ﻻ يوجد مستحيل

.

كانو البنات شادينها قرايا .....وجت فتره الامتحانات كانو يقرو هلبا ..
اخر يوم فالامتحانات اتفقو يتلاقو في حوش رهف المهم كملو الامتحان وجي بو رهف خداهم ...
اسيل : رهف اني مش مرتاحه معقوله بسرعه بتتجوزي وقرايتك
رهف: تي اسكتي متوتره من ربي ﻻكن موضوع القرايا قالي عادي ماهو عنده خوات يقرو ..
لين: ما تتوتريش هديكا اسيل همها كله فالقرايا
اسيل : ايه طبعا اهم شي ردي بالك حتي لو تجوزتي قرايتك اهم منه
رهف : طبعا عارفه
نادين : خﻻص يا بنات عرسها بعد سبوع وانتو تزيدو فيها لين مقطعتها رومنسيه واسيل طالبه مجتهده ههههه
لين: ههههه ملحي
هدرزو البنات وغيرو جو وروحو كل مع جو العشره العشره ونص
مر هداكا السبوع بسرعه هلبا ودوشه العرس كانت ملهيتهم ..
(وجي يوم العرس)
رهف لبسه فيلو فخم متع اميرات وكانت تسريحتها بسيطه جدا مع مكياجه بسيط الوان ترابيه خفيف مع عيونها العسليات والطرحه طويله ...كانت طالعه فعلا اميره حلوه هلباا ..
وصلت ساره لي الصاله ودخلها بوها فالزفه .... رقصت هليا وصاحباتها وصورو ...
رهف: نبي نروح يا بنات معاش صارلي ههههه
نادين: ههههه قعمزي خﻻص حبيبتي
لين: شوفو كيف طالعه اميره تسهفي الواحد يتجوز شن شعورك
رهف: شعوري جعانه هههههههه من الصبح مش واكله شي
اسيل : ما تاكليش توا باش تاكلي فحوشك انتي ومحمود
رهف: خايفه نخش اني وهوا للحوش وفلحظه الصمت هديكا بطني ادير صوت متع جعاااانه ههههههه
نادين: ههههههه كولي شويه توا نكلمهم يهربوك
لين: الله محلااااااك
اسيل: عقبال ما يجي محمد يخطبك
لين: امين ... قعدو يهدرزو لين وصل العريس!!
لبسو النساوين عباياتهم وخش محمود وزفوه مع رهف علي اغنيه طلي بالابيض طلي .... كان طالع طرف للمليون البدله الرسميه وهوا طويل وجسمه معضل واللحيه الخفيفه وكان رزين لين خﻻص وهادا الشي زايده رجوليه وحلي شخصيته ...
اول ما وصلو الكوشة ( صالون العروسه ) باسها علي جبهتها وقعمزو .... شويه وفتحولهم اغنيه يارا ...
"مابعرف كيف بنضره بتعمل عيك بتاخدني ليك وبموت عليك مابعرف شو الي عم يسحرني هيك لمسه ايديك نضره عينيك "
جت اخت محمود شدت محمود و رهف وجبتدهم لي الوسط وقتلع ارقصو شويه عاد ... رهف وجها تلون تحشمت محمود شاف لاخته وضحك .... محمود : باهي اقربي رهف .... رهف متحشمه قعدت جامده في مكانها ..
جي محمود وشد ايدها وحط ايده التانيه علي خصرها هيا مدت لي اخته باقه الورد وحطت اديرها ورا رقبته ....
رهف : ما نعرفش نرقص راهو ههههه
محمود: اني زيك تعلمت كيف يشدو من الافلام ههههههه
رهف:خلينا فالوضعيه هادي علي اساس نرقصو
محمود : هههههه المشكلة يتفرجو علينا ههههه
المهم قعدو يضحكو و المصوره كانت تاخدلهم في صوره عشوائيه
بعدها قعمزو وجابولها الطورطه هما يقصو فيها نادين نخصت لين ...
نادين: انشاء الله غير ما يلبزهاش يخرب المكياج
لين: ههههه ﻻﻻ رزين واضح عليه ﻻكن شوفتيهم كيف يضحكو لما يرقصو واضح حبايب
نادين : ربي يدوم عليهم
المهم تمت الحفله و وصلو للحوش اول ما خشو للحوش محمود جاه تلفون ....
محمود: الوو امته صار تي شن دقول اني جاي هي .....
طلع محمود يجري من غير ما يقول ل رهف اي حاجه ...

محمود من كلمه وشن قاله وشن هوا الموضوع يلي وقفت عليه الدنيا باش عريس يسيب عروسته بالشكل هادا من غير حتي ما يقلها وين ماشي ؟؟؟؟؟؟
يتبع .....