ﻻ يوجد مستحيل

.

محمود : قولي شن قصدك ...
رهف:نغير حوايجي ونجي ونهدرزو ...
مشيت رهف وعطلت بقصد تحساب محمود بيرقد ... لما رجعت لقاته قاعد يستنا ..
محمود: ايه شن تبي انتي بالزبط
رهف: اني وانت مش متفاهمين وبعدين اني مليت من اسلوبك ومعاملتك
محمود: اني مش هنتغير فيوم وليله لو تحبيني اصبري عليا اني بديت نتغير
رهف: ما نحبكش وما نبيش نصبر
محمود: اني كنت مدايرلك مفاجأة ﻻكن خربتيها في راجل حالته الماديه مليحه وعنده ولد شطان مش عاقل ويبي يخدم ويشد مسؤوليه وعرض عليا ياجر مني المحل بي 3الف عارفه هلبا ﻻكن الراجل يبي ياجر باي سعر .
رهف قاطعاته: اني مش هاميني فلوسك اني بنت متربيه فالعز والفلوس زي الهوا نشوف فيهم مانبيش فلوسك لو كان اسلوبك هكي ..
محمود:خليني نكمل كﻻمي قبل اصلا حكيتلك ع الموضوع ﻻن اني نبي نمشي شهر عسل اني وانتي لي المكان يلي تبي
رهف: تحساب روحك تصلح يلي درته بسفر علي فكره شهر العسل حاجه مفروض اديرها مش كرم منك راهو
محمود: ﻻ حول وﻻ قوه الا بالله كيف نتعامل معاك اه نحاول نصلح عﻻقتي بيك ﻻكن انتي بكل
رهف: خﻻص خﻻص اني بنمشي نرقد مع امك ... جت بتطلع ومحمود ناداها وبصوت عالي ... فجأة الباب يطق فتحت رهف
ام محمود : خيركم اللطف شن جاكم
رهف ومحمود ساكتين ...
ام محمود:خيركم شن في قولو
محمود : مافي شي يا امي
ام محمود: هدي يا ولدي وانتي بنتيتي وسعي بالك وسعو بالكم مع بعض هيا تصبحو علي خير ...ومشت امه
رهف: عاجبك هكي
محمود: كله منك من يلي دخل في بالك الافكار هادو
رهف: اني نعرف بي موضوع البنت يلي تحبها
محمود:شني تخرطي
رهف: يلي تجوزت واحد تاني قريبتك زبطتها اني نعرف بالموضوع
محمود: من قالك علي الموضوع ومنين تعرفيها
رهف: ما نعرفهاش شخصيا ﻻكن سمعت
محمود بصوت عالي: الموضوع هادا صكرته اني ومعاش نبي ينفتح سمعتي وﻻ
رهف: اهو رجعت وحش لي حقيقتك اني خليني نرقد هادا اخر سبوع للعطله ... خشو رقدو
تاني يوم رهف ومحمود قعدو راقدين ل12 ناضو علي صوت الجرس ..لقوه خو محمود جاي بيروح بامه..
رهف: عمتي اقعدي مسرع
ام محمود: ﻻ بنتي ﻻزم نرجع لحوشي هوا هداكا صحيتي ...
روحت امه ورهف كلمه امها طول وقتلها انها تبي تطلق من محمود
ام رهف: قعمزي وريحي روحك وسعي بالك معاه اصلا يوم الجمعة مزردين زرده عائليه عمامك وخوالك تعالو الزوز
رهف:ما نبيش
ام رهف : والله لما تجو حلفت .... رهف: اااه يا ماما باهي حاضر ....
خشت رهف لي الدار لقت محمود متكي فاتح التلفزيون ..
رهف: ايمع الجمعه هادي ماشيين زرده مع عيلتي
محمود: بري انتي اني ما نبيش
رهف: امي حلفت اصلا كانا عليا مانبيكش تجي
محمود: سمعتك تكلمي فيها علي موضوع الطﻻق اني مش مطلق ايوه
رهف تجاهلت كلمته وردت عليه: هيا وصلني لحوش صاحبتي متغديين عندها
محمود: صاحبتك عندها خوت وﻻد وﻻﻻ
رهف: ماعندهاش (تكدب) ...
وصلها محمود لحوش نادين ولقت البنات كل يستنو فيها
اسيل : طيب فينا من بكري نستنو لين قالت مدتيرتلنا مفاجأة ومش هتقول لين انتي توصلي ..
رهف: هيا اماﻻ نسمعو اجلطينا لين
لين: محمد كلم أمه وخﻻل السبوعين هادو اماليه بيكلمو اماليا
اسيل : خﻻل السبوعين هادو يا فرحتنا بيك تي شن هالقرار الصعب يلي يبي في سبوعين هادا يلعب الولد
نادين: كﻻم اسيل مزبوط علاش يلف ويدور مﻻ كداب مش مرتاحتله
رهف: ايه صح عﻻش يماطل شن اسبوعين بيحضر فيهم الدره تي هوا بيجي يعطي فيك كلمه يعني حاجه اقل من الخطبه
لين: حتي الفرحه ما خليتونيش نتهنا بيها ﻻكن كﻻمكم حق :-(
اسيل: ما اضايقيش روحك ما تحسسيشي انك ميته عليه ﻻكن وقضي فالسبوعين هادو مرات عنده ظروف
نادين: ايه وانتي يا رهف شن هل من جديد
رهف: تبي الحق هوا بدي يتغير شويه معاش حقير زي قبل وامس قتله ان نعرف بي موضوع يلي كان يحبها و قالي صكرت ع الموضوع
نادين : القرايا السبوع الجاي توا نقنع صاحباتها يجيبوها معاهم
رهف : مدقوليش كانت تقرا فجامعتنا
نادين: قبل وصاحباتها نعرفهم وبنت عمي تعرفهم توا نقنعهم
رهف : شن عاد انت رقابه السجﻻت المدنيه ...
مر الوقت ومع الساعه 8 محمود اتصل برهف
محمود :انزلي اني وصلت .... رهف: ومن قالك تعالا مزال وليلي بعدين ..... محمود بصوت عالي : قلت انزلي وتوا وبسرعة ...
رهف: محمود شن في ......
محمود: توا تعرفي .......................
يتبع .........