ﻻ يوجد مستحيل

.

محمود طلع من الحوش يجري رهف ما عرفتش شن ادير وكيف ممكن تتصرف قعدت مقعمزه فتره وبعدها اتصلت بلين ..
لين: انشاء الله خير رهف
رهف وهيا تبكي : مش عارفه كيف نتصرف
لين: ههههههههه
رهف: وقت ضحكك تي وين مشي بالك انتي محمود جاه تلفون وناض زي المخلوع طلع واني مش عارف شن ندير
لين: انشاء الله خير بس اكيد صارت حاجه قويه باش خﻻته يمشي في ليله عرسه انشاء الله خير ما توتريش روحك وبري توا غيري حوايجك وارقدي ارتاحي وغدوا الصبح ساهل ...
رهف : شن نقول ل اماليا غدوا
لين : احكي يلي صار واكيد في سبب ما ادوري شي
رهف: اوكي تمام شكرا تصبحي علي خير
لين: ولو حبيتي تصبحي علي خير
مشت رهف دوشت ورقدت طول كانت تعبانه هلبا ....
ناضت رهف 6:30 قعدت تتصل بمحمود بالها مشغول واخيرا رد
رهف: محمود انت وين وشن صاير
محمود : توا نروح بعدين ونتكلمو
رهف: اماليك واماليا بيجو المهم روح بكري
محمود: باهي
ناضت رهف توضت وصلت وخشت فطرت وضمت الحوش خشت للكوجينه دارت بيتزا وطاجين حطتهم فالكوشه و بدت تعول ع الكسكسي ... تسمع في صوت الباب انفتح ... محمود خش
رهف: محمود وين كنت وشن صار امس قريب هبلت ما عرفتش نتصرف
محمود: اسمعي تعبان لين خﻻص خليني نرقد
رهف: ترقد شن امالينا بيجو بعد ساعه ساعه ونص هكي
محمود: اووف نرقد نص ساعه ونوضيني
خش محمود رقد ورهف مشت كملت الكسكسي و وتت الحلويات ..
بعدها بنص ساعه رهف نوضت محمود .... ناض دوش وخش لقاها فالكوجينه ..
محمود : بالله عليك ديريلي طاسه قهوه راسي بيتطربق
رهف : حاضر
دارتله القهوه وحطتهاله وقعمزه جنبه ..
رهف: ما قتليش شن يلي صار امس باش انت مشيت ....
وقبل ما محمود يتكلم الجرس رن مشت فتحت ... اماليهم جو
استقبلوهم ومحمود قدام امه كان يمتل انه الراجل يلي فرحان بمرته رهف استغربت طول الوقت يعامل فيها ببرود وباسلوب جاف وتوا قدام امه انقلب .. ام محمود : مشاء الله يا بنتي قمر وامس كلهم قعدو يحكو عليك ... رهف : تسلمي يا عمتي هادا من دوقت هيا خلي نستادن نمشي نسقي الكسكسي
ام محمود : مشاء الله يا بنتي من صبحيه عرسك نايضه تعولي صح ليك ...وشافت لي محمود وقتله : والله يا ولدي نيالك بمرتك جمال واخلاق وبنت اصول ...
رهف مشت وتتلهم وتغدو وشربو القهوه والشاهي و روحو ..
بعد ما روحو مشت رهف ضمت الصاله وغسله الماعين ولقت محمود فاتح التلفزيون يتفرج جت قعمزت جنبه وكانت متكنطيه لين خﻻص ..
رهف : ايه امس وين مشيت
محمود : ولد صاحبي دار حادت قوي
رهف: يلي اتصل بيك وقالك واحد والله ما يتحشم باهي
محمود : ايه ايه انتي خيرك تعلمي كيف الناس تتكلم
رهف : شن تعلمي كيف الناس تتكلم انت عريس ومتصلين بيك واني ما عرفتش كيف نتصرف خلتني بروحي
محمود: شن خليتك فغابه اني الصبر يا ربي
رهف : انت مشيت مخلوع واني قعدت خايفه انت كنت تقدر ما تمشيش هادي ليله عرسك ومافيش حد ﻻيم عليك وﻻ ع الاقل دقولي
محمود: اوووو يا ربي صبرني شن تبي توا
رهف : ﻻ شي سﻻمتك :'(
وطلعت رهف مشت لي الدار التانيه كلمت لين وحكتلها كل شي
لين: وسعي بالك اكيد صاحبه هلبا قدريه الله غالب
رهف: اسلوبه ديما جاف معاي وبكل يتعامل ببرود هلبا شكله ما يحبنيش
لين: شوفناه فالعرس كيف يشولك واضح يحبك واصلا عﻻش يتجوزك كانا هكي
رهف:فالعرس ﻻن امه معانا كانت قدام امه ديما هكي والله ضايقني حطني ومشي من غير ما يحسبلي حساب
لين : وسعي بالك توا كل شي يتصلح لما تمشو شهر عسل وين بتمشو انتم
رهف: والله لتوا ما نعرف ومش هنساله يملح المهم ما تقوليش لاي وحده من البنات علي يلي قلتهولك ... لين : اوكي تمام
المهم طلعت رهف لقت محمود طالع ...
قعدو سبوع علي حالهم ...
كانن رهف راقده جي محمود ينوض فيها حاط ايده علي راسها وكان مبتسم
رهف ناضت : اممم شن في
محمود : نوضي ياسرك نوم
رهف: شن الحن هادا يلي نازل عليك
محمود: هيا نوضي امي جايه بتتغدا عندنا
رهف : اه قول هكي عاد ﻻزم تمتل دور الراجل الكويس قدام امك
محمود مشي وماردش عليها ... المهم مع الظهر جت امه ..
تغدو ودارو شاهي وحلويات وقعمزو ام محمود كانت تحب رهف هلبا ...رهف مشت بتصلي العصر توضت وكيف كملت صﻻه تلفونها يرن ..طلعت لين .. قعدو يهدرزو قريب ربع ساعه و لين نصحت رهف ان تمشي تفتح موضوع شهر العسل قدام امه باش يرفعها لي دوله مليحه ... رهف طلعت بتنفد الخطه لقت ام محمود مهناش ...
رهف: امك وين .... محمود : روحت عندها دواء ضروري تاخده
رهف: باهي امته بنمشو شهر عسل و وين
محمود : ههههههههه
رهف: خيرك تضحك
محمود : هههههه ﻻ شي
رهف: باهي ما جاوبتنيش
محمود : اما شهر عسل مش ماشيين شهر عسل
رهف انصدمت : وعﻻش
محمود: هكي ما عنديش فلوس الله غالب
محمود ماكانش زي ما رهف متوقعاته ... رهف : كيف متجوزين بﻻ شهر عسل ..... محمود: واخدتها بجديات شكله موضوع الزواج .... رهف: شن قصدك !!! ..... محمود : ﻻ شي .... رهف: تعرف بتصرفاتك هادي تحسس فيا انك ما تحبنيش مش عارف كيف راهو اني مش عاجبني ومش مرتاحه ....
محمود : تحضري في مسلسلات تركيه هلبا انتي راهو
رهف: انت تجوزتني ﻻن تحبني وﻻ علاش (ادكرت كﻻم البنات يلي قالولها تجوزك علي خاطر فلوس بوك )
محمود: تحبني شن انتو البنات ما تنعطوش وجه اصلا
رهف : اماﻻ عﻻش تجوزتني يا هم
محمود: امي عجبتيها مش عارف وين شافاتك واني ما نرفضش طلب لامي ...
رهف خﻻص قريب تبكي : اني كنت نحسابه شي تاني والله لو هكي ما نتجوزك ..... محمود صخف عليها علي الرغم من ان ماكانش طايقها ....محمود: خﻻص عادي هلبا يتجوزو زواج تقليدي
رهف ناضت وخشت لي الدار قعدت تبكي معقوله هيا تحبه وهوا طلع اصلا مش مدورها قعدت تبكي لين رقدت ...
قعدو فتره متع ما يتعاملوش مع بعض وفالفتره هديكا جارهم توفا وكان محمود طول الوقت ﻻهي فالعزاء طول الوقت ...
رهف كانو عندها صاحباتها قعدت تحكيلهم علي يلي صار ...
اسيل : قتلك تسرعتي ﻻكن الله غالب
لين : جتني فكره والله لما تربيه محمود هادا ..........يتبع

شن هوا يلي خطر في بالي لين ......؟؟؟؟