါက်ကင်၊
ငါးခေါင်းဟင်းချို ၊ဝက်သားချိုချဉ်ကြော်နဲ့ ထမင်းဖြူကိုမှာပေးတယ်ဗျ။ကျုပ်လဲဆာဆာနဲ့ ခေါင်းတောင်မဖော်နိုင်ပါဘူးဗျာ။
အားရပါးရလွေးလိုက်တော့တယ်။
"ကျောက်ခဲလေးက တရုတ်စာ
အတော်ကြိုက်တဲ့ပုံပဲ။"
'သိင်္ခ' သူ့ရှေ့မှာခေါင်းတော်မဖော်နိုင်ရှာဘဲ
အပီအပြင်လွေးလို့နေတဲ့ ကောင်ငယ်လေးရဲ့ပန်းကန်
ထဲကို ခေါက်ဆွဲကြော်တွေထည့်ပေးရင်းမေးလိုက်
တယ်။ဒါပေမဲ့တစ်ဖက်လူကတော့ ပြန်ဖြေဖော်တောင်မရ ခေါင်းလေးသာညိတ်ပြလာတာမို့ သူမှာပြုံးရုံလေးသာတတ်နိုင်တော့တယ်။အစားကောင်းလေးများစားနေရရင် တကယ်ကလေးလေးလိုပဲ
ပလုတ်ပလောင်းကိုစားတော့တာ။
" ဝိတ်တာတစ်ယောက်လောက် ဒီကိုလာပါအုံး။"
'သိင်္ခ' က စားပွဲထိုးလူငယ်လေးကိုတစ်ချက်လှမ်း
ခေါ်ကာ'ဖာလူဒါ' နှစ်ခွက်ကိုမှာလိုက်တယ်။
'ကျောက်ခဲ'စားပြီးတာနဲ့တပြိုင်နက် ဖာလူဒါ
ခွက်တို့ပါရောက်လာပြီး 'သိင်္ခ'က ဖာလူဒါခွက်ကို
'ကျောက်ခဲ'ရှေ့မှာချပေးလိုက်တယ်။
"အစ်ကို ဒါကဘာဖျော်ရည်လဲ။"
ကျုပ် ပန်းရောင်ဖျော်ရည်ကိုမွှေရင်းမေးလိုက်တယ်၊၊အစေ့အဆံတွေရော၊ အရောင်စုံပျော့စိစိ
အချောင်းတွေရော၊ကြက်ဥနှစ်အရောင်အဝါတုံးလေးရော၊ ရွာမှာအလှူလုပ်ရင်ကပ်တဲ့ ကိတ်မုန့်တွေရောဗျ အတော်စုံတယ်။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
