ﻻ يوجد مستحيل

.

اول ماخشت للمحل شافت البنت وانجلطت في مكانها قعدت تشوفلها لين البنت حست عليها طلعت تجري لي السياره بتاخد تلفونها
محمود: بسم الله خيرك شن في
رهف: ﻻﻻ شي نبي تلفوني نسيته ..
خدت التلفون ورجعت للمحل طول ولما شافت الصوره طلعت مش نفس البنت هداكا وين ارتاحت رهف ..
المهم مشو وخدت حوايج واول ما وصلت الحوش كلمت نادين
رهف: نادين اليوم قريب انجلطت شوفت وحده نسخه عليها نحس فالبنت بتطلع فوجهي كل دقيقه
نادين: ما ادوريهاش هوا تجوزك انتي
رهف: ما تجوزنيش برغبته امه شافتني وعجبتها وتم لو شافها هوت مصيبه الحق
نادين: انتي خلي يحبك
رهف : وكيف هي
نادين: اه اهني تمشي لي مسؤوله شؤون العﻻقات لين
رهف: تمام هناخد رايها ...
بعدها رهف طول كلمه لين وقعدو يهدرزو علي خشن محمود
محمود : مكتره من التلفون هلبا نحسك
رهف صكرت طول من لين: صاحباتي مانشوفش فيهم من حقي نكلمهم باهي عندك علم أن يلي كنت تكلم فيها مش في امريكا هيا في ليبيا
محمود شاف لرهف طول : هيا اهني امته جت ومن قالك
رهف: شن فرحت شكلك قالولي البنات اسمع كانا تحبها وتبيها برالها مانرضاش واحد يقلل من قيمتي خﻻص احني نطل..
ماخلاهاش تكمل كلامها حط ايده علي فمها
محمود: اششش ما تكمليش وﻻ كلمه ﻻ رهف اني ما نبدلك ﻻ بيها وﻻ بغيرها ومعاش تجيبي سيرت الطﻻق
رهف: احني علي من نكدبو بس ما نمشوش مع بعض وانت من اول ما قتلك هيا اهني وجهك تلون
محمود: ﻻ تلون وﻻ شي وهيا ما تعنيلي شي وبعدين علاش ما نطلعوش مع بعض ... شدها قامها وهيا قعدت تعيط نزلني
محمود: اسكتي بنرفعك لي المرايا تشوفي كيف نطلعو مع بعض
نزلها قدام المرايا قلها: شوفينا طنجره ولقت غطاها توا معقوله بنلقا وحده حلوه زيك ...
رهف: سجل يا تاريخ محمود قال كلمه طيبه حلوه قبل ديما ادم فيا
محمود: اماﻻ ما تندريش محمود يدير حتي في حجات حلوه هههه
رهف: حتي رهف ادير في حجات حلوه متﻻ يومها درتلك كيكه بارده
محمود: رهف تستعبط هلبا ههههههه
رهف: هههههه هيا ابعد من جنبي ما نوقفش جنب الشينين اصلا بنمشي نرقد
محمود: من توا
رهف: غدوا جامعه
محمود : برأي فوتي القرايا و ......... يتبع