لين فهمت رهف ع الخطه وقتلها هتمشي معاها خطوه بخطوه ..
بعد ما روحو البنات مشت رهف لبسه شورت قصير من يلي شرتهم وعليها تيشيرت خفيف سير ....
كسدت تتفرج ع التلفزيون والدار يلي كان فيها التلفزيون مكيفها فاسد والجو كان نو هلبا ... المهم قعدت تتفرج لين خداها النوم ..
تاني يوم ناضت الصبح الساعه 9 لقت روحها راقده فعز النو المهم مشت بنكمل نومها في دارها خش محمود .... رهف تجمد في مكانها معاش عرفت كيف تتصرف ... ومحمود قعد يشوفلها
رهف: اسفه والله ما كنت نندري عليك بتجي وامس قعمزت نتفرج والمكيف اهني فاسد هيا نمشي نغير ونجي نوتيلك فطورك اكيد تكون تعبان .... هيا كيف بتمشي شدها
محمود : ما تتاسفيش من راجلك علي خاطر حاجه زي هادي ... يكلم فيها وهوا يتفرج عليها وهيا تحشمت واستغربت من رده فعله
رهف : حاضر ..... محمود : هيا ديرلي فطوري ....
رهف: باهي خلي نغير ونجيك ع السريع .... محمود ابتسملها : ﻻﻻ خليك هكي .. وبعدين محمود استاقض علي روحه ورجع كشر و جهها .. رهف: طالع عليا حلو قصدك ..... محمود : نوضي وتي الفطور بﻻ دوا بايخه ومش طالع حلو هي ... رهف مشت طول وقعدت تفكر ( كيف تحول بدي بني ادم فجأة رجع حيوان يحكيلي مش حلو امه يلي مش حلو ﻻ امه كويسه باهي بوه ﻻﻻ حتي بوه كويس هوا مش حلو ايه هوا مش كويس ) خش محمود : في شن سرحانه تهدرزي علي روحك جابت ما عندها ... رهف : قعمز اهو قهوتك واتيه ... مدتله القهوه وقعدت توتيله في شكشوكه وهوا يشرب فالقهوه ويشوفلها ... تلفتتله رهف وحاطه ايديها علي خصرها : معاش تشوفلي .. وجت حطت ايديها علي عيونه .. معاش تتفرج عليا ....
محمود : وعﻻش واخدك ماهو باش نتفرج عليك هههه..
رهف : مصح وجهك معاش تشوفلي ﻻن طالعه مش حلوه لما نبدا طالعه حلوه تفرج عليا ..
محمود : ايه عارفك مش حلوه .... رهف شافتله بتحدي اوكي معاش تشوفلي ... محمود: اوكي
حطتله فطوره وبدي يا كل و مش قادر يحول عيونه من عليها
رهف : اوووف شن قلنا معاش تشوفلي
.... المهم كملو فطور هوا خش دوش ورقد .. ورهف مشت اضم بعد ما كملت اتصلت بي لين ...
رهف : تي انتي ابداع اول خطوه من خطك تمام
لين : احكيلي شن صار ....
رهف : ما حولش عيونه من عليا و واضح عجبته ﻻكن ما يبيش يعترف يكابر مصر انه يكون تافه ههههه
لين: ههههه تمام بعد خطوه انك تفتحيله عيونه ننتقلو لي الخطوه التانيه ...... رهف : وشن هيا قولي بسرعه ...
لين : تحاولي تلفتي نظره تجدبيه لعندك وتحسني الامور بيناتكم بالشويه خليك ديما حلوه ﻻبسه وطرف مش شرط تلبسي زي امس المهم انيقه ومرتبه وكبري بيه وخليه يعتمد عليك قدر الامكان باش ما يستغناش عليك ويتعلق بيك ...
رهف: حي عليك وعلي تفكيرك مكانك فاليبان انتي عبقريه مفروض تغيري من الاسنان لمرشده اجتماعيه ...
المهم قعدو يهدرزو و رهف فهمت شن ﻻزم ادير بالزبط ..
ناض محمود ... جاته رهف حطت ايدها علي وجهه محمود خيره عيونك حمر .... محمود : -_- ﻻني كنت راقد يا دكيه ... ومشي وخش للكوجينه .... رهف كانت تنمني تقتله علي اسلوبه الجاف
بعد شويه جاها ... محمود : ديريلي بازين اليوم ...
رهف: ﻻﻻ مش مطيبه مريضه
محمود : خير بﻻك
رهف: ظهري يوجع فيا .... رد عليها محمود بعصبيه : والنبي
رهف : ﻻكن حاضر علي خاطرك نديره تدلل
محمود ابستم : ماشي اني طالع لما قريب يطيب كلميني باهي تبي حاجه توصي علي حاجه ؟ .... رهف ابستمتله : سﻻمتك ورد بالك علي روحك بس ..... طلع محمود
رهف اتصلت بي لين طول ...
رهف : علي شويه وهزبته مستفز وااااك
لين: وسعي بالك فالنهايه تكسبي
رهف : يبي نديرله بازين خلي نكلم امي نسالها كيف
روح محمود خش لقي رهف تصلي ... ولما كملت جاته ....
رهف : هيا نوتي تبي تاكل توا
محمود : ايه وتي جعان
وتته وقعمزو يا كلو ... رهف : هههه اول مره نديره تعرف
محمود : مالح شويه ﻻكن ...
رهف: هههه الله غالب نتعلم ليه ليه
محمود: ﻻكن كويس اني نحب البازين بكل الحالات
رهف : توا تغدا وبرا اتكا قيل شويه وبعد ما تنوض نديرو كبتشينو مدايرتلك كيكه بارده تجنن
محمود : ﻻ الموضوع في كيكه بارده نبي توا توا
رهف: هههه ﻻ يا عيوني بعد العصر
محمود : كيف عرفتي ان نحبها .... رهف ما ردتش عليه شافتله وغمزتله وهوا ضحك .....
كمل غداه ومشي
ورهف اتصلت بلين ..... رهف: الخطه ماشيه تمام التمام فعلا بدي يتحسن
لين: خليك توا مستمره وﻻكن هنبدو فالخطوه التالته ........
يتبع
أنت تقرأ
ﻻ يوجد مستحيل
Romanceكل حاجه ممكن تتغير ﻻزم من الصبر والمحاوله ... ممكن تختار الشخص الغلط وهادا نصيب ﻻكن انك تصلحه هادا قرار ...ممكن تكون ظروف المجتمع صعبه للبنت هادا نصيب ﻻكن انك تحاولي تتاقلمي وتخلقي الفرحه لي نفسك هادا قرار ... ارضي بالنصيب وتحكمي بالقرار ...
