ﻻ يوجد مستحيل

نبده عن القصه

القصه علي اربعه صاحبات تلاقو فالتانوي ومن وقتها لين خشو الجامعه هما مع بعض ... كل وحده فيهم كان عندها نصيب لقاته
نادين بنت تعشق حاجة اسمها تلفزيون وتعرف كل البرامج والمسلسلات والأغاني والفنانين ....الخ عايشه في عيله كبيره وحالتهم الماديه متوسطه وماعندهاش اي خلطه بالوﻻد خوتها صاعبيين هلبا.....
رهف وهادي دلووووعه امها وبوها ماعندهاش الا اخت وحده طيبه واحن وحده فالقروب مستحيل ترد اي شخص واي شي تبيه تحصله طول وتعشق اللبس الموضه وديما مهتمه بشكلها من عيله غنيه هلبا بوها عنده شركات نفط في هلبا دول ...
اسيل بنوته تحب القرايا ماعندهاش الروح مع الكتابات وديمه معدلها عالي عبقريه القروب مخطوبه لولد جارهم ...
لين اكتر وحده مش حاطه عقلها فراسها عصبيه ﻻكن تتحشم هلبا من ابسط شي وديما خططها جهنميه يعني اي مصيبه تجيهم من افكار لين عندها حبيب اسمه محمد ....
لين واسيل ورهف ونادين يقرو أسنان سنه اولي ...
هيا نبدو فالقصه :
ناضت الصبح لين علي صوت خواتها التوأم يتعاركو ...نادين: ماتخلوش الواحد يرقد شكله فاتحين الضي وزياده تتعاركو ....
ريهام : الفرخه لبست الساعه البيضه واني قداش ليا مالبستهاش وهيا ديما تلبس فيها .... ريماز : يلي يحوز يفوز .... نادين: واااك جيبو امها ....وخدتها منهم ... ريماز وريهام شافو لبعض وقعدو يضحكو .... لين : خير انشالله ... ريهام : عجبتها كلمها خير امها ....لين : هيا بسرعه اطلعو خلي نرقد حرام عليكم الساعه 7 وراي نوضان .... المهم الساعه 8 ناضت لين صلت وغيرت حوايجها وفطرت وتسقدت للجامعه ....
وصلت لقت عصابه الرداء الاحمر سلمت وقعمزو ...
اسيل :غدوا هيتم جاي اهني باش يشوفني ...
لين : حلو بكل ...
نادين : شاوري امك قبل ...
لين : خير بﻻك خطيبها مش خوله القبور
رهف : احسن باش نشوفه ....
اسيل : حقا رهف امته بتحني علي محمود ...
رهف : نحن علي شن هوا يبي رقمي والدوا الفارغه ...
لين : باهي كل شي خطوه بخطوه حرام الحق كل يوم ماشي جاي غير ارضي بس ويسال عليك طوالي ومسكن مش مخلي ما مداير علي خاطرها ..
رهف : ماعنديش تقه مش عارف
اسيل : اقلبي وجهك كلنا عارفين انك تحبي
رهف : حبك تمساح ههههه
نادين : وانتي يا لين شن صاير فيكم يا عصافير الحب
لين : متعاركين كالعاده
اسيل : وعلاش
لين : ما يبيش يسيب الرقيله
رهف : اخخ تلقيه حتي يدخن
نادين: يﻻ ما علينا المهم هيا نخشو المحاضره بدت ..
نحكيلكم علي محمود شويه ...عمره 28 كان مكبد علي وحده وعلي اساس بيتجوزو وبعد ما كمل حوشه وقرر يتقدملها اتصلت بي وقتله ان خطبها دكتور وعايش في امريكا مهم مرو 3 سنين معاش جي جيهت البنات لين بدي 28 وكل يوم امه تنق عليه تبيه يتجوز ...
بعد ما روحو رهف اتصلت بي نادين .... رهف : بتمشي لعرس سماح وﻻ .... نادين: ايه البنات كل بيمشو شن وتيتي روحك ... رهف : والله ﻻ وتيت روحي وﻻ شي كنا في حوش عمتي وراح من بالي ...
نادين : ووك عليك الساعه 6 بري لحقي روحك ...
رهف : توا نكلم ماما تحطني عند المزين وبعدين نمشي من المزين لغادي طول .....
المهم مشت رهف للمزين وصبغت شعرها كستنائ علي اشقر وهيا عيونها عسليات علي بني وبيضه وطويله ورقيقه ....
المهم كملت من المزين 9 الا ربع جي خالها وصلها لي الصاله ...
خشت قعمزت جنب صاحباتها ... اسيل : نحسابك ما تبيش تجي ... رهف : عطلت فالمزين .... لين: محﻻها صبغتك يا كلبه تهبل عاكسه علي لون عيونك .... اسيل: نوضي نمشو للحمام بنساوي شعري ....
مشو للحمام ولما خشو لقو مرا عمرها في جو 45 .. المرا: جيتو وجابهكم ربي سريته القفطان انفتحت وماقدرتش نصكرها ....رهف : حاضر تعالي نساعدك يا عمتي ... المهم صكرتها وساوه اسيل شعرها ورجعت ع الطاوله لقت أن المرا هديكا طاولتها جنبهم المهم قعمزو وجت العروسه وناضو البنات يرقصو والعروسه فالوسط جت المرا لي اسيل ... المرا : نوضي يا بنتي معاي خلي نرقصو .... رهف استغربت تعرفت عليها فالحمام وتوا تبيني نرقص معاها .... رهف : عمتي والله ما نعرف غير بنحشم روحي .... المرا: نوضي غير هيا والله لما تنوضي .... ناضت وهيا تشوف لصاحباتها باستغراب مستغربه من رده فعل المرا ... صاحباتها قعده مجلوطات ...
لين : هادي ام محمود ..... زادو انجلطو البنات ... اسيل : وانتي من وين عرفتي ....لين : شوفتهم مره فالسيمافرو كانت راكبه معاه بلكي عمته وﻻ خالته المهم راكبه معاه ... نادين : اششش ما دقولولهاش اونها المرا تكلم فيها .....
بعد شويه جت رهف .... اسيل : شن تبي المرا .... رهف : تحقيق كم عمري وشن اسمي واسم امي وين نسكن شن نقرا .... لين : اممم كويس .....
روحو البنات جو الساعه11 وتاني يوم فالجامعه جت اسيل طاااارحه
لين : شن طارحه لهيتم .... اسيل : حاجه زي هكي ههههه
نادين : باهي اصبري خلينا نشوفو مش تمشي انتي وياه طول ....
رهف : تعالي ديري من المسكره متاعي تخليك تهبلي ...
لين: معاكم المدام جويل ..... رهف : اسكتي خلي ندير للبنت .....
رهف : وﻻ تعرفي خلي ندير حتي اني
نادين : احم عاد عارفه محمود اهني هادا عﻻش تفتلك في روحها
رهف :●_● احلفي حاق محمود اهني !
اسيل: اسعقت البنت ههههههه
لين:حي دهب شيرتها نساها حتي مسكرتها ..... قعدو يضحكو ويرن تلفون اسيل ..... اسيل : الو ... هيتم : حبي اني وصلت .... اسيل وجهها تلون وبعد ع البنات وهما زبطو الموضوع لقحوها طول بدو يناشبو فيها .... المهم صكرت منه وقتلهم اني ماشيتله .... لين : زرني روحك خلي يوقف يتشحط فالشمس مش تمشي طول ... رهف: خوديني معاك خلي نشوفه ... اسيل : ما نسلكش منكم اني .... هيا مشتله وهما مشو وراها من غير ما تشوفهم .... لين : هيا عيب المهم شفناه .... نادين : الولد قطعه نادره .... رهف : اممم طرف نيالها .... لين نخصت رهف محمود فات من جنب رهف وضحكلها .... رهف ما عطاتاش اي اهتمام ﻻكن هيا كان عاجبها كيف هوا هكي يحبها ومهتم بيها ومبينلها الشي هادا .....
بعدها مشو بعيد .... نادين : رهوووف يا خطير يا مساهم فالتغيير ....رهف: ههههه خﻻص يا بنات اني صح عاجبني ﻻكن لو كان يبيني راهو جي من الباب ....

(هادا اول جزء من القصه انشاء الله يعجبكم )